Ləŋ-dʋŋa
149
Pa-na dɩ́ tee Baŋa-Wɛ!aLeeni-na ləŋ-dʋŋa
á ma á tee Baŋa-Wɛ.
Jeeri-na dɩ DƖ nɔn-ŋʋna kɔgɔ kʋm
á tee‑DƖ.
2 Pa-na sɩ Yisɩrayɛlɩ dwi tiinə bam
di ywəəni ba Kəru wʋm ŋwaanɩ,
sɩ Siyɔn tiinə bam taa caka
dɩ wʋpolo ba Pɛ wʋm ŋwaanɩ.
3 Pa-na sɩ ba taa saɩ Wɛ yigə nɩ
ba maa zuli DƖ yɩrɩ dɩm.
Ba ta wʋ́ taa magɩ sɩnyɛ
yɩ ba magɩ kwaanʋ ba zuli‑DƖ.
4 Bɛŋwaanɩ, Baŋa-Wɛ wʋʋ poli
dɩ DƖ nɔɔna bam kikiə.
DƖ joŋi balʋ na tu ba tɩtɩ tɩn DƖ yaga,
pa ba na nɩnwaŋa nɔɔna yigə nɩ.
5 Pa-na sɩ balʋ na kwarɩ Wɛ tɩn taa caka
dɩdaanɩ zulə yalʋ DƖ na pɛ-ba tɩn.
Pa-na sɩ ba taa leeni dɩ ywəəni,
nɩ ba na tigi ba sarɩ wʋnɩ tee tɩn.
6 Kʋ maŋɩ sɩ tiə le taa wʋ ba ni nɩ,
yɩ ba ta ze najara sʋ-lwaanʋ ba jɩa nɩ.
7 Ba maa wʋ́ joori ba ŋwɩ ba jɩnɩ
dwi-gɛ tiinə bam baŋa nɩ,
yɩ ba tiini ba waarɩ-ba.
8 Ba maa wʋ́ kwe capʋnnʋ
ba vɔ tɩɩnɩ dɩdonnǝ pwa bam,
yɩ ba daarɩ ba ma luuru
ba lə ba dɩdɛɛra bam nɛ sɩm nɩ.
9 Ba kǝm dɩm kʋntʋ wʋ́ ŋwɩ jɩnɩ
dɩlʋ ya na tigi ba dʋna bam
baŋa nɩ tɩn mʋ.
Kʋntʋ tɩn, balʋ maama na kwarɩ Wɛ tɩn wʋ́ na zulə.
Pa-na dɩ́ tee Baŋa-Wɛ!