Le kǝm ləŋə
67
Dɩbam Tu Wɛ,ta n duri dɩbam yibwənə,
sɩ n yu-yoŋo taa wʋ dɩ́ yuu nɩ!
Pa n yibiyə jeeri dɩbam seeni.a
2 Pa pwələ sɩ lʋgʋ baŋa nɔɔna maama lwarɩ n cwe sɩm.
Sɛ sɩ tɩɩnɩ dɩm maama nɔn-biə bam
taa ye nmʋ na jɩgɩ dam
sɩ n vrɩ-ba n yagɩ te tɩn.b
3 Dɩ́ Tu Wɛ, pa dwi maama tiinə
taa tee‑m!
Sɛ sɩ nabiinǝ je maama nɩ tɩn
dɩ yǝni ba taa zuli‑m!
4 Pa lʋgʋ baŋa tɩɩnɩ dɩm maama
di ywəəni yɩ ba leeni wʋpolo le,
nmʋ na yǝni n tɔgɩ cɩga
n nii ba baŋa nɩ,
yɩ n brɩ-ba cwə-laarʋ
sɩ ba taa tɔgɩ tɩn ŋwaanɩ.
5 Dɩ́ Tu Wɛ, pa dwi maama tiinə
taa tee‑m!
Sɛ sɩ nabiinǝ je maama nɩ tɩn
dɩ yǝni ba taa zuli‑m!
6 Tɩga kam kɩ wʋdiiru lanyɩranɩ.
Dɩ́ Tu Wɛ sɩɩnɩ DƖ kɩ dɩbam yu-yoŋo!
7 Cɩga ŋwaanɩ tɩn,
Wɛ kɩ dɩbam yu-yoŋo.
Kʋ maŋɩ sɩ tɩga baŋa nabiinǝ maama taa kwarɩ-DƖ mʋ.