Yisakaarɩ dwi dɩm
7
Yisakaarɩ biə bana bam mʋ tɩntʋ:Tola, dɩ Pua, dɩ Yɔbɩ, dɩ Simirɔnɩ.
2 Tola biə bam maa yɩ:
Utsi, dɩ Refaya, dɩ Yeriɛlɩ, dɩ Yamayi, dɩ Yibisam, dɩ Sanwɛlɩ.
Nɔɔna bam kʋntʋ maama dɛɛn yɩ ba sɔ-yuni tɩm nakwa mʋ. Maŋa kalʋ Davidi na tu o di paarɩ tɩn, Tola dwi tiini balʋ na yi jara-kǝm yɩ ba yɩra pʋpʋnɩ ya tiŋi tɩn dɛɛn yɩ baara mʋrrʋ fiinle-tɩle dɩ biə-yardʋ (22,600) mʋ.
3 Utsi bu dɛɛn yɩ Izraya mʋ. Izraya biə bam mʋ tɩntʋ:
Misɛɛlɩ, dɩ Abdɩasɩ, dɩ Zowɛlɩ, dɩ Yisiya.
Banu bam kʋntʋ maama dɛɛn yɩ nakwa mʋ. 4 Ba dwi dɩm nɔɔna balʋ na yi jara-kǝm yɩ ba yɩra pʋpʋnɩ ya tiŋi tɩn maa yɩ baara mʋrrʋ fiintɔ-tɩrdʋ (36,000) mʋ, ba kaana dɩ ba biə bam na puli zanzan tɩn ŋwaanɩ.
5 Yisakaarɩ sɔ-yuni tɩm maama nɔɔna balʋ na yi jara-kǝm yɩ ba yɩra pʋpʋnɩ ya tiŋi tɩn maama na kɩ daanɩ, ba dɛɛn yɩ baara mʋrrʋ funɔnɔ-tɩrpɛ (87,000) mʋ.
Bɛnzamɛn dwi dɩm
6 Bɛnzamɛn biə batɔ bam mʋ tɩntʋ:
Bela, dɩ Bekɛrɩ, dɩ Yediayɛlɩ.
7 Bela biə banu bam maa yɩ:
Ezibon, dɩ Utsi, dɩ Uziyɛlɩ, dɩ Yerimoti, dɩ Yiri.
Ba maama dɛɛn yɩ ba sɔ-yuni tɩm nakwa mʋ. Ba dwi dɩm nɔɔna balʋ na yi najara kǝm tɩn maa yɩ baara mʋrrʋ fiinle-tɩle dɩ fiintɔ-bana (22,034) mʋ.
8 Bekɛrɩ biə bam maa yɩ:
Zemira, dɩ Zoasɩ, dɩ Eliezɛrɩ, dɩ Eliu-Enayi, dɩ Omiri, dɩ Zeremɔtɩ, dɩ Abɩa, dɩ Anatɔtɩ, dɩ Alemɛtɩ.
9 Bekɛrɩ dwi dɩm wʋnɩ, ba sɔ-yuni tɩm nakwa dɩdaanɩ baara mʋrrʋ fiinle dɩ biə-yale (20,200) na yi najara kǝm tɩn yɩra dɛɛn mʋ pʋpʋnɩ ya tiŋi tɔnɔ nɩ.
10 Yediayɛlɩ bu mʋ yɩ Bilihan. Bilihan biə bam maa yɩ:
Yewuki, dɩ Bɛnzamɛn, dɩ Ewudi, dɩ Kenaana, dɩ Zetan, dɩ Tarsisi, dɩ Ayisaharɩ.
11 Yediayɛlɩ biə bantʋ maama dɛɛn yɩ ba sɔ-yuni tɩm nakwa mʋ. Ba dwi dɩm nɔɔna balʋ na yi najara kǝm tɩn maa yɩ baara mʋrrʋ fugə-tɩrpɛ dɩ biə-yale (17, 200).
12 Supim tiinə bam dɩ Hupim tiinə bam dɛɛn nuŋi Iri dwi dɩm wʋnɩ mʋ.
Husim tiinə bam dɩ dɛɛn nuŋi Ayiram dwi dɩm wʋnɩ.
Nɛfitali dwi dɩm
13 Nɛfitali biə bam mʋ tɩntʋ:
Yahazeli, dɩ Guni, dɩ Jezera, dɩ Salum. Bantʋ maama dɛɛn yɩ Bila mʋ lʋgɩ-ba.
Manasɩ dwi dɩm
14 Manasɩ dwi dɩm mʋ tɩntʋ:
O ka-biə kalʋ na nuŋi Aram tɩn mʋ lʋgɩ Asireli o pa‑o. O daa ta ma lʋ Makira wʋlʋ bu na yɩ Galadɩ tɩn. 15 Makira dɛɛn ma di kaanɩ na yɩ Hupim dɩ Supim tiinə bam bukɔ. O ta maa jɩgɩ nakɔ, o yɩrɩ mʋ Maaka. Makira bu wʋlʋ na saŋɩ tɩn yɩrɩ maa yɩ Zelofadɩ yɩ wʋntʋ dɛɛn lʋgɩ bukwa yɩranɩ mʋ.
16 Makira kaanɩ Maaka dɛɛn ma lʋ bəkərə o pa o yɩrɩ nɩ Perɛsɩ. Wʋntʋ nyaanɩ yɩrɩ maa yɩ Serɛsɩ. Perɛsɩ ma lʋ bəkəri sɩle, ba yɩra mʋ Yulam dɩ Rekem. 17 Yulam dɩ ma lʋ Bedan.
Bantʋ dɛɛn yɩ Makira bu Galadɩ biə mʋ. Makira dɩ dɛɛn maa yɩ Manasɩ bu.
18 Galadɩ nakɔ Hamolekɛtɩ ma lʋ Yisodi, dɩ Abizeri, dɩ Maala.
19 Semida dɩ ma lʋ Ayian, dɩ Sishɛm, dɩ Liki, dɩ Aniam.
Efrayim dwi dɩm
20 Efrayim dwi dɩm na yɩ te tɩn mʋ tɩntʋ:
Sutela, dɩ o bu Beredɩ, dɩ wʋntʋ bu Tahatɩ, dɩ wʋntʋ bu Eleada, dɩ wʋntʋ bu Tahatɩ, 21 dɩ wʋntʋ bu Zabadɩ, dɩ wʋntʋ bu Sutela.
Efrayim biə Etisɛrɩ dɩ Eleadɩ dɛɛn ve sɩ ba ŋɔ Gatɩ tiinə bam vara mʋ yɩ nɔɔna balʋ na zʋʋrɩ je sɩm kʋntʋ nɩ tɩn gʋ-ba. 22 Ba ko Efrayim ma kwe da kɔgɔ o keeri ba luə. O cʋrrʋ ma zaŋɩ ba vu sɩ ba kɩ o le. 23 Efrayim daa ma pəni dɩ o kaanɩ yɩ o ja pugə o lʋ bəkərə. O ma pa o yɩrɩ nɩ Beriaa, bɛŋwaanɩ ba lʋg-o maŋa kalʋ cam na yi o sɔŋɔ kʋm tɩn mʋ. 24 Efrayim dɛɛn jɩgɩ bukɔ, o yɩrɩ mʋ Seerə. Bukɔ wʋm kʋntʋ dɛɛn mʋ lɔgɩ Bɛte-Horon baŋa seeni dɩ kuri seeni je sɩm maama. Wʋntʋ ta mʋ lɔgɩ Yuzen-Sera je sɩm dɩ.
25 Efrayim dwi dɩm ta maa yɩ Refa, dɩ o bu Resɛfɩ, dɩ wʋntʋ bu Tela, dɩ wʋntʋ bu Tahan, 26 dɩ wʋntʋ bu Ladan, dɩ wʋntʋ bu Amiwudi, dɩ wʋntʋ bu Elisama, 27 dɩ wʋntʋ bu Nun, dɩ wʋntʋ bu Zozwe.
28 Ba dɛɛn na zʋʋrɩ tɩga kalʋ baŋa nɩ tɩn zɩgɩ Betɛlɩ dɩ kʋ nawuurə yam nɩ, sɩ kʋ yi Naaran je sɩm na wʋ wa-puli seeni tɩn. Kʋ ta na yɩ wa-zʋʋrɩ seeni, ba tɩga kam tʋlɩ kʋntʋ mʋ kʋ yi Gezɛrɩ dɩ kʋ nawuurə yam maama. