Nayɩrʋ-ŋʋm wʋm taanɩ
Davidi dɛɛn panɩ ləŋə kantʋ.
23
Amʋ Tu Baŋa-Wɛnii amʋ baŋa nɩ mʋ,
nɩnɛɛnɩ nayɩrʋ na nii o vara te tɩn.a
Kʋntʋ ŋwaanɩ kʋlʋkʋlʋ gɛɛrɩ
bá fɔgɩ kʋ ja-nɩ.
2 DƖ yǝni DƖ jaanɩ-nɩ mʋ
DƖ ve ga-zuru je sɩ a sin.
DƖ maa kalɩ-nɩ pa dɩ́ ve
mɛ seeni bwi na bwələ da tɩn.b
3 DƖ paɩ a ŋwɩa joori
ka jɩgɩ dam mʋ.
DƖ maa tɔgɩ a yigə
pa a tɔgɩ cwə-laarʋ,
sɩ kʋ pa DƖ yɩrɩ dɩm zaŋɩ wɛɛnɩ.
4 Nmʋ wʋ amʋ tee nɩ mʋ
maŋa maama.
A na maŋɩ a tɔgɩ je sɩlʋ na yɩ lim nɩnɛɛnɩ tʋʋnɩ mʋ dɩ,
amʋ bá taa kwarɩ fʋʋnɩ,
nmʋ na ze n gwəli dɩm
dɩ n nacəgə kam
n ma n cʋ-nɩ tɩn ŋwaanɩ.
5 Amʋ Tu Wɛ, n lagɩ wʋdi-fɔrɔ mʋ
n pa ba saŋɩ ba zɩgɩ
amʋ yigə nɩ sɩ a di,
yɩ a dʋna bam zɩgɩ da ba niə.
Nmʋ ta logi nugə mʋ amʋ yuu nɩ
n kɩ-nɩ yu-yoŋo.
Nmʋ pɛ a na-zʋŋa kam
tiini ka su ka pɛɛlɩ.
6 Cɩga ŋwaanɩ tɩn, dɛ dɩlʋ maama wʋnɩ a na wʋ́ taa ŋwɩ tɩn,
nmʋ lanyɩranɩ dɩ n sono kʋm
wʋ́ taa wʋ amʋ tee nɩ mʋ.
Amʋ wʋ́ taa wʋ nmʋ Baŋa-Wɛ
sɔŋɔ kʋm nɩ mʋ
maŋa maama.