11
Amʋ wʋ́ salɩ Baŋa-Wɛ yɩra nɩ.Nan daa n yɩ ta dɩ amʋ wɩ:
«Duri n vu n səgi pweeru je nɩ,
nɩ zuŋə na jaanɩ wɛɛnɩ te tɩn.
2 Nii nɔn-balwaarʋ na saŋɩ ba ta,
yɩ ba mʋlɩ cɩna da te tɩn!
Ba maa səgi ba tɩtɩ,
sɩ ba ta balʋ na yɔɔrɩ
cwə-laa wʋnɩ tɩn.
3 Nɔɔn-balwaarʋ bam na cɔgɩ
dɩ́ tɩʋ kʋm lam tɩn,
nɔn-ŋʋna warɩ kʋlʋkʋlʋ sɩ ba kɩ.»
4 Baŋa-Wɛ mʋ wʋ DƖ wɛyuu
sɔŋɔ kʋm nɩ.
DƖ maa je DƖ di paarɩ mʋ Wɛ-sɔŋɔ nɩ.a
DƖ yiǝ laan dʋlɩ je maama
ya yɩrɩ nabiinǝ,
pa DƖ maanɩ kʋlʋ maama
ba na kɩ tɩn.
5 Baŋa-Wɛ yǝni DƖ maanɩ nɔn-ŋʋna
dɩ nɔn-balwaarʋ mʋ DƖ niə.
DƖ nan yɔɔrɩ DƖ culi balʋ na soe nakɔɔrɩ kənə tɩn mʋ.
6 Kʋ na yɩ pusɩŋ-nyɩna bam,
DƖ lagɩ DƖ lo min-cala
dɩ ciribi mʋ ba yuu nɩ,
yɩ DƖ daarɩ DƖ pa vu-lʋŋʋ magɩ-ba.
7 Baŋa-Wɛ nan yɔɔrɩ DƖ tɔgɩ cwǝŋǝ cɩga cɩga mʋ.
DƖ maa soe kǝm-laarʋ.
Balʋ na yɔɔrɩ cwə-laa wʋnɩ tɩn
wʋ́ ba ba na DƖ yibiyə.