Baŋa-Wɛ tɩtʋŋ-kamunə yam taanɩ
111
Pa-na dɩ́ te Baŋa-Wɛ!aAmʋ wʋ́ kɩ Baŋa-Wɛ le
dɩ a wʋʋ maama
Wɛ nɔn-kɔgɔ kʋm tɩtarɩ nɩ,
nɩ nɔn-ŋʋna na jeeri daanɩ.
2 Baŋa-Wɛ tiini DƖ tʋŋɩ
tɩtʋŋ-kamunə zanzan.
Balʋ maama wʋrʋ na poli
dɩ DƖ kikiə tɩn
wʋ́ taa bʋŋɩ ya wʋbʋŋa mʋ
maŋa maama.
3 DƖ tɩtʋŋa yam jɩgɩ zulə mʋ
dɩdaanɩ nɩnwaŋa.
DƖ na zɩgɩ DƖ cɩga wʋnɩ te tɩn
wʋ́ taa wʋra wuu.
4 DƖ na yɔɔrɩ DƖ kɩ
wo-kɩnkagɩla yalʋ tɩn,
nɔɔna wʋ́ taa guli ya gulə.
Baŋa-Wɛ yɩ lanyɩranɩ tu
dɩ ŋwaŋa tu mʋ.
5 O maa paɩ balʋ na kwarɩ-DƖ tɩn
ba ni-wʋdiu.
DƖ na goni DƖ ni dɩ DƖ nɔɔna bam te tɩn,
DƖ ta wʋ́ kɩ sɩ kʋ tɔgɩ dɩ
DƖ ni-gonim dɩm maŋa maama.
6 DƖ dɛɛn kwe dwi-gɛ tiinə
ya na te tɩga kalʋ tɩn
DƖ pa DƖ nɔɔna bam,
sɩ ba wanɩ ba lwarɩ
DƖ na tʋŋɩ dɩ dam te tɩn.
7 DƖ na yǝni DƖ kɩ tɩtʋŋa yalʋ tɩn
jɩgɩ cɩga.
Ya maa paɩ cɩga kam tʋŋa.
DƖ zaasɩm dɩm maama maŋɩ
sɩ nɔɔna taa tɔgɩ-ya mʋ.
8 Yaá taa zɩga
sɩ kʋ taa ve maŋa maama.
Ya maŋɩ sɩ nɔɔna kɩ ba cɩga
dɩdaanɩ-ya,
sɩ ba daarɩ ba kɩ
ya na brɩ te tɩn mʋ.
9 Wɛ dɛɛn kɩ woŋo sɩ DƖ vrɩ
DƖ nɔɔna bam DƖ yagɩ.
Kʋ na yɩ ni dɩlʋ
DƖ na goni dɩ ba tɩn,
DƖ bá yiri-dɩ maŋa dɩ maŋa.
DƖ yɩrɩ dɩm yɔɔrɩ dɩ yɩ lanyɩranɩ fasɩ mʋ,
yɩ dɩ tiini dɩ jɩgɩ fʋʋnɩ zanzan.
10 Nabiinǝ na kwarɩ Baŋa-Wɛ mɛ tɩn,
yi-pʋrʋ dɩ puli dáanɩ mʋ.
Balʋ maama na tʋŋɩ ba tɔgɩ
DƖ zaasɩm dɩm tɩn
wʋ́ taa jɩgɩ yǝno lanyɩranɩ.b
Wɛ maŋɩ sɩ nɔɔna taa tee‑DƖ
sɩ kʋ taa ve maŋa maama.