Wɔɔ mʋ wʋ́ wanɩ o zʋ Wɛ te?
Davidi dɛɛn panɩ ləŋə kantʋ.
15
Amʋ Tu Baŋa-Wɛ,wɔɔ mʋ jɩgɩ cwǝŋǝ
sɩ o taa zʋʋrɩ nmʋ digə kam wʋnɩ?
Wɔɔ mʋ wʋ́ wanɩ o jǝni piu kʋlʋ
nmʋ na pɔɔrɩ n pa n tɩtɩ tɩn yuu nɩ?a
2 Kʋ yɩ wʋlʋ vəŋə na tɔgɩ
cwə-laa cɩga cɩga,
yɩ o jɩgɩ cɩga
o kənə maama wʋnɩ tɩn mʋ.
Kʋ tu yǝni o ŋɔɔnɩ cɩga
dɩ o wʋ maama,
3 yɩ o ba kaagɩ o cɔgɩ nɔɔna yɩrɩ.
O nan ba kɩ lwarɩm o yagɩ
o doonə yuu nɩ,
yɩ o ba kwaana sɩ cavɩɩra
di o donnǝ.
4 O yigə maa tǝrǝ dɩ nɔn-balwaarʋ,
yɩ o za nɩgɩ balʋ na kwarɩ
Baŋa-Wɛ tɩn mʋ.
Kʋntʋ tu yǝni o tɔgɩ o ni dɩm maama kwaga mʋ.
O nan bá yiri-dɩ,
nɩ kʋ na maŋɩ kʋ camma
tɩte maama kʋ pa‑o dɩ.
5 O maa jɩnɩ o səbu mʋ
o paɩ nɔɔna,
yɩ o ba beeri nyɔɔrɩ kʋ baŋa nɩ.
O nan ba sɛ sɩ o joŋi dim
sɩ o lɔ balʋ na jɩgɩ bʋra tɩn kwaga nɩ.
Kʋ na yɩ balʋ na tɔgɩ cwǝŋǝ kantʋ doŋ tɩn,
baá ta zɩgɩ mʋ cɛpɩ,
yɩ ba ba gɔɩ.