Siyɔn yɩ Baŋa-Wɛ tɩtɩ tɩʋ mʋ
Kʋra bu-baara dɛɛn panɩ ləŋə kantʋ.
87
Baŋa-Wɛ tɩtɩ mʋ cwiSiyɔn tɩʋ kʋm kuri
piu kʋlʋ DƖ na pɔɔrɩ DƖ pa DƖ tɩtɩ tɩn baŋa nɩ.
2 DƖ nan tiini DƖ soe kʋ taanɩ
sɩ kʋ dwǝni tɩɩnɩ dɩlʋ maama
Zakɔbɩ dwi tiinə na zʋʋrɩ
dɩ wʋnɩ tɩn.
3 Siyɔn, nmʋ yɩ Wɛ tɩtɩ tɩʋ mʋ!
Ba yǝni ba jɩgɩ wo-kamunə
dwi dwi mʋ ba ŋɔɔna ba pa‑m.
Baŋa-Wɛ maa wɩ:
4 Amʋ na yǝni a tɛ
balʋ na sɛ amʋ tɩn taanɩ,
Ezipia dɩ Babilɔnɩ tiinə mʋ
wʋ́ wǝli ba wʋnɩ.
Nii-na, Filisi tiinə, dɩ Tiiri tiinə,
kʋ ta wǝli dɩ Kusi tiinə,
ba maama wʋ́ ta ba wɩ:
«Ba lʋgɩ wʋntʋ Siyɔn wʋnɩ mʋ.»
5 Kʋ na yɩ balʋ na zʋʋrɩ Siyɔn wʋnɩ tɩn,
baá taa tɛ ba taanɩ ba wɩ:
«Ba lʋgɩ wʋntʋ dɩ wʋntʋ maama tɩʋ kʋm wʋnɩ mʋ.
Yuutu Baŋa-Wɛ wʋ́ pa tɩʋ kʋm
taa jɩgɩ dam.»
6 Baŋa-Wɛ wʋ́ pʋpʋnɩ dwi tiinə maama yɩra dɩdʋa dɩdʋa DƖ tiŋi.
DƖ maa wʋ́ ta nɩ: «Ba lʋgɩ wʋntʋ dɩ Siyɔn wʋnɩ mʋ.»
7 Ba maama wʋ́ taa kwɛɛra
yɩ ba leeni ba wɩ:
«Amʋ kuri dɩm nuŋi
Siyɔn tɩʋ nɩ mʋ.»