Baŋa-Wɛ le kǝm
Davidi dɛɛn panɩ ləŋə kantʋ.
138
Baŋa-Wɛ, amʋ kwe a bɩcarɩ maama mʋa ma a kɩ nmʋ le.
A maa wʋ́ zɩgɩ
wa yadonnə yam yigə nɩ
a leeni a zuli nmʋ yɩrɩ dɩm.
2 Amʋ wʋ́ pipiri a jeeri
n wara-je sɩlʋ na yɩ lanyɩranɩ fasɩ tɩn
yɩ a laan kuni doonə tɩga nɩ a tee‑m.
Bɛŋwaanɩ, n sono kʋm wʋra mʋ
maŋa maama,
yɩ n ta yɔɔrɩ n zɩgɩ
n cɩga wʋnɩ.
N ma n pa n yɩrɩ dɩm
zaŋɩ wɛɛnɩ,
yɩ ni dɩlʋ n na tiŋi tɩn
tiini dɩ jɩgɩ kuri.
3 A na keeri a loori nmʋ tɩn,
nmʋ ləri a wɛ-loro kʋm lɩla.
Nmʋ ma n pa a na baarɩ
dɩ dam.
4 Baŋa-Wɛ, lʋgʋ baŋa pwa bam maama wʋ́ tee nmʋ mʋ,
nɩ ba na ni kwǝrǝ kalʋ
na nuŋi n ni nɩ tɩn.
5 Baá leeni mʋ ba ta
Baŋa-Wɛ tɩtʋŋa yam taanɩ,
DƖ paarɩ-zulǝ yam na tiini
kʋ gaalɩ tɩn ŋwaanɩ.
6 Baŋa-Wɛ, n sɩɩnɩ n wʋ wɛ wɛ mʋ,
yɩ n yigə ta wʋ nabwənə wʋnɩ.
Kʋ nan na yɩ balʋ
na brɩ ba tɩtɩ tɩn,
DƖ zɩgɩ daanɩ mʋ
yɩ DƖ ye ba cwe sɩm.
7 Cam zanzan na maŋɩ dɩ wʋ
amʋ yuu nɩ,
n ta wʋ́ pa a ŋwɩa joori
ka kɩ dam.
A dʋna bam banɩ na zaŋɩ
amʋ baŋa nɩ,
nmʋ wʋ́ dʋlɩ-ba ja-guli mʋ.
N ta wʋ́ kwe n dam-fɔrɔ kʋm
n ma n joŋi-nɩ n yagɩ.
8 Baŋa-Wɛ zɩgɩ amʋ kwaga nɩ
paɩ a na bʋra.
DƖ sono kʋm wʋra mʋ maŋa maama.
Baŋa-Wɛ, yɩ kwe dɩbam balʋ
nmʋ na kɩ tɩn
n dʋlɩ n yagɩ.