Wɔɔ mʋ wʋ́ wanɩ o zʋ Wɛ diga kam wʋnɩ?
Davidi dɛɛn panɩ ləŋə kantʋ.
24
Tɩga kam baŋadɩdaanɩ kʋlʋ maama na wʋ
kʋ wʋnɩ tɩn yɩ Baŋa-Wɛ nyɩm mʋ.
Lʋgʋ kʋm dɩ kʋ nɔn-biə bam
maama dɩ maa yɩ Dɩntʋ nyɩm.
2 Bɛŋwaanɩ, Baŋa-Wɛ puli
lʋgʋ kʋm kuri,
yɩ DƖ jarɩ tɩga kam ni maama
pa ka tigi dʋ-fara tɩm baŋa nɩ mʋ.
3 Wɔɔ nan mʋ wʋ́ wanɩ o di
Baŋa-Wɛ tɩtɩ piu kʋm baŋa?
Wɔɔ mʋ jɩgɩ cwǝŋǝ sɩ o vu
o zɩgɩ Wɛ tɩtɩ digə kam nɩ?
4 Kʋ yɩ balʋ yɩranɩ
kənə na dɛ cwǝŋǝ
yɩ ba bɩcara lana fasɩ tɩn mʋ.a
Bantʋ ba sɛ ba kaanɩ jwǝnǝ.
Ba nan ba fɔ vwan ba du durə.
5 Baŋa-Wɛ wʋ́ kɩ nɔɔna bam kʋntʋ yu-yoŋo.
Wɛ na yɩ ba Vɩrnʋ tɩn,
Dɩntʋ wʋ́ pa ba na bʋra.
6 Bantʋ dwi dɩm yɩ balʋ na fʋfɔ
ba twɛ Wɛ tɩn mʋ.
Ba yǝni ba ve Zakɔbɩ Wɛ dɩm yigə nɩ mʋ,
yɩ ba loori‑DƖ.
7 Pʋrɩ-na manco-pɩɩna ni dɩm!
Pa-na sɩ faŋa faŋa bwəəru tɩm pʋrɩ sɩ cwǝŋǝ taa tigi jaja!
Bɛŋwaanɩ paarɩ-zulǝ tu Pɛ wʋm
lagɩ o tɔgɩ da mʋ o zʋ.b
8 Pɛ wʋntʋ yɩ wɔɔ mʋ
o na tiini o jɩgɩ paarɩ-zulǝ tɩn?
O yɩ Yuutu Baŋa-Wɛ mʋ,
DƖ na yɩ dam maama tu wʋm
yɩ o waɩ o dʋna maama tɩn.c
9 Pʋrɩ-na manco-pɩɩna ni dɩm!
Pa-na sɩ faŋa faŋa bwəəru tɩm pʋrɩ sɩ cwǝŋǝ taa tigi jaja!
Bɛŋwaanɩ paarɩ-zulǝ tu Pɛ wʋm
lagɩ o tɔgɩ da mʋ o zʋ.
10 Pɛ wʋntʋ nan yɩ wɔɔ mʋ
o na tiini o jɩgɩ paarɩ-zulǝ tɩn?
O yɩ Paŋwa Tu Baŋa-Wɛ dɩm mʋ.
Dɩntʋ mʋ yɩ paarɩ-zulǝ tu Pɛ wʋm!