Wɛ sarɩya taanɩ
Azafɩ dɛɛn panɩ ləŋə kantʋ.
82
Wɛ mʋ tɔgɩ dɩ wɛyuu dɩdɛɛra badonnǝDƖ je ba kɔgɔ kʋm yigə nɩ.
DƖ laan maa lagɩ DƖ zɩgɩ
ba maama tɩtarɩ nɩ
DƖ di ba taanɩ.
2 DƖ maa wɩ:
«Abam ta wʋ́ taa bʋrɩ vwan bʋra taa
sɩ á vu á maŋɩ yən mʋ?
Á na kɩ te tɩn, á yǝni á zɩgɩ
nɔn-balwaarʋ kwaga nɩ
pa ba na ba bʋra kalʋ
na daɩ ba nyɩm tɩn.a
3 Abam nan maŋɩ sɩ á yigə taa wʋ nabwənə dɩ bɩtara wʋnɩ mʋ,
sɩ á daarɩ á zɩgɩ balʋ na nɛ bɛɛsɩm dɩ cam tɩn kwaga nɩ.
4 Kʋ ta na yɩ zʋra dɩ yinigə tiinə,
sɩ á joŋi-ba nɔn-balwaarʋ tɩm jɩŋa nɩ á yagɩ.»b
5 Dɩdɛɛra bam kʋntʋ nan yǝri kʋlʋkʋlʋ
yɩ ba wʋbʋŋa tǝrǝ.
Ba karɩ ba taanɩ mʋ lim wʋnɩ.
Tɩga kam baŋa maa sisiŋi
ka tu ka yi ka kuri maama.
6 Amʋ dɛɛn tagɩ a wɩ:
«Á yɩ wa mʋ.c
Abam maama yɩ Yuutu Baŋa-Wɛ dɩm biə.
7 Dɩ kʋntʋ dɩ, abam maŋɩ sɩ á tɩ mʋ,
nɩnɛɛnɩ nabiinǝ dɩ dɩdɛɛra maama
na maŋɩ sɩ ba tɩ te tɩn.»
8 Dɩ́ Tu Wɛ dɩm,
zaŋɩ wɛɛnɩ n kɩ n tɩtʋŋa!
Zaŋɩ n di nabiinǝ taanɩ!
Bɛŋwaanɩ, nmʋ mʋ te lʋgʋ baŋa tɩɩnɩ dɩm maama.