43
Amʋ Tu Wɛ, nan brɩ nɩamʋ jɩgɩ cɩga nɔɔna yigə nɩ!
Joŋi a taanɩ dɩm n ŋɔɔnɩ
dɩdaanɩ balʋ na yǝri nmʋ tɩn.
Vaŋɩ-nɩ n lɩ nɔn-balwaarʋ bantʋ
na yɩ vwa-nyɩna tɩn jɩŋa nɩ.
2 Nmʋ yɩ wʋlʋ a na səgi a tɩtɩ
n woro kʋm wʋnɩ tɩn mʋ.
Bɛɛ mʋ yɩ n ma n kwaga n ya-nɩ?
Amʋ dʋna bam ta wʋ́ taa bɛɛsɩ-nɩ
pa a taa keeri kʋntʋ taan mʋ na?
3 Pa n pooni dɩm dɩdaanɩ
n cɩga kam taa wʋ amʋ tee nɩ.
Tɩntʋ mʋ wʋ́ da amʋ yigə
tɩ brɩ-nɩ cwǝŋǝ,
sɩ a wanɩ a vu a yi piu kʋlʋ
nmʋ na pɔɔrɩ n pa n tɩtɩ tɩn yuu.a
Je sɩlʋ nmʋ na zʋʋrɩ da tɩn
mʋ kʋntʋ.
4 A na yi da, a laan wʋ́ vu a yi
Wɛ bimbim dɩm təŋə.
Amʋ wʋ́ fʋfɔ a yi nmʋ te,
nmʋ wʋlʋ na paɩ a wʋ poli tɩn.
Amʋ Tu Wɛ, a laan wʋ́ ta kɔnɔ
a ma a tee‑m.
5 Amʋ bwe a tɩtɩ wʋnɩ a wɩ:
«Bɛɛ mʋ pɛ a yigə nywanɩ?
Bɛɛ mʋ yɩ a wʋʋ tiini kʋ cɔgɩ?»
A nan wʋ́ pa a tɩɩna
taa wʋ Wɛ tee nɩ mʋ!
A daa ta wʋ́ taa tee‑DƖ,
Dɩntʋ na yɩ amʋ Wɛ
yɩ DƖ joŋi-nɩ DƖ yagɩ tɩn ŋwaanɩ.