Baŋa-Wɛ sono kʋm taanɩ
136
Pa dɩ́ kɩ-na Baŋa-Wɛ le, sɩ DƖ lamma.DƖ sono kʋm wʋra mʋ maŋa maama.
2 Dɩ́ kɩ-na Wɛ dɩm
na te wa maama tɩn le.
DƖ sono kʋm wʋra mʋ maŋa maama.
3 Dɩ́ kɩ-na yuutiinə maama
Yuutu le.
O sono kʋm wʋra mʋ maŋa maama.
4 Dɩ́ kɩ-na Baŋa-Wɛ le!
Dɩntʋ maɩ DƖ tɩtɩ dam mʋ
DƖ kɩ tɩtʋŋ-kamunə.
DƖ sono kʋm wʋra mʋ maŋa maama.
5 DƖ dɛɛn tɔgɩ DƖ yǝno kʋm ŋwaanɩ mʋ
DƖ kɩ wɛyuu kʋm maama.
DƖ sono kʋm wʋra mʋ maŋa maama.
6 DƖ ta ma jarɩ tɩga kam ni maama
pa ka tigi
na-fara bam baŋa nɩ.
DƖ sono kʋm wʋra mʋ maŋa maama.
7 DƖ kɩ wo-nyɩn-kamunə yam
wɛyuu nɩ.a
DƖ sono kʋm wʋra mʋ maŋa maama.
8 DƖ ma pa wɩa kam
taa paɩ pooni dɛ dɩm wʋnɩ.
DƖ sono kʋm wʋra mʋ maŋa maama.
9 Sɩ cana kam dɩ calɩcwɩ sɩm
taa nii tɩtɩɩ dɩm baŋa nɩ.
DƖ sono kʋm wʋra mʋ maŋa maama.
10 Dɩ́ kɩ-na Baŋa-Wɛ le!
DƖ dɛɛn gʋ Ezipi tiinə
bu-kwɩn sɩm maama.
DƖ sono kʋm wʋra mʋ maŋa maama.
11 DƖ ma daarɩ o ja Yisɩrayɛlɩ tiinə bam
DƖ nuŋi Ezipi tɩʋ kʋm wʋnɩ.
DƖ sono kʋm wʋra mʋ maŋa maama.
12 DƖ mɛ DƖ dam-fɔrɔ kʋm mʋ
DƖ kɩ tɩtʋŋ-kamunnu tɩm kʋntʋ.
DƖ sono kʋm wʋra mʋ maŋa maama.
13 DƖ dɛɛn pɛ Nanɩ-sʋŋʋ kʋm
pɔɔrɩ bɩle mʋ.
DƖ sono kʋm wʋra mʋ maŋa maama.
14 DƖ ma pa Yisɩrayɛlɩ tiinə bam
da na bam tɩtarɩ nɩ ba kɛ.
DƖ sono kʋm wʋra mʋ maŋa maama.
15 Kʋ nan na yɩ Ezipi Pa-farʋ wʋm
dɩ o jar-kərə bam,
DƖ pɛ nɩnɩʋ kʋm li-ba mʋ.
DƖ sono kʋm wʋra mʋ maŋa maama.
16 Dɩ́ kɩ-na Baŋa-Wɛ le!
DƖ dɛɛn tɔgɩ DƖ nɔɔna bam yigə
sɩ ba taa tɔgɩ kagʋa kam wʋnɩ mʋ ba veǝ.
DƖ sono kʋm wʋra mʋ maŋa maama.
17 DƖ ma ti pwa-kamunə mʋmwɛ.
DƖ sono kʋm wʋra mʋ maŋa maama.
18 Cɩga ŋwaanɩ tɩn, DƖ gʋ pwa balʋ
na jɩgɩ yɩrɩ tɩn.
DƖ sono kʋm wʋra mʋ maŋa maama.
19 Amɔɔrɩ tiinə Pɛ Sɩhɔn dɛɛn yɩ
ba dɩdʋa mʋ.
DƖ sono kʋm wʋra mʋ maŋa maama.
20 Basan tɩʋ Pɛ Ɔgɩ maa yɩ wʋdoŋ.
DƖ sono kʋm wʋra mʋ maŋa maama.
21 DƖ kwe bantʋ tɩga kam mʋ
DƖ pa DƖ nɔɔna bam.
DƖ sono kʋm wʋra mʋ maŋa maama.
22 DƖ ma kwe-ka DƖ pa
Yisɩrayɛlɩ dwi tiinə bam
sɩ ba taa te-ka wuu,
ba na yɩ DƖ tɩntʋŋna tɩn ŋwaanɩ.
DƖ sono kʋm wʋra mʋ maŋa maama.
23 Dɩ́ kɩ-na Baŋa-Wɛ le!
Dɩntʋ mʋ guli dɩbam gulə,
dɩdaanɩ dɩ́ na wʋ cam wʋnɩ.
DƖ sono kʋm wʋra mʋ maŋa maama.
24 DƖ ma vrɩ dɩbam DƖ yagɩ
dɩ́ dʋna bam jɩŋa nɩ.
DƖ sono kʋm wʋra mʋ maŋa maama.
25 Dɩntʋ mʋ paɩ nabiinǝ
dɩ vara maama ba ni-wʋdiu.
DƖ sono kʋm wʋra mʋ maŋa maama.
26 Zuli-na Wɛ dɩlʋ na wʋ wɛyuu nɩ tɩn le!
DƖ sono kʋm wʋra mʋ maŋa maama.