Baŋa-Wɛ wʋ́ nii DƖ nɔɔna baŋa nɩ
121
Amʋ yǝni a kwǝnia yuu wɛɛnɩ mʋ
a nii pweeru tɩm seeni.
Yən seeni mʋ amʋ wʋ́ na zǝnǝ?
2 Kʋ yɩ Baŋa-Wɛ mʋ wʋ́ zəni-nɩ.
Dɩntʋ mʋ naanɩ wɛyuu dɩdaanɩ tɩga kam baŋa maama.
3 Wɛ lagɩ DƖ taa cʋ-m mʋ
sɩ n yɩ tri n tʋ tɩga nɩ.
Wɛ wʋ́ nii nmʋ baŋa nɩ
maŋa maama
yɩ DƖ bá fɔgɩ DƖ dɔ.
4 DƖ na yɩ dɩlʋ na nii
Yisɩrayɛlɩ tiinə baŋa nɩ tɩn,
DƖ ba bugə, DƖ nan ba dɔa.
5 Cɩga tɩn, Baŋa-Wɛ yɩ dɩlʋ
na cʋ nmʋ tɩn mʋ.
DƖ wʋ́ taa wʋ n jazɩm seeni
bwələ bwələ
sɩ DƖ pa n na woro.
6 DƖ bá sɛ sɩ wɩa kam daanɩ‑m
dɛ dɩm wʋnɩ,
naa sɩ cana kam kɩ-m kʋlʋkʋlʋ
tɩtɩɩ nɩ.a
7 Baŋa-Wɛ wʋ́ taa cʋ nmʋ
dɩ lwarɩm dwi maama,
sɩ kʋlʋkʋlʋ yɩ cɔgɩ n ŋwɩa kam.
8 Kʋ zɩgɩ zɩm sɩ kʋ taa maa ve wuu
Baŋa-Wɛ wʋ́ taa nii nmʋ baŋa nɩ,
nɩ n na ma n zʋʋrɩ n digə
naa n na ma n nuŋi pooni dɩ.