Wɛ mʋ yɩ dɩ́ dalɩm je
Kʋra bu-baara dɛɛn panɩ ləŋə kantʋ.
46
Wɛ mʋ yɩ dɩlʋ dɩ́ na səgiDƖ woro wʋnɩ yɩ dɩ́ joŋi dam tɩn.
DƖ yǝni DƖ wʋra mʋ cam maŋa nɩ
sɩ DƖ wǝli dɩbam.
2 Kʋntʋ ŋwaanɩ dɩ́ bá taa kwarɩ fʋʋnɩ,
tɩga kam na maŋɩ ka tiini
ka sisiŋi te dɩ,
yɩ pweeru tɩm ta baga tɩ tʋɩ
buri buri nɩnɩʋ kʋm wʋnɩ dɩ.
3 Nanɩɩrʋ tɩm na brɩ tɩ wuuri
tɩ magɩ puŋə te maama,
yɩ tɩ na-pɔgɩla bam ta magɩ pweeru tɩm
pa tɩ sisiŋi te maama dɩ,
dɩ́ bá taa kwarɩ fʋʋnɩ.
4 Bu-tʋla kadoŋ nan wʋra
ka na jaanɩ wʋpolo
ka tui Wɛ tɩtɩ tɩʋ kʋm wʋnɩ,
mɛ Yuutu Baŋa-Wɛ sɔŋɔ kʋm
na wʋra tɩn.a
5 Wɛ tɩtɩ mʋ zʋʋrɩ tɩʋ kʋm kʋntʋ wʋnɩ.
Nɔɔn-nɔɔnʋ bá wanɩ-kʋ o cɔgɩ.b
Tɩga na jɩgɩ ka pʋʋrɩ tɩn,
Wɛ wʋ́ ba DƖ wəli-kʋ dɩ dam.
6 Lʋgʋ baŋa tɩɩnɩ dɩm vuvugi mʋ
kafɛ ŋwaanɩ.
Paarɩ je maama maa tʋ bʋrʋ-tʋ-tʋ!
Wɛ ma bagɩ kwǝrǝ pa
tɩga baŋa maama nyɩɩnɩ.
7 Paŋwa Tu Baŋa-Wɛ mʋ wʋ
dɩbam tee nɩ.
Zakɔbɩ Wɛ dɩm maa yɩ
dɩ́ dalɩm je.
8 Ba-na á nii Baŋa-Wɛ na tʋŋɩ wo-kamunnu tɩlʋ lʋgʋ baŋa nɩ
yɩ tɩ tiini tɩ jɩgɩ fʋʋnɩ tɩn.
9 DƖ maa pa tigurə kweeli mʋ
lʋgʋ baŋa je maama nɩ.
DƖ ma kwe jar-kərə tɛn sɩm dɩdaanɩ ba cicwə yam DƖ bwəri.
DƖ ma daarɩ DƖ vrɩ ba jara-kǝm cɩ-kwɛn sɩm DƖ zwɛ dɩ mim.
Baŋa-Wɛ maa wɩ:
10 «Taá yɩ-na kʋntʋ cɩmm,
sɩ á maanɩ nɩ amʋ mʋ yɩ Wɛ!c
Amʋ mʋ te lʋgʋ baŋa tɩɩnɩ dɩm maama,
sɩ dɩ nɔn-biə bam taa zuli-nɩ.»
11 Paŋwa Tu Baŋa-Wɛ mʋ wʋ
dɩbam tee nɩ.
Zakɔbɩ Wɛ dɩm maa yɩ
dɩ́ dalɩm je.