Baŋa-Wɛ lamma!
113
Pa-na dɩ́ tee Baŋa-Wɛ!aAbam balʋ na yɩ DƖ tɩntʋŋna tɩn,
tee-DƖ-na!
Tee-na Baŋa-Wɛ yɩrɩ dɩm!
2 Pa-na sɩ dɩ́ tee Baŋa-Wɛ yɩrɩ dɩm,
kʋ zɩgɩ lele sɩ kʋ taa ve maŋa kalʋ na ba ti tɩn.
3 Kʋ na zɩgɩ wa-puli seeni
sɩ kʋ vu kʋ yi wa-zʋʋrɩ seeni tɩn,
kʋ maŋɩ sɩ je maama nɔɔna mʋ
taa tee Baŋa-Wɛ.
4 Baŋa-Wɛ jɩgɩ dam mʋ lʋgʋ baŋa
tɩɩnɩ dɩm maama baŋa nɩ.
DƖ paarɩ-zulǝ yam naɩ jaja mʋ
wɛyuu kʋm maama nɩ.
5 Dɩbam Tu Baŋa-Wɛ doŋ tǝrǝ.
DƖ maa je o paarɩ jangɔŋɔ kʋm baŋa nɩ wɛ wɛ,
6 yɩ wɛyuu dɩ tɩga kam maama wʋ kuri kuri.
DƖ laan maa tiiri DƖ nii
DƖ naɩ tɩ maama.
7 Baŋa-Wɛ yǝni DƖ zǝni yinigə tiinə mʋ
pa ba nuŋi bwəru wʋnɩ
ba na jǝŋǝ je.
DƖ ta ma lɩ nabwənə
weeru-puuri baŋa nɩ
sɩ ba wanɩ ba na ba tɩtɩ.
8 DƖ ma ja-ba DƖ vu DƖ jǝni
tɩʋ kʋm dɩdɛɛra tee nɩ,
sɩ nɔɔna taa nɩgɩ-ba.
9 Kʋ nan na yɩ ka-dʋgʋ dɩ,
Wɛ wʋ́ pa kʋ tu lʋ biə,
sɩ o wanɩ o di ywəəni
o sɔŋɔ kʋm wʋnɩ.b
Pa-na dɩ́ tee Baŋa-Wɛ!