Mardose beeri zǝnǝ Ɛsɩtɛɛrɩ tee nɩ
4
Mardose na maanɩ kʋlʋ maama na kɩ tɩn, o ma kaarɩ o gwaarʋ, o wʋ na cɔgɩ tɩn ŋwaanɩ. O ma zʋ gwar-zɩnzwara, yɩ o daarɩ o pɛ tɩntwarɩm o caarɩ o yuu nɩ. O ma nuŋi o kaagɩ tɩʋ kʋm maama wʋnɩ o veǝ yɩ o kaasɩ dɩ kwǝr-dɩa baŋa baŋa. 2 O kɩ kʋntʋ mʋ o vu o yi Pɛ sɔŋɔ manchoŋo ni dɩm, yɩ o wʋ zʋ pɛ sɔŋɔ kʋm wʋnɩ, kʋ na culǝ sɩ nɔɔna zʋ gwar-zɩnzwara ba zʋ dáanɩ tɩn ŋwaanɩ. 3 Pɛ wʋm ni dɩm na yi mɛ dɩ mɛ o paarɩ laŋa tɩɩnɩ yam maama wʋnɩ tɩn, Zwifǝ tiinə bam yɔɔrɩ ba kaasɩ zanzan mʋ. Ba maa vɔ ni, yɩ ba keerǝ, yɩ ba ta coosǝ. Ba zanzan ma zʋ gwar-zɩnzwara, yɩ ba daarɩ ba je tɩntwarɩm wʋnɩ.4 Tɩntʋŋ-kaana dɩdaanɩ tɩntʋŋna balʋ na nii Ɛsɩtɛɛrɩ tɩn ma na Mardose na kɩ kʋlʋ tɩn, yɩ ba ta ba brɩ Ɛsɩtɛɛrɩ. Kʋ ma tiini kʋ daan‑o. O ma tʋŋɩ gwaarʋ o pa Mardose sɩ o ləri o gwar-zɩnzwara tɩm sɩ o daarɩ o zʋ-tɩ. O maa wʋ sɛ. 5 Tɩntʋŋna balʋ pɛ wʋm na lɩ sɩ ba taa nii Ɛsɩtɛɛrɩ tɩn dɩdʋa yɩrɩ yɩ Hatakɩ mʋ. Ɛsɩtɛɛrɩ laan ma tʋŋ-o Mardose tee nɩ sɩ o bwe o lwarɩ kʋlʋ na daan‑o tɩn. 6 Hatakɩ ma nuŋi o vu Mardose te, yɩ o wʋ tɩʋ kʋm naboo kʋm nɩ, kʋ na jeeri dɩ pɛ sɔŋɔ manchoŋo tɩn. 7 Mardose dɩ ma ta o brɩ-o kʋlʋ maama na yi‑o tɩn, dɩdaanɩ Haman na goni ni sɩ o tiŋi səbu-fɔrɔ tɩʋ kʋm kwɛɛm ŋwaanɩ, nɩ o na nɛ cwǝŋǝ sɩ o pa Zwifǝ tiinə maama na cɔgɩm. 8 O laan ma daarɩ o kwe tɔnɔ kʋlʋ na pɛ nɔɔna ni sɩ ba cɔgɩ Zwifǝ tiinə bam yɩ ba tɔɔlɩ kʋ taanɩ Suzi nɩ tɩn o brɩ Hatakɩ. O ma kwe kʋ doŋ o pa‑o sɩ o ja o vu o pa Ɛsɩtɛɛrɩ. O ta tag‑o mʋ sɩ o maŋɩ tɔnɔ kʋm wʋ wǝǝnu tɩm o brɩ Ɛsɩtɛɛrɩ, sɩ o daarɩ o ta wɩ: o ve pɛ wʋm te o loori‑o sɩ o duri Zwifǝ tiinə bam yibwənə.
«Nan ve n ta dɩ Mardose nɩ: 11 kʋ zɩgɩ pɛ nakwa nɩ, sɩ kʋ yi nɔɔn-biə bam na wʋ tɩɩnɩ yam maama wʋnɩ tɩn, nɔɔnʋ maama ye nɩ cwǝŋǝ tǝrǝ sɩ nɔɔnʋ zʋ pɛ wʋm te yɩ o wʋ bǝŋ-o. Ba ta ye nɩ wʋlʋ na zʋ da yɩ pɛ wʋ bǝŋ-o, ba maŋɩ sɩ ba gʋ kʋntʋ tu mʋ. Dɩbam tɩʋ kʋm culu mʋ kʋntʋ. Kʋ nan yɩ pɛ na zǝŋi o səbu-sɩŋa nacəgə kam o jeeri kʋ tu, mʋ ba bá gʋ-o. Cana mʋ tɩntʋ nan, pɛ na wʋ tʋŋɩ o bǝŋi-nɩ.»
«Yɩ ta n bʋŋɩ nɩ: n na wʋ pɛ sɔŋɔ kʋm wʋnɩ tɩn ŋwaanɩ, nmʋ yɩranɩ wʋ́ ta n yɩ Zwifǝ tu sɩ n lu. 14 Nmʋ na maŋɩ da cɩmm maŋa kantʋ, nan lwarɩ sɩ zǝnǝ wʋ́ nuŋi je sɩdonnǝ nɩ dɩ ba Zwifǝ tiinə bam ŋwaanɩ, sɩ ba na vrɩm. Nmʋ nan wʋ́ tɩ, yɩ n ko sɔŋɔ kʋm dɩ ti. Dɩ́ nan yǝri dɩ́ tiə. Dɛdoŋ nɩ kʋ zɩgɩ kʋ yɩ maŋa kantʋ kənə yam ŋwaanɩ mʋ n tu n ji pa-kana!»
15 Ɛsɩtɛɛrɩ laan ma ləri Mardose o wɩ:
16 «Ve n la Zwifǝ tiinə bam maama na wʋ Suzi nɩ tɩn n kɩ daanɩ. Vɔ-na ni sɩ á loori Wɛ á pa-nɩ. Yɩ di-na wʋdiu, nan yɩ nyɔ-na na da yatɔ, wɩa dɩdaanɩ tɩtɩ maama. Amʋ dɩ a tɩntʋŋ-kaana bam dɩ wʋ́ kɩ kʋntʋ. Dɩ́ na ti, amʋ laan wʋ́ zʋ pɛ wʋm te, dɩ kʋ na maŋɩ kʋ culǝ tɩn dɩ. Kʋ na maŋɩ sɩ a tɩ kʋ ŋwaanɩ, a sɛ sɩ a tɩ!»
17 Mardose laan ma viiri o vu o kɩ kʋlʋ maama Ɛsɩtɛɛrɩ na brɩ sɩ o kɩ tɩn.