1Kɩbarɩ tɔnɔ 8

Bɛnzamɛn dwi dɩm

Bɛnzamɛn biə banu bam mʋ tɩntʋ:

O bu-kwɩan Bela, dɩ Asabeli, dɩ Ara, 2 dɩ Noha, dɩ Rafa.

3 Bela biə bam maa yɩ:

Adara, dɩ Gera, dɩ Abihudi, 4 dɩ Abisua, dɩ Naaman, dɩ Ahoa, 5 dɩ Gera, dɩ Sefufana, dɩ Hiram.

6-7 Ewudi biə bam mʋ tɩntʋ:

Naaman, dɩ Ahiya, dɩ Gera.

Bantʋ dɛɛn yɩ ba sɔ-yuni tɩm nakwa mʋ Geba nɩ. Ba dʋna dɛɛn ma zəli-ba pa ba vu ba zʋʋrɩ Manahatɩ nɩ. Gera mʋ dɛ ba yigə pa ba nuŋi. Wʋntʋ ma lʋ Yuza dɩ Ayiwudi.

8 Sarayim na vɩn o kaana bale Husim dɩ Baara tɩn, o dɛɛn ta jǝni Moabɩ tɩʋ nɩ o lʋ bəkəri. 9 O ka-dʋʋrʋ wʋlʋ yɩrɩ na yɩ Hodɛsɩ tɩn ma lʋ Yobabɩ, dɩ Sibiya, dɩ Mesa, dɩ Malikam, 10 dɩ Yewuzi, dɩ Sakia, dɩ Mirama. Sarayim biə bam kʋntʋ maama dɛɛn yɩ ba sɔ-yuni tɩm nakwa mʋ. 11 O kaanɩ Husim dɛɛn ya maŋɩ o lʋ bəkəri sɩle o pa‑o, yɩ bantʋ yɩra mʋ yɩ Abitubi dɩ Elipaalɩ.

12 Elipaalɩ biə bam mʋ tɩntʋ:

Hebɛrɩ, dɩ Misam, dɩ Semɛrɩ.

Semɛrɩ dɛɛn mʋ lɔgɩ Ono dɩ Lɔdɩ tɩɩnɩ dɩm, kʋ wǝli dɩ dɩ nawuurə yam maama. 13 Elipaalɩ ta ma lʋ Beria dɩ Sema. Bantʋ maama dɛɛn yɩ ba sɔ-yuni tɩm nakwa mʋ Ayalɔn nɩ. Ba ma zəli balʋ maama ya na zʋʋrɩ Gatɩ nɩ tɩn.

14 Beria biə bam maa yɩ:

Ayo, dɩ Sasakɩ, dɩ Zeremɔtɩ, 15 dɩ Zebadia, dɩ Arada, dɩ Edɛrɩ, 16 dɩ Misɛɛlɩ, dɩ Isipa, dɩ Yoa.

17 Elipaalɩ biə bam maa yɩ:

Zebadia, dɩ Mesulam, dɩ Hiziki, 18 dɩ Yisimerayi, dɩ Yizila, dɩ Yobabɩ.

19 Simeyi biə bam maa yɩ:

Yakini, dɩ Zikiri, dɩ Zabidi, 20 dɩ Elenayi, dɩ Ziletayi, dɩ Eliɛlɩ, 21 dɩ Adaya, dɩ Beraya, dɩ Simaratɩ.

22 Sasakɩ biə bam maa yɩ:

Yisipanɩ, dɩ Hebɛrɩ, dɩ Eliɛlɩ, 23 dɩ Abedon, dɩ Zikiri, dɩ Hanan, 24 dɩ Hanania, dɩ Elam, dɩ Antotiya, 25 dɩ Yifidɩya, dɩ Penuwɛlɩ.

26 Zeroham biə bam maa yɩ:

Sameserayi, dɩ Sehariya, dɩ Atalia, 27 dɩ Yarɩsɩa, dɩ Eli, dɩ Zikiri.

28 Nɔɔna bam kʋntʋ maama dɛɛn yɩ ba sɔ-yuni tɩm nakwa mʋ yɩ ba yɩra yam pʋpʋnɩ ya tiŋi cɩbara gulə twaanʋ tɩm wʋnɩ. Ba dɛɛn maa zʋʋrɩ Zeruzalɛm nɩ.

29 Gabawɔn ko Yeyiyɛlɩ dɛɛn zʋʋrɩ Gabawɔn tɩʋ nɩ mʋ. O kaanɩ yɩrɩ maa yɩ Maaka. 30 O biə bam maa yɩ:

O bu-kwɩan Abedon, dɩ Zurǝ, dɩ Kisi, dɩ Baalɩ, [dɩ Nera], dɩ Nadabɩ, 31 dɩ Gedora, dɩ Ayo, dɩ Zekɛrɩ, 32 dɩ Mikilɔtɩ.

Mikilɔtɩ dɩ ma lʋ Simeya. Bantʋ maama dɛɛn zʋʋrɩ ba twɛ dɩ ba cʋrrʋ tɩdonnǝ mʋ Zeruzalɛm nɩ.

33 Nera dɛɛn mʋ lʋgɩ Kisi. Kisi ma lʋ Sooli. Sooli dɩ dɛɛn ma lʋ Zonatan, dɩ Malikisua, dɩ Abinadabɩ, dɩ Esi-Baalɩ. 34 Zonatan bu mʋ yɩ Meri-Baalɩ. Meri-Baalɩ dɩ ma lʋ Mika.

35 Mika biə bam maa yɩ:

Pitɔn, dɩ Melɛkɩ, dɩ Tarea, dɩ Ahazɩ.

36 Ahazɩ dɛɛn mʋ lʋgɩ Yehoada. Yehoada dɩ ma lʋ Alemɛtɩ, dɩ Azɩmavɛtɩ, dɩ Zimiri. Zimiri ma lʋ Moza. 37 Moza ma lʋ Binea. Binea bu maa yɩ Rafa. Rafa bu maa yɩ Eleyasa. Eleyasa bu maa yɩ Atɩsalɩ.

38 Atɩsalɩ dɛɛn jɩgɩ biə bardʋ mʋ. Ba yɩra mʋ yɩ:

Azerikam, dɩ Bokeru, dɩ Ismayɛlɩ, dɩ Seariya, dɩ Abdɩasɩ, dɩ Hanan.

39 Atɩsalɩ nyaanɩ Ɛsɛkɩ dɩ dɛɛn maa jɩgɩ biə batɔ yɩ bantʋ mʋ yɩ o bu-kwɩan Yulam, dɩ Yewuki, dɩ Elifelɛtɩ. 40 Yulam biə bam dɛɛn yɩ nɔn-babɛ mʋ jara wʋnɩ. Ba maa ye cɩna tam lanyɩranɩ. Yulam biə bam dɩ o naarʋ tɩm maama daga zanzan. Ba dɛɛn yi nɔɔna bi dɩ fiinnu (150) mʋ.

Bantʋ maama nan yɩ Bɛnzamɛn dwi dɩm mʋ kʋntʋ.