Wɛ-loro zǝnǝ ŋwaanɩ
Davidi dɛɛn panɩ ləŋə kantʋ maŋa kalʋ o na duri o səgi piu bɔɔnɩ wʋnɩ sɩ Sooli yɩ ja-o tɩn.a
57
Amʋ Tu Wɛ, duri a ŋwaŋa.Popo, sɩ n duri a ŋwaŋa.
A tu nmʋ te mʋ sɩ a səgi a tɩtɩ.
Pa a səgi n woro kʋm wʋnɩ,
nɩ nmʋ na yarɩgɩ n vwana
n kwəli-nɩ te tɩn,
sɩ lɛɛrʋ tɩm maama kɛ.
2 A lagɩ a keeri a loori
Yuutu Baŋa-Wɛ dɩm mʋ.
Dɩntʋ maa yɩ dɩlʋ
na zɩgɩ a kwaga nɩ tɩn.
3 Wɛ wʋ́ zɩgɩ DƖ wɛyuu nɩ
DƖ tʋŋɩ zənə a ŋwaanɩ
yɩ DƖ daarɩ DƖ joŋi-nɩ DƖ yagɩ.
Kʋ nan na yɩ balʋ na zaŋɩ
a baŋa nɩ tɩn,
Wɛ wʋ́ waarɩ-ba.
Wɛ wʋ́ pa DƖ sono kʋm yi-nɩ,
DƖ na zɩgɩ DƖ cɩga kam wʋnɩ tɩn ŋwaanɩ.
4 A dʋna bam gilimi-nɩ
nɩnɛɛnɩ a na tigi
nywəənu tɩtarɩ nɩ
yɩ tɩ lagɩ sɩ tɩ tʋrɩ
nabiinǝ ya-nwana te tɩn mʋ.
Nɔɔna bam kʋntʋ yələ nyɩ nɩnɛɛnɩ cicwə dɩ cɩna mʋ.
Ba dindəlimə maa nyɩ dɩ sʋ-lwaanʋ
tɩlʋ na tiini tɩ jɩgɩ ni tɩn.
5 Amʋ Tu Wɛ, pa n yɩrɩ zaŋɩ
wɛyuu maama nɩ!
Ta pa n paarɩ-zulǝ taa naɩ
lʋgʋ baŋa je maama nɩ!
6 A dʋna bam cɩgɩ cɩkʋ mʋ
sɩ ba ja-nɩ.
A vwana ma parɩ
wʋ-cɔgɔ ŋwaanɩ.
Ba ta ma kʋ goŋo
sɩ a tʋ kʋ wʋnɩ,
yɩ ba tɩtɩ mʋ joori ba tʋ kʋ wʋnɩ.
7 Amʋ Tu Wɛ, a wʋʋ kʋm yɔɔrɩ
kʋ da nmʋ mʋ.
Cɩga tɩn, a kɩ a wʋ-dɩdʋa dɩ nmʋ.
Kʋntʋ tɩn, a lagɩ a leeni le a zuli-m.
8 A wʋ́ kɩ a tɩtɩ mʋ daanɩ
a zaŋɩ wɛɛnɩ!
A laan wʋ́ kwe kwaanʋ dwi dwi
a ta pa tɩ kwǝri zaŋɩ.
Tɩga na pʋʋrɩ,
a wʋ́ zaŋɩ lɩla a leeni le!
9 A Yuutu Wɛ, a wʋ́ kɩ nmʋ le
nɔɔna bam maama yigə nɩ.
A ta wʋ́ leeni le a zuli-m
lʋgʋ baŋa dwi tiinə maama wʋnɩ.
10 N sono kʋm wʋra mʋ taan,
yɩ kʋ gɩɩnɩ kʋ di wɛyuu.
Nmʋ na yɔɔrɩ n zɩgɩ
n cɩga wʋnɩ te tɩn
mʋ tiini kʋ yalma
kʋ gaalɩ kunkwǝǝnu tɩm.
11 Amʋ Tu Wɛ, pa n yɩrɩ zaŋɩ
wɛyuu baŋa maama nɩ!
Ta pa n paarɩ-zulǝ taa naɩ
tɩga baŋa ni maama nɩ!