Baŋa-Wɛ nii DƖ nɔɔna baŋa nɩ
Solɔmɔn dɛɛn panɩ ləŋə kantʋ.
127
Nɔɔnʋ na jɩgɩ o sɔŋɔyɩ kʋ daɩ Baŋa-Wɛ mʋ lɔgɩ-kʋ,
lwara bam na tʋŋɩ te maama,
ba tɩtʋŋa yam yɩ kafɛ mʋ.
Kʋ na daɩ Baŋa-Wɛ mʋ nii
tɩʋ baŋa nɩ,
balʋ na yɩrɩ-kʋ tɩn dɩ kɩ
kafɛ yɩranɩ mʋ.
2 Nmʋ na goni tɩga
n vu n tɩtʋŋa ni nɩ
sɩ n tʋŋɩ taan n na n ni-wʋdiu
sɩ kʋ cɛ n yɩra te maama,
kʋ bá taa jɩgɩ kuri kʋ pa‑m.
Kʋ yɩ Baŋa-Wɛ mʋ nii
DƖ nɔn-sonnu tɩm baŋa nɩ,
nɩ ba na pəni tɩtɩɩ nɩ mʋ dɩ.a
3 Biə yɩ Wɛ pɛɛrɩ mʋ
DƖ na kwe DƖ pa dɩbam.
Biə balʋ dɩ́ na lʋgɩ tɩn
yɩ Wɛ mʋ kɩ dɩbam yu-yoŋo.
4 Nmʋ na lʋgɩ bəkəri sɩlʋ
n nɔn-dʋnnɩ maŋa nɩ tɩn
nyɩ dɩ nɔn-babɩa na ze cɩna
o jɩŋa nɩ te tɩn mʋ.
5 Wʋlʋ maama na jɩgɩ biə zanzan
nɩ o cɩkɔgɔ na su dɩ cɩna te tɩn,
kʋ tu tiini o jɩgɩ yu-yoŋo mʋ.
Wʋntʋ na ve o jeeri o dʋna tɩʋ kʋm manco-pɩɩna ni nɩ,
cavɩɩra bá di‑o.