Baŋa-Wɛ maŋɩ dɩ zulǝ
148
Pa-na dɩ́ tee Baŋa-Wɛ!aAbam balʋ na wʋ wɛyuu kʋm nɩ tɩn
tee-na Baŋa-Wɛ!
Tee-DƖ-na wɛ wɛ baŋa je sɩm maama nɩ!
2 Abam balʋ na yɩ DƖ malɛsɩ
yɩ á wʋ DƖ kwaga kɔgɔ kʋm wʋnɩ tɩn, tee-DƖ-na!
3 Wɩa kam dɩ cana kam,
kʋ maŋɩ sɩ abam dɩ taa tee‑DƖ!
Sɩ abam calɩcwɩ sɩm
na pɩpɩlɩ tɩn dɩ tee‑DƖ!
4 Wǝǝnu maama na wʋ wɛyuu kʋm baŋa nɩ tɩn, tee-DƖ-na!
Kʋ ta wǝli dɩ na balʋ na kikili wɛyuu kʋm baŋa nɩ tɩn,b
ba-na á tee‑DƖ!
5 Kʋ maŋɩ sɩ woŋo maama mʋ
taa tee‑DƖ,
Bɛŋwaanɩ, Dɩntʋ mʋ dɛ DƖ ni dɩm ŋwaanɩ DƖ naanɩ-tɩ.
6 DƖ dɛɛn pɛ tɩ zɩgɩ
tɩ zɩga je nɩ maŋa maama,
yɩ kʋlʋkʋlʋ daa warɩ DƖ ni dɩm kʋntʋ kʋ cɔgɩ.
7 Abam balʋ na wʋ
tɩga kam baŋa nɩ tɩn
tee-na Baŋa-Wɛ!
Nɩnɩʋ wʋ varɩ-kamunə bam,
dɩ wǝǝnu tɩlʋ maama na zʋʋrɩ nɩnɩʋ kʋm kuri kuri nɩ tɩn,
tee-DƖ-na!
8 Kʋ na yɩ dʋa pɩpɩlɩm,
dɩ dʋ-kambana, dɩ kunu, dɩ nyɔnɔ,
kʋ wǝli dɩ vu-dɩʋ dwi maama
na sɛ DƖ ni dɩm tɩn,
tee-DƖ-na!
9 Pweeru dɩ zwəənu tɩm maama,
dɩ kagʋa wʋ tweeru,
dɩdaanɩ tweeru tɩlʋ
nɔɔna na jəri ba karɩ nɩ tɩn,
ba-na á tee‑DƖ!
10 Kʋ ta wǝli dɩ ga-vara,
dɩ sɔŋɔ vara,
dɩdaanɩ tɩga wo-vəəlu,
dɩ zunə dwi maama,
tee-DƖ-na!
11 Tɩga baŋa pwa bam,
dɩ dwi tiinə maama,
dɩdaanɩ nakwa,
dɩ dɩdɛɛra maama,
12 kʋ wǝli dɩ nɔn-dʋnnʋ, dɩ bukwa,
dɩ nankwɩn: dɩ bu-balwa,
á maama tee-DƖ-na!
13 Pa-na sɩ wǝǝnu maama tee Baŋa-Wɛ,
DƖ yɩrɩ dɩm na tiini dɩ daga
dɩ gaalɩ tɩn ŋwaanɩ!
DƖ nɩnwaŋa kam dɩ daga ka dwe
woŋo kʋlʋ maama na wʋ
tɩga baŋa nɩ
dɩdaanɩ wɛyuu maama nɩ tɩn.
14 DƖ zǝŋi DƖ tɩtɩ nɔɔna bam mʋ
pa ba na dam dɩ zulə.
DƖ kɩ kʋntʋ DƖ pa DƖ nɔn-sonnu
Yisɩrayɛlɩ tiinə bam mʋ.
Pa-na dɩ́ tee Baŋa-Wɛ!