Kadri ləŋə
Kʋra bu-baara dɛɛn panɩ ləŋə kantʋ.
45
A wʋbʋŋa yam maama sudɩ wo-laarʋ mʋ
sɩ a ma a panɩ ləŋə
a zuli pɛ wʋm.
A wʋ́ ma a kwǝrǝ mʋ
a leeni pʋrɩ pʋrɩ,
nɩnɛɛnɩ tɔn-pʋpʋnnʋ
na wʋ́ pʋpʋnɩ te tɩn.
2 Nmʋ tiini n lamma
n dwe nɔɔna maama.
N ni-taanɩ yɩ ywəəni yɩranɩ mʋ.
Wɛ kɩ n yu-yoŋo mʋ
sɩ kʋ taa ve maŋa maama.
3 Dam-fɔrɔ tu, kwe n sʋ-lɔŋɔ
n vɔ n təŋə nɩ,
sɩ n nɩnwaŋ-fɔrɔ dɩ n paarɩ
taa brɩ jaja!
4 Diini sisəŋ-nɔɔnʋ n nuŋi pooni
n brɩ n paarɩ dɩm
sɩ n daarɩ n di wɔnɔ.
N tiini n kwaanɩ n pa cɩga tɔgɩm,
dɩ yibwənə,
dɩ cɩga sarɩya taa wʋra.
Kʋntʋ tɩn nmʋ jazɩm dɩm
wʋ́ tʋŋɩ wo-kamunnu zanzan.
5 Pɛ, n cɩna yam sɩlɩ mʋ,
sɩ n ta-ya n zɔ n dʋna
ba bɩcara nɩ.
Dwi-gɛ tiinə bam dɩ maa wʋ́ tʋ
n yigə nɩ.
6 Dɩbam Tu Wɛ, n paarɩ dɩma
wʋ́ taa wʋra taa sɩ kʋ taa maŋa maama wuu.
Nmʋ wʋ́ ta n te n nɔɔna
sɩ kʋ tɔgɩ cwǝŋǝ cɩga cɩga.
7 Nmʋ yɔɔrɩ n soe cɩga tɔgɩm,
yɩ n daarɩ n culi lwarɩm kikiə.
Kʋntʋ ŋwaanɩ mʋ,
n Tu Wɛ dɩm kuri nmʋ,
yɩ DƖ lo DƖ yu-yoŋo nugə kam
n yuu nɩ
sɩ n di ywəəni n dwǝni
n donnǝ bam maama.b
8 Wǝǝnu tɩlʋ lwǝm na ywǝmmǝ tɩn dwi dwic lwəm
mʋ taagɩ n gwaarʋ tɩm maama.
Nmʋ zʋʋrɩ pɛ sɔŋɔ kʋlʋ ba na mɛ tuu yələ ba kwɛ tɩn wʋnɩ,
yɩ dáanɩ mʋ ba yǝni ba taɩ kwaanʋ sɩ kʋ poli nmʋ wʋʋ.
9 Kaana balʋ na wʋ n tee nɩ tɩn
badonnǝ yɩ pwa bukwa mʋ.
Kaanɩ wʋlʋ n na lagɩ n di tɩn
maa wʋ n jazɩm seeni
yɩ o yɩra kwɛ dɩ səbu-sɩŋa
kalʋ na nuŋi Ofiiri tɩn.
10 A bukɔ, pʋrɩ n zwa
sɩ n cəgi a taanɩ dɩm.
Ta n ye sɩ n yagɩ
n tɩtɩ dwi tiinə bam
dɩ n ko sɔŋɔ tiinə bam cwe sɩm.
11 Pɛ wʋm yi mʋ su nmʋ lam dɩm.
Wʋntʋ laan nan mʋ yɩ n yuutu.
Kʋntʋ ŋwaanɩ tu n tɩtɩ sɩ n sɛ o ni.
12 Tiiri tiinə wʋ́ ja pɛɛra
ba ba nmʋ te.
Nadunə dɩ maa wʋ́ taa lagɩ
sɩ n kɩ-ba lanyɩranɩ.
13 Pa-kana wʋm laan wʋ o digə wʋnɩ mʋ,
yɩ o tiini o jɩgɩ lam zanzan!
O ma zʋ gɔrɔ kʋlʋ ba na mɛ
səbu-sɩŋa ba bɛɛrɩ kʋ maama tɩn.
14 Ba ma ja-o ba vu pɛ wʋm te,
yɩ o zʋ o gwaarʋ tɩlʋ
ba na gɔgɩrɩ lanyɩranɩ tɩn.
O tɩntʋŋ-kaana bam
dɩ maa kogil-o ba veǝ.
15 Kʋntʋ doŋ mʋ ba ve
ba zʋ pɛ sɔŋɔ kʋm wʋnɩ
yɩ ba tiini ba jɩgɩ wʋpolo zanzan.
16 Pɛ, nmʋ biə bam dɩ wʋ́ ji pwa mʋ,
nɩnɛɛnɩ n kwə bam dɩ
dɛɛn na yɩ te tɩn.
N ma n wʋ́ pa ba taa te tɩɩnɩ zanzan
tɩga kam maama baŋa nɩ.
17 Dwi na kɛ yɩ dɩdoŋ saŋɩ,
amʋ ta wʋ́ zǝŋi n yɩrɩ dɩm wɛɛnɩ maŋa maama.
Lʋgʋ baŋa dwi tiinə bam wʋ́ taa tee‑m sɩ kʋ taa maŋa maama wuu ka mʋ.