Davidi wɛ-loro
6
Amʋ Tu Baŋa-Wɛ,yɩ tɔgɩ n ban-zɔŋɔ kʋm baŋa nɩ
n bwɛ-nɩ.
Ta yɩ da n ban-lʋm dɩm ŋwaanɩ
n yaarɩ-nɩ.
2 Nan pa n yu-yoŋo taa wʋ
amʋ yuu nɩ,
a na bugi tɩn ŋwaanɩ.
Baŋa-Wɛ, zaŋɩ n yɔɔrɩ-nɩ,
dɩ kʋ na tiini kʋ cɛ
amʋ yɩra nɩ te tɩn.
3 Fʋʋnɩ mʋ tiini kʋ zʋ a bɩcarɩ nɩ.
Amʋ Tu Baŋa-Wɛ,
nmʋ ta wʋ́ daanɩ mʋ
sɩ n laan ba n zǝni amʋ na?a
4 Baŋa-Wɛ, ləri n na kɩ te tɩn,
sɩ n daarɩ n ba n vrɩ-nɩ n yagɩ.
Joŋi-nɩ, nmʋ na yɔɔrɩ n jɩgɩ
amʋ sono tɩn ŋwaanɩ.
5 Curu nɩ, ba ba guli nmʋ gulə.
Nɔɔnʋ na tɩga,
kʋ tu wʋ́ wanɩ o te nmʋ yɩrɩ na?
6 Amʋ na tiini a sisigi tɩn mʋ
pɛ a yɩra cɛ.b
Tɩtɩ dɩm maama nɩ mʋ a keeri zanzan
pa a sara kam bugi dɩdaanɩ yi-na.
7 A yiǝ maama su dɩ yi-na,
amʋ wʋ na tiini kʋ cɔgɩ tɩn ŋwaanɩ.
A daa warɩ sɩ a taa nii lanyɩranɩ,
a dʋna bam na daanɩ-nɩ tɩn ŋwaanɩ.
8 Abam balʋ maama
na tʋŋɩ lwarɩm tɩn,
lagɩ-na je á vu sɩ á daarɩ amʋ,
bɛŋwaanɩ amʋ kərə kam tʋ
Baŋa-Wɛ zwa nɩ.
9 Cɩga tɩn, Baŋa-Wɛ ni amʋ na
loori‑o sɩ DƖ duri amʋ yibwənə te tɩn,
yɩ DƖ daarɩ DƖ sɛ amʋ wɛ-loro kʋm.
10 Wɛ wʋ́ pa a dʋna bam maama
di cavɩɩra
yɩ fʋʋnɩ zʋ-ba zanzan.
Ba laan wʋ́ ma cavɩɩra mʋ
ba maa kwǝli ba yum,
yɩ ba pipiri ba joori kwaga.