Lǝŋ-ŋwɩ Tɔnɔ
Ləŋ-ŋwɩ Tɔnɔ 1
Ləŋ-ŋwɩ 1-41
Cwe sɩle taanɩ
1
Nɔɔnʋ wʋlʋ vəŋə na ba tɔgɩnɔn-balwaarʋ tɩm kwiə tɩn mʋ,
Wɛ yu-yoŋo wʋ wʋntʋ yuu nɩ lanyɩranɩ.
Kʋ tu nan ba lagɩ sɩ o da
lwarɩm-kərə cwǝŋǝ kam.
O maa ba lagɩ sɩ o taa je
nɔn-lwɛɛna jǝŋǝ je sɩm nɩ.
2 Kʋ tu za paɩ Baŋa-Wɛ niə yam mʋ jɩgɩ ywəəni ya pa‑o.
Wɩa dɩ tɩtɩɩ maama o yǝni o bʋŋɩ ya wʋnɩ zii mʋ lanyɩranɩ.
3 Nɔɔnʋ wʋm kʋntʋ nyɩ dɩ tiu kʋlʋ
na zɩgɩ kʋ bwələ dɩ bugə
yɩ kʋ vɔɔrʋ ba siirə maŋa dɩ maŋa tɩn mʋ.a
Kʋ nan ləri biə mʋ ka maŋa nɩ cɩga cɩga.
O na kɩ kʋlʋ maama tɩn ve yigə lanyɩranɩ.
4 Nɔn-balwaarʋ tɩm nan daɩ kʋntʋ!
Bantʋ nyɩ dɩ swannʋ mʋ
viu na kalɩ kʋ maa jeə tɩn.
5 Wɛ nan na lagɩ DƖ di nabiinǝ sarɩya,
nɔn-balwaarʋ tɩm wʋ́ tʋ mʋ.
Lwarɩm-kərə dɩ nan bá wanɩ ba wǝli
balʋ na na cɩga Wɛ tee nɩ tɩn
kɔgɔ kʋm wʋnɩ.
6 Bɛŋwaanɩ, Baŋa-Wɛ fɔgɩ DƖ nii
balʋ na kwarɩ-DƖ tɩn,
dɩ ba vəŋə maama mʋ.
Kʋ nan na yɩ nɔn-balwaarʋ tɩm,
bantʋ yɔɔrɩ ba je mʋ
ba cwǝŋǝ kam nɩ.