Wɛ Dam Tu wʋm taanɩ
2
Bɛɛ mʋ yɩ lʋgʋ baŋa dwi-gɛ tiinə bam banɩ zaŋɩ?Bɛɛ mʋ yɩ ba kɩ daanɩ ba bʋŋɩ
wʋbʋŋa kafɛ ŋwaanɩ kʋntʋ?
2 Ba pwa bam dɩ ba dɩdɛɛra bam ma la daanɩ,
sɩ ba ja dɩ Baŋa-Wɛ
dɩ DƖ Dam Tu wʋlʋ DƖ na kuri tɩn.a
3 Ba laan maa wɩ:
«Pa-na sɩ dɩ́ cɩcʋgɩ
ba dam cɩgɩrʋ tɩm,
sɩ dɩ́ daarɩ dɩ́ dʋlɩ ba capʋnnʋ tɩm dɩ́ yagɩ yigə yigə.»
4 Baŋa-Wɛ maa je DƖ wɛyuu paarɩ jǝŋǝ je nɩ yɩ DƖ mwanɩ-ba.
DƖ maa naɩ ba wʋbʋŋa yam
na muri te tɩn.
5 DƖ banɩ ma zaŋɩ ba baŋa nɩ
yɩ DƖ kaanɩ-ba dɩ ba kǝm-yɔɔrʋ tɩm.
DƖ ma tiini DƖ fugi-ba dɩ DƖ ban-zɔŋɔ kʋm.
6 DƖ maa wɩ: «Siyɔnb yɩ piu kʋlʋ
amʋ na pɔɔrɩ a pa a tɩtɩ tɩn mʋ.
Kʋ yuu nɩ mʋ amʋ tiŋi Pɛ wʋlʋ
a na kuri tɩn.»
Pɛ wʋm maa wɩ:
7 «Amʋ laan wʋ́ pa Baŋa-Wɛ na tagɩ te tɩn nuŋi pooni,
dɩ DƖ na tagɩ dɩ amʋ DƖ wɩ:
‹Nmʋ mʋ yɩ amʋ Bu,
yɩ zɩm amʋ dɩ ji nmʋ Ko.c
8 A Bu, nan bwe amʋ n nii,
sɩ amʋ wʋ́ pa-m lʋgʋ baŋa tɩɩnɩ dɩm maama sɩ n ta n te,
sɩ kʋ vu kʋ yi lʋgʋ kʋm sisəm ni maama.
9 Nmʋ wʋ́ kwe luu-dɩdɔrɔ
n ma n wanɩ-ba,
yɩ n daarɩ n cɔgɩ-ba,
nɩ kambi mʋ ba cɩcʋgɩ tɩn.› »d
10 Kʋntʋ tɩn, abam balʋ na yɩ pwa tɩn,
ja-na swan!
Abam balʋ na jɩgɩ dam
lʋgʋ baŋa nɩ tɩn,
joŋi-na kwiə.
11 Sɛ-na Baŋa-Wɛ sɩ á taá kwarɩ-DƖ.
Pa-na sɩ á yɩra taa saɩ
sɩ á di ywəəni DƖ yigə nɩ.
12 Á kuni doonə DƖ Bu wʋm yigə nɩ
á ma‑á zul‑o,
sɩ o banɩ yɩ zaŋɩ abam baŋa nɩ.
Kʋ na daɩ kʋntʋ, wʋntʋ wʋ́ wanɩ o ba
o cɔgɩ abam bɩdwɩ baŋa nɩ.
Balʋ nan na səgi ba tɩtɩ
o woro wʋnɩ tɩn,
Wɛ wʋ́ kɩ yu-yoŋo
bantʋ maama yuu nɩ mʋ.