Baŋa-Wɛ mʋ te lʋgʋ baŋa maama
Kʋra bu-baara dɛɛn panɩ ləŋə kantʋ.
47
Nabiin-dwi maama,ba-na á magɩ japoorə,
á daarɩ á kaasɩ
á zuli Wɛ dɩ wʋpolo!
2 Yuutu Baŋa-Wɛ dɩm tiini DƖ maŋɩ
sɩ nabiinǝ taa kwarɩ-DƖ.
DƖ maa yɩ Pa-farʋ wʋlʋ na te
lʋgʋ baŋa maama tɩn.
3 Dɩntʋ mʋ wanɩ dwi-gɛ tiinə
tɩɩnɩ zanzan DƖ pa dɩbam,
pa dɩ nɔn-biə bam
wʋ dɩbam dam kuri nɩ.
4 DƖ ma kuri tɩga kantʋ DƖ pa dɩbam
sɩ dɩ́ taa te,
DƖ na tiini o soe Zakɔbɩ
dɩ o dwi dɩm tɩn ŋwaanɩ.
Kʋntʋ ŋwaanɩ, dɩ́ jɩgɩ wʋpolo
tɩga kam baŋa nɩ.
5 Wɛ mʋ diini baŋa sɩ DƖ jǝni
DƖ paarɩ jǝŋǝ je nɩ.
Nɔɔna bam maa kaasɩ dɩ kwǝr-dɩa
ba daarɩ ba wu nabwaanʋ,
sɩ ba zuli Baŋa-Wɛ.
6 Leeni-na á tee Wɛ!
Leeni-na le á ma á tee-DƖ.
Leeni-na á tee dɩ́ Pɛ wʋm!
Leeni-na le á ma á tee-DƖ.
7 Bɛŋwaanɩ, lʋgʋ baŋa maama
Pɛ wʋm mʋ yɩ Wɛ.
Leeni-na tiə le á zuli‑DƖ.
8 Wɛ je DƖ nɩnwaŋa paarɩ jangɔŋɔ kʋm
baŋa nɩ,
yɩ DƖ di paarɩ lʋgʋ baŋa
tɩɩnɩ dɩm baŋa nɩ mʋ.
9 Lʋgʋ baŋa pwa dɩ dɩdɛɛra maama jeeri daanɩ mʋ.
Ba maa wǝli dɩbam wʋnɩ,
sɩ dɩ́ maama zuli
Abraham Wɛ dɩm.
Wɛ jɩgɩ dam DƖ dwe pwa maama.
DƖ maŋɩ dɩ zulə je maama nɩ.