Wɛ-digə kam lən-leenə bam taanɩ
25
Davidi dɩ o jar-kərə yigǝ tiinǝ bam dɛɛn ma kuri Azafɩ, dɩ Hemanɩ, dɩ Yedutun biə badonnǝ sɩ ba taa ŋɔɔnɩ Wɛ taanɩ yɩ ba taɩ kwaanʋ dwi dwi ba daarɩ ba magɩ zwɩ. Nɔɔna bam yɩra dɩ ba tɩtʋŋa mʋ tɩntʋ:2 Azafɩ biə bam wʋnɩ:
Zakuri, dɩ Zozɛfʋ, dɩ Netanɩa, dɩ Asarela maama dɛɛn tʋŋɩ ba ko Azafɩ dam kuri nɩ mʋ. Azafɩ dɛɛn nan yǝni o leeni Wɛ taanɩ mʋ, kʋ maŋɩ dɩ pɛ na brɩ sɩ kʋ kɩ tɛ tɩn.
3 Yedutun biə bam wʋnɩ:
Gedalia, dɩ Zeri, dɩ Ezayi, dɩ Simeyi, dɩ Hasabia, dɩ Matitɩya.
Bantʋ bardʋ maama dɛɛn wʋ ba ko Yedutun dam kuri nɩ mʋ. Yedutun dɛɛn yǝni o leeni Wɛ taanɩ yɩ o taɩ kɔnɔ mʋ o leeni o zuli Baŋa-Wɛ.
4 Hemanɩ dɩ biə bam wʋnɩ:
Bukia, dɩ Matanɩa, dɩ Uziyɛlɩ, dɩ Sebuɛlɩ, dɩ Yerimoti, dɩ Hanania, dɩ Hanani, dɩ Eliata, dɩ Gidaliti, dɩ Romanti-Ezerɩ, dɩ Yosibekasa, dɩ Maloti, dɩ Hotiri, dɩdaanɩ Mahaziɔtɩ.
5 Bantʋ bam kʋntʋ maama dɛɛn yɩ Hemanɩ biə mʋ. Wʋntʋ dɛɛn mʋ yǝni o joŋi Baŋa-Wɛ kwəri o tʋlɩ o brɩ pɛ, o ma o zuli DƖ dam dɩm. Wɛ ma pa o lʋ bəkəri fugə-bana, dɩ bukwa batɔ. 6 Hemanɩ biə bantʋ maama dɛɛn wʋ o dam kuri nɩ mʋ Baŋa-Wɛ digə kam le baŋa nɩ. Ba maa magɩ zwɩ yɩ ba taɩ kwaanʋ dwi dwi ba ma tʋŋɩ Wɛ-digə kam wʋnɩ.
Kʋ nan na yɩ Azafɩ, dɩ Yedutun, dɩ Hemanɩ tɩtɩ, bantʋ maama dɛɛn wʋ pɛ wʋm dam kuri nɩ mʋ. 7 Nɔɔna bam kʋntʋ maama dɩ ba cʋrrʋ tɩm dɛɛn waɩ ba leeni le lanyɩranɩ ba ma ba zuli Baŋa-Wɛ. Ba maama ni maa yɩ nɔɔna biə-yale dɩ funɔnɔ-nana (288). 8 Ba na tagɩ jɔrɔ te tɩn, nɔɔnʋ maama ma na o tɩtʋŋɩ. Ba dɛɛn nan wʋ pɔɔrɩ nɔn-dʋnnʋ dɩ nankwɩn daanɩ, asawɛ len-leenǝ balʋ na yɩ nadoorǝ, dɩ balʋ na yɩ nadʋʋra tɩn daanɩ. 9-31 Ba dɛɛn yɩ nɔɔna fugǝ-bale kuni fiinle-bɩna mʋ, yɩ pʋpwara maama jɩgɩ ka nakwɩ. Ba na kuri-ba yɩ ba saŋɩ daanɩ te tɩn mʋ tɩntʋ:
| 1. | Azafɩ dwi tu Zozɛfʋ, dɩ o biə, dɩ o cʋrrʋ. |
| 2. | Gedalia, dɩ o biə, dɩ o cʋrrʋ. |
| 3. | Zakuri, dɩ o biə, dɩ o cʋrrʋ. |
| 4. | Zeri, dɩ o biə, dɩ o cʋrrʋ. |
| 5. | Netanɩa, dɩ o biə, dɩ o cʋrrʋ. |
| 6. | Bukia, dɩ o biə, dɩ o cʋrrʋ. |
| 7. | Asarela, dɩ o biə, dɩ o cʋrrʋ. |
| 8. | Ezayi, dɩ o biə, dɩ o cʋrrʋ. |
| 9. | Matanɩa, dɩ o biə, dɩ o cʋrrʋ. |
| 10. | Simeyi, dɩ o biə, dɩ o cʋrrʋ. |
| 11. | Azareli, dɩ o biə, dɩ o cʋrrʋ. |
| 12. | Hasabia, dɩ o biə, dɩ o cʋrrʋ. |
| 13. | Sebuɛlɩ, dɩ o biə, dɩ o cʋrrʋ. |
| 14. | Matitɩya, dɩ o biə, dɩ o cʋrrʋ. |
| 15. | Yerimoti, dɩ o biə, dɩ o cʋrrʋ. |
| 16. | Hanania, dɩ o biə, dɩ o cʋrrʋ. |
| 17. | Yosibekasa, dɩ o biə, dɩ o cʋrrʋ. |
| 18. | Hanani, dɩ o biə, dɩ o cʋrrʋ. |
| 19. | Maloti, dɩ o biə, dɩ o cʋrrʋ. |
| 20. | Eliata, dɩ o biə, dɩ o cʋrrʋ. |
| 21. | Hotiri, dɩ o biə, dɩ o cʋrrʋ. |
| 22. | Gidaliti, dɩ o biə, dɩ o cʋrrʋ. |
| 23. | Mahaziɔtɩ, dɩ o biə, dɩ o cʋrrʋ. |
| 24. | Romanti-Ezerɩ, dɩ o biə, dɩ o cʋrrʋ. |
Pʋpwara maama yɩ baara fugǝ-bale mʋ.