Baŋa-Wɛ mʋ te wǝǝnu maama
93
Baŋa-Wɛ mʋ yɩ Pɛ!Paarɩ-zulǝ mʋ yɩ gɔrɔ kʋlʋ
DƖ na zʋ tɩn.
Dam-fɔrɔ maa wʋ DƖ jɩŋa nɩ.
DƖ naanɩ lʋgʋ kʋm
pa kʋ zɩgɩ mʋ ga cɛpɩ.
Kʋ bá fɔgɩ kʋ gɔ maŋa dɩ maŋa.
2 Baŋa-Wɛ,
nmʋ paarɩ dɩm maŋɩ
kʋ nuŋi faŋa faŋa mʋ,
yɩ nmʋ maŋɩ n wʋra mʋ maŋa maama.
3 Amʋ Tu Baŋa-Wɛ!
Nii na-fara bam
na dwanɩ dɩ kwǝr-dɩa te!
Tɩ na-ŋʋnɩ sɩm tiini
sɩ wuuri zanzan!
4 Nanɩɩrʋ tɩm na maŋɩ
tɩ wuuri dɩ baarɩ,
yɩ tɩ na dwanɩ dɩ dam te maama,
nmʋ paarɩ-zulǝ yam nan mʋ dwe tɩntʋ maama.
Baŋa-Wɛ mʋ jɩgɩ dam wɛyuu nɩ!
5 Amʋ Tu Baŋa-Wɛ!
Nmʋ niə yam yɔɔrɩ ya zɩgɩ mʋ.
Nmʋ sɔŋɔ kʋm maŋɩ sɩ
kʋ taa yɩ lanyɩranɩ fasɩ mʋ
sɩ kʋ taa ve maŋa kalʋ na ba ti tɩn.