Nɔɔna balʋ na tu ba zʋʋrɩ Zeruzalɛm nɩ tɩn
9
Ba dɛɛn pʋpʋnɩ Yisɩrayɛlɩ nɔn-biə bam maama yɩra ba tiŋi Yisɩrayɛlɩ Tɩʋ Pwa Cɩbarɩ tɔnɔ kʋm wʋnɩ.Kʋ na yɩ Zuda tiinə bam, ba dʋna dɛɛn jaanɩ-ba ba vu Babilɔnɩ, ba na nuŋi Baŋa-Wɛ kwaga nɩ tɩn ŋwaanɩ. 2 Nɔɔna balʋ na dɛ yigə ba joori ba tɩtɩ tɩʋ tɩn dɛɛn yɩ Wɛ kaanɩm tiinə, dɩ Levi dwi dɩm badaara, kʋ wǝli dɩ Wɛ-digə kam tɩntʋŋna, dɩdaanɩ Yisɩrayɛlɩ tiinə badaara mʋ.a 3 Nɔɔna balʋ dɛɛn na tu ba zʋʋrɩ Zeruzalɛm nɩ yɩ ba nuŋi Zuda dwi dɩm wʋnɩ, dɩ Bɛnzamɛn dwi dɩm wʋnɩ, dɩ Efrayim dwi dɩm wʋnɩ, kʋ wǝli dɩ Manasɩ dwi dɩm wʋnɩ tɩn mʋ tɩntʋ:
4 Amiwudi bu Yutayi. Amiwudi ko dɛɛn yɩ Omiri. Omiri ko maa yɩ Imiri. Imiri ko maa yɩ Bani. Bani dɛɛn yɩ Zuda bu Farɛsɩ dwi tu.
5 Kʋ na yɩ Siloe dwi dɩm wʋnɩ, kʋ yɩ o bu-kwɩan Asaya dɩ wʋntʋ biə bam mʋ.
6 Kʋ maa na yɩ Zara dwi dɩm wʋnɩ, kʋ yɩ Yeweli.
Balʋ na nuŋi Zuda dwi dɩm wʋnɩ yɩ ba joori tɩn maama dɛɛn yɩ nɔɔna biə-bardʋ dɩ funʋgʋ (690) mʋ.
7 Bɛnzamɛn dwi dɩm wʋnɩ nɔɔna balʋ na joori tɩn mʋ tɩntʋ:
Mesulam bu Saalu. Mesulam ko dɛɛn yɩ Hodavia. Hodavia ko maa yɩ Hasɩnua.
8 Zeroham bu Yibineya.
Utsi bu Ela. Utsi ko dɛɛn yɩ Mikiri.
Sefatɩa bu Mesulam. Mesulam ko maa yɩ Rewuɛlɩ. Rewuɛlɩ ko dɩ dɛɛn maa yɩ Yibiniya.
9 Nɔɔna bantʋ maama dɛɛn yɩ ba sɔ-yuni tɩm nakwa mʋ. Bɛnzamɛn dwi tiinə balʋ yɩra na pʋpʋnɩ ya tiŋi tɔnɔ nɩ tɩn dɛɛn yɩ nɔɔna biə-nʋgʋ dɩ fiinnu-bardʋ (956) mʋ.
10 Wɛ kaanɩm tiinə balʋ na tu ba zʋʋrɩ Zeruzalɛm nɩ tɩn mʋ tɩntʋ:
Yedaya, dɩ Yehoyaribi, dɩ Yakinni.
11 Azarɩa wʋlʋ dɛɛn na nii Wɛ-digə kam tʋntʋŋa yam baŋa nɩ tɩn.
O ko dɛɛn yɩ Hilkiya. Hilkiya ko maa yɩ Mesulam. Mesulam ko maa yɩ Sadoki. Sadoki ko maa yɩ Merayɔtɩ. Merayɔtɩ ko dɩ dɛɛn yɩ Asituba.
12 Zeroham bu Adaya.
Zeroham ko maa yɩ Pasuuri. Pasuuri ko maa yɩ Malkiya. Malkiya ko maa yɩ Maasayi. Maasayi ko maa yɩ Adiyɛlɩ. Adiyɛlɩ ko maa yɩ Yaazera. Yaazera ko maa yɩ Mesulam. Mesulam ko maa yɩ Mesilemitɩ. Mesilemitɩ ko maa yɩ Yimera.
13 Kaanɩm tiinə bam kʋntʋ dɩ ba cʋrrʋ tɩlʋ na yɩ ba sɔ-yuni tɩm nakwa tɩn dɛɛn yɩ nɔɔna mʋrʋ dɩ biə-yarpɛ dɩ fusɩrdʋ (1, 760) mʋ. Ba maa tʋŋɩ tɩtʋŋa dwi dwi Wɛ-digə kam nɩ yɩ ba ye ba na wʋ́ kɩ te tɩn.
