Kɩbarɩ tɔnɔ Twannʋ Tɩle Tu
Wǝǝnu Kɩbarɩ tɔnɔ Twannʋ Tɩle Tu wʋm toŋi taanɩ dɩlʋ na wʋ Wǝǝnu Kɩbarɩ tɔnɔ Dayigǝ Tɔnɔ kʋm wʋnɩ tɩn mʋ. Kʋ nan tɛ Pɛ Solɔmɔn taanɩ mʋ, dɩ Wɛ-di-kamunu kalʋ o na lɔgɩ o zɩgɩ Zeruzalɛm nɩ tɩn. Solɔmɔn na tɩgɩ o daarɩ tɩn, mʋ o paarɩ laŋa kam pɔɔrɩ kuni bɩle, sɩ kʋ ji Yisɩrayɛlɩ tɩʋ dɩ Zuda tɩʋ. Tɔnɔ kʋm kʋntʋ nan ta tɛ kʋlʋ na kɩ Zuda tɩʋ kʋm nɩ tɩn, dɩdaanɩ pwa balʋ na di paarɩ kʋ baŋa nɩ tɩn mʋ. Tɩʋ kʋm pwa zanzan dɛɛn ba yǝni ba kɩ kʋlʋ na poli Wɛ wʋʋ tɩn, Kʋ daarɩ ba badonnǝ nan yɔɔrɩ ba tʋŋɩ mʋ pa ba ja nɔɔna bam wʋbʋŋa ba joori Wɛ te. Pɛ Zʋzɩasɩ tiini o kwaanɩ mʋ o pa nɔɔna joori ba zuli Wɛ dɩ cɩga. Nii Pɔɔrɩm 34-35. Kʋ kweelim nɩ tɩn, Babilɔnɩ tɩʋ pɛ dɛɛn tu o cɔgɩ Zeruzalɛm tɩʋ kʋm dɩ Wɛ-digə kam maama mʋ.