Baŋa-Wɛ sarɩya dɩ DƖ yu-yoŋo taanɩ
Davidi dɛɛn panɩ ləŋə kantʋ maŋa kalʋ Edɔm tu Doɛgɩ na ve Pɛ Sooli te o ta o brɩ-o nɩ: «Davidi wʋ Abimelɛkɩ sɔŋɔ nɩ» tɩn.a
52
Nmʋ wʋlʋ na yɩnɔn-kamunu tɩn,
bɛɛ mʋ yɩ n brɩ n tɩtɩ
n lwarɩm kikiə yam ŋwaanɩ?
Baŋa-Wɛ nan zɩgɩ DƖ cɩga kam wʋnɩ DƖ pa-nɩ dɛ maama wuu.
2 N dindǝlimi nyɩ dɩ fana
kalʋ na tiini ka jɩgɩ ni tɩn mʋ,
pa n ŋɔɔnɩ cɔgɩm taanɩ,
yɩ vwan yɩranɩ mʋ n kaagɩ n fɔɩ.
3 N ta soe lwarɩm kʋ dwe lam.
N ma n kuri vwan fɔm
yɩ n daarɩ cɩga ŋwaŋa.
4 Wəənu tɩlʋ na waɩ
tɩ kɩ nɔɔna zʋnnɩ tɩn
mʋ n soe sɩ n tan ŋɔɔnɩ-tɩ.
N yɔɔrɩ n ganɩ nɔɔna mʋ!
5 Wɛ nan wʋ́ yɔɔrɩ DƖ cɩcʋgɩ nmʋ sɩ kʋ ti.
DƖ lagɩ DƖ zi‑m DƖ ja DƖ nuŋi
n sɔŋɔ kʋm nɩ,
yɩ DƖ daarɩ DƖ gɔ‑m DƖ yagɩ
sɩ n daa yɩ taa ŋwɩ lʋgʋ baŋa nɩ.
6 Nɔn-ŋʋna maa wʋ́ na
kʋlʋ na tʋ n baŋa nɩ tɩn,
pa kʋ sʋ-ba zanzan.
Ba laan wʋ́ kɩ wʋpolo
yɩ ba ta wɩ:
7 «Nii-na nɔn-kamunu kʋntʋ!
O wʋ sɛ sɩ Wɛ taa yɩ o dalɩm je.
O nan kwe o cɩga maama
o pa o jɩjɩgɩrʋ tɩm mʋ.
O tɩɩna maa wʋ
o kǝm-balwaarʋ tɩm baŋa nɩ.»
8 Amʋ nyɩ dɩ olivi tiu
kʋlʋ vɔɔrʋ na yɩ timtim tɩm mʋ,
Baŋa-Wɛ digə kam wʋnɩ.
A ta wʋ́ taa salɩ Wɛ sono kʋm
baŋa nɩ mʋ maŋa maama.
9 Amʋ Tu Wɛ, a wʋ́ taa tee‑m maŋa maama
dɩdaanɩ n na kɩ kʋlʋ tɩn.
Amʋ tɩɩna wʋ́ taa wʋ
n yɩrɩ dɩm baŋa nɩ,
dɩ na yɔɔrɩ dɩ lana tɩn ŋwaanɩ.
A wʋ́ taa tee‑m
n tɩtɩ nɔɔna bam yigə nɩ.