14 Levi dwi dɩm nɔɔna balʋ dɩ na joori tɩn mʋ tɩntʋ:
Merari dwi tu Semaya. Semaya ko dɛɛn mʋ yɩ Hasubi. Hasubi ko maa yɩ Azerikam. Azerikam ko maa yɩ Hasabia.
15 Bakebakarɩ, dɩ Heresɩ, dɩ Galalɩ, kʋ wǝli dɩ Mika bu Matanɩa. Mika ko dɛɛn yɩ Zikiri. Zikiri ko maa yɩ Azafɩ.
16 Semaya bu Abdɩasɩ. Semaya ko maa yɩ Galalɩ. Galalɩ ko dɩ maa yɩ Yedutun.
Asa bu Berekiya. Asa ko dɛɛn yɩ Elikana mʋ. Wʋntʋ dɛɛn zʋʋrɩ Netofa tiinə bam je sɩm nɩ.
17 Wɛ-digə kam ni-yɩrɩna balʋ na joori tɩn mʋ tɩntʋ:
Salum, dɩ Akuba, dɩ Talɩmon, dɩ Ahiman, dɩ ba cʋrrʋ tɩm.
Salum dɛɛn mʋ yɩ ba tɩtʋŋa yigə tu. 18 Dɩ zɩm maama ba maa nii ni dɩlʋ na yɔɔrɩ wa-puli seeni yɩ ba bəŋi-dɩ nɩ ‹Pɛ Ni dɩm› tɩn. Bantʋ dɛɛn yɩ Wɛ-digə kam ni-yɩrɩna balʋ na nuŋi Levi dwi dɩm wʋnɩ tɩn mʋ.
19 Kʋrɩ bu Salum, dɩ o donnǝ Kʋra dwi tiinə dɛɛn mʋ yɩrɩ Wɛ jero-vwe dɩm manco-pɩɩna yam.
Ba nabaara bam tɩtʋŋa dɩ dɛɛn maŋɩ ya yɩ sɩ ba taa yɩrɩ Baŋa-Wɛ jero-vwe dɩm ni mʋ. Kʋrɩ ko dɛɛn yɩ Ebiazafɩ, yɩ Ebiazafɩ yɩ Kʋra dwi tu mʋ. 20 Faŋa tɩn, Eleyazaarɩ bu Fineasɩ ya mʋ yɩ ni-yɩrɩna bam yuutu. Baŋa-Wɛ dɛɛn maa wʋ o tee nɩ. 21 Meselemia bu Zakari dɩ dɛɛn yɩrɩ Wɛ jero-vwe ni dɩm mʋ.
22 Nɔɔna biə-yale dɩ fugǝ-bale (212) dɛɛn mʋ yɩrɩ Wɛ jero-vwe dɩm manco-pɩɩna yam. Ba dɛɛn pʋpʋnɩ ba yɩra ba tiŋi kʋ tɔgɩ ba dwi dɩm mʋ tɩʋ dɩ tɩʋ maama nɩ.
Kʋ nan yɩ Pɛ Davidi dɩ Wɛ nijoŋnu Samowɛlɩ ya mʋ kuri ni-yɩrɩna bam sɩ ba taa tʋŋɩ ba tɩtʋŋa yam dɩ cɩga. 23 Bantʋ dɩ ba dwi tiinə bam mʋ te Baŋa-Wɛ digə kam ni dɩm yɩrɩm, nɩ kʋ na yɩ Wɛ vwe dɩm mʋ naa digə kam tɩtɩ. 24 Ni-yɩrɩna bam dɛɛn zɩgɩ Wɛ-digə kam sɛn sɩna sɩm maama nɩ ba yɩrɩ niə yam mʋ. 25 Maŋa dɩ maŋa ba cʋrrʋ tɩm na zʋʋrɩ ba tɩɩnɩ yam nɩ tɩn maa yǝni ba ba ba kɩ da yarpɛ ba wǝli-ba. 26 Ni-yɩrɩna bana balʋ na yɩ ba yigǝ tiinǝ tɩn yɩ Levi dwi tiinə mʋ. Ba nan pɛ-ba cɩga mʋ sɩ ba taa yɩrɩ Wɛ wara-je zɩla di sɩm, kʋ wǝli dɩ di sɩlʋ lʋnnɩ wǝǝnu tɩm na tigi sɩ wʋnɩ tɩn. 27 Bantʋ dɛɛn yɩrɩ Wɛ wara-je sɩm wɩa dɩ tɩtɩɩ maama mʋ, kʋ na yɩ ba tɩtʋŋa sɩ ba taa nii kʋ maama baŋa nɩ tɩn ŋwaanɩ. Tɩga na yǝni ka pʋʋrɩ, baá kwe borbu mʋ ba ma ba pʋrɩ kʋ niə yam ba yagɩ dɛ wʋnɩ maama.
