Davidi wɛ-loro
13
Amʋ Tu Baŋa-Wɛ,nmʋ ta wʋ́ daanɩ mʋ
sɩ na laan ba n zəni-nɩ na?
Nmʋ daa n bá guli amʋ gulə na?
Nmʋ wʋ́ ta n səgi n yibiyə
dɩ amʋ taa
sɩ n vu n maŋɩ yən mʋ?a
2 Amʋ wʋbʋŋa maŋɩ sɩ ya taa
daanɩ-nɩ maŋa maama mʋ na?
Dɛ maama wʋnɩ amʋ wʋ́ taa je
dɩ wʋ-cɔgɔ mʋ na?
Amʋ dʋna bam brɩ baá di wɔnɔ a baŋa nɩ taa
sɩ ba vu ba maŋɩ yən mʋ?
3 Amʋ Tu Baŋa-Wɛ,
yɔɔrɩ n nii amʋ seeni,
sɩ n ləri a wɛ-loro kʋm.
Pa a ŋwɩa joori ka kɩ dam,
sɩ tʋʋnɩ yɩ wanɩ-nɩ dɩ ja.
4 Kʋ na daɩ kʋntʋ,
a dʋna bam wʋ́ ta wɩ:
«Dɩbam wan‑o dɩ́ di!»
Baá taa caka dɩ amʋ na tʋ te tɩn.
5 Amʋ nan kwe a tɩtɩ
a salɩ nmʋ yɩra nɩ,
dɩ nmʋ na yɔɔrɩ n jɩgɩ a sono te tɩn mʋ.
A bɩcarɩ mʋ di ywəəni zanzan,
n na joŋi-nɩ n yagɩ tɩn ŋwaanɩ.
6 Amʋ wʋ́ leeni le a pa Baŋa-Wɛ,
DƖ na kɩ-nɩ lanyɩranɩ tɩn ŋwaanɩ.