Wɛ-loro zǝnǝ ŋwaanɩa
120
Amʋ cam maŋa kam nɩ mʋ a keeri a loori Baŋa-Wɛsɩ DƖ zəni-nɩ.
DƖ ma cəgi-nɩ
yɩ DƖ ləri a wɛ-loro kʋm.b
2 A maa wɩ:
«Joŋi-nɩ balʋ na fɔ vwan
ba daŋɩ a yuu nɩ tɩn,
dɩ balʋ na yɩ niǝ yale yale tiinə tɩn
jɩŋa nɩ n yagɩ.»
3 Abam balʋ na ganɩ nɔɔna tɩn,
Wɛ lagɩ DƖ waarɩ abam tɩta mʋ?
DƖ bá tiini o waarɩ abam mʋ na?
4 DƖ lagɩ DƖ ma cɩna yalʋ
niə na jɩgɩ ni tɩn mʋ
DƖ zɔ abam.
DƖ ta wʋ́ kwe min-cala
DƖ ma DƖ zwɛ abam.
5 Lɛɛrʋ mʋ jɩgɩ-nɩ!
A zʋʋrɩ Mesɛkɩ tɩʋ nɩ,
dɩ Kedarɩ tiinə tɩtarɩ nɩ mʋ.
6 Amʋ tiini a daanɩ nɔɔna bantʋ tee nɩ,
yɩ ba ba beeri ni-mɔrɔ dɩ nɔɔna.
7 Kʋ na yɩ amʋ,
a lagɩ sɩ a taa zʋʋrɩ dɩ ba
dɩ bɩcar-zuru.
Amʋ nan na yǝni a ŋɔɔnɩ,
bantʋ beeri najara kǝm yɩranɩ mʋ!