Wɛ yɩ amʋ zənnu
Davidi dɛɛn panɩ ləŋə kantʋ maŋa kalʋ Zifi tiinə na ve Pɛ Sooli te ba ta ba brɩ-o ba wɩ: «Davidi tu o səgi o tɩtɩ dɩbam tɩtarɩ nɩ» tɩn.a
54
Amʋ Tu Wɛ,tɔgɩ n yɩrɩ dɩm baŋa
n joŋi-nɩ n yagɩ.
Da n dam dɩm ŋwaanɩ
n pa a na a bʋra.
2 A Tu Wɛ, cəgi a wɛ-loro kʋm,
sɩ n daarɩ n sɛ a ni-taanɩ dɩm.
3 Bɛŋwaanɩ, vərə mʋ zaŋɩ a baŋa nɩ.
Vɩɩna bam kʋntʋ
lagɩ sɩ ba ti a ŋwɩa,
ba yigə na tǝrǝ Wɛ wʋnɩ tɩn ŋwaanɩ.
4 Nii-na! Wɛ mʋ yɩ amʋ zənnu.
A Yuutu Wɛ mʋ təli-nɩ
sɩ a yɩ tʋ tɩga nɩ.
5 Wɛ wʋ́ pa a dʋna bam
lwarɩm kikiə joori
ya tʋ ba yuu nɩ.
Wɛ, da n cɩga kam ŋwaanɩ
n cɔgɩ-ba n ti.
6 Amʋ wʋ́ ja a wʋ-yoŋo pɛɛra mʋ a ba
a ma a kɩ kaanɩm a pa‑m.
Baŋa-Wɛ, a ta wʋ́ tee nmʋ yɩrɩ,
dɩ na yɔɔrɩ dɩ lana tɩn ŋwaanɩ.
7 Cɩga tɩn, Wɛ sɩɩnɩ DƖ liiri-nɩ
cam maama wʋnɩ,
pa a wanɩ a dʋna bam a di.b