28 Ba dɛɛn ta kuri ni-yɩrɩna badonnǝ sɩ ba taa nii wǝǝnu tɩlʋ ba na maɩ ba kaanɩ Wɛ tɩn baŋa nɩ. Maŋa maama ba na kwe-tɩ ba ja ba nuŋi tɩ je sɩm nɩ, baá jeeli tɩ ni mʋ, yɩ ba na tʋŋɩ ba ti, ba daa ta wʋ́ kɩ kʋntʋ mʋ sɩ tɩ dɩdʋa yɩ muri. 29 Nɔɔna badaara maa nii Wɛ wara-je sɩm zɩla yam maama baŋa nɩ, kʋ ta wǝli dɩ mun-bwe dɩm, dɩ sana bam, dɩ nugə kam, dɩ wǝǝnu tɩlʋ lwǝm na ywǝmmǝ tɩn, dɩ tralɩ dɩm maama baŋa nɩ. 30 Kʋ nan yɩ Wɛ kaanɩm tiinə badonnǝ mʋ jɩgɩ cwǝŋǝ sɩ ba gwaanɩ tralɩ dwi dwi ba kɩ daanɩ. 31 Levi dwi tu dɩdʋa dɛɛn wʋra o yɩrɩ mʋ Matitɩya. O maa yɩ Kʋra dwi tu Salum bu-kwɩan mʋ. Ba kuri wʋntʋ mʋ sɩ o taa nii maasa yalʋ ba na ma ba kɩ Wɛ pɛɛra tɩn fɔgɩm baŋa nɩ. 32 Kʋ dɛɛn yɩ Keyatɩ dwi tiinə badaara tɩtʋŋɩ mʋ sɩ ba fɔgɩ ba kwɛ dɩpɛ dɩlʋ ba na tiŋi Wɛ yigə nɩ Wɛ siun dɛ maama tɩn.b
33 Balʋ na yɩ lən-leenə yɩ ba yɩ Levi dwi dɩm nakwa tɩn dɛɛn zʋʋrɩ Wɛ wara-je di sɩm wʋnɩ mʋ, sɩ ba taa tʋŋɩ ba tɩtʋŋa yam wɩa dɩ tɩtɩɩ, nɩ kʋ na maŋɩ te tɩn.c Kʋntʋ ŋwaanɩ ba daa ba jɩgɩ tɩtʋŋa yadonnə sɩ ba taa tʋŋɩ ba wǝli da. 34 Nɔɔna bam kʋntʋ maama dɛɛn yɩ Levi dwi dɩm sɔ-yuni tɩm nakwa mʋ yɩ ba yɩra yam pʋpʋnɩ ya tiŋi cɩbara gulə twaanʋ tɩm wʋnɩ. Ba dɛɛn maa zʋʋrɩ Zeruzalɛm nɩ.
Sooli kwə natɔga kam
35 Gabawɔn ko Yeyiyɛlɩ dɛɛn zʋʋrɩ Gabawɔn tɩʋ nɩ mʋ. O kaanɩ yɩrɩ maa yɩ Maaka. 36 O biə bam maa yɩ:
O bu-kwɩan Abedon, dɩ Zurǝ, dɩ Kisi, dɩ Baalɩ, dɩ Nera, dɩ Nadabɩ, 37 dɩ Gedora, dɩ Ayo, dɩ Zakari, dɩ Mikilɔtɩ.
38 Mikilɔtɩ dɩ ma lʋ Simeam. Bantʋ maama dɛɛn zʋʋrɩ ba twɛ dɩ ba cʋrrʋ tɩdonnǝ mʋ Zeruzalɛm nɩ.
39 Nera dɛɛn mʋ lʋgɩ Kisi. Kisi ma lʋ Sooli. Sooli dɩ dɛɛn ma lʋ Zonatan, dɩ Malikisua, dɩ Abinadabɩ, dɩ Esi-Baalɩ.
40 Zonatan bu mʋ yɩ Meri-Baalɩ. Meri-Baalɩ dɩ ma lʋ Mika.
41 Mika biə bam maa yɩ:
Pitɔn, dɩ Melɛkɩ, dɩ Tarea, dɩ Ahazɩ.
42 Ahazɩ dɛɛn mʋ lʋgɩ Najara. Najara dɩ ma lʋ Alemɛtɩ, dɩ Azɩmavɛtɩ, dɩ Zimiri. Zimiri ma lʋ Moza. 43 Moza ma lʋ Binea. Binea bu maa yɩ Refaya. Refaya bu maa yɩ Eleyasa. Eleyasa bu maa yɩ Atɩsalɩ.
44 Atɩsalɩ dɛɛn jɩgɩ biə-bardʋ mʋ. Ba yɩra mʋ yɩ:
Azerikam, dɩ Bokeru, dɩ Ismayɛlɩ, dɩ Seariya, dɩ Abdɩasɩ, dɩ Hanan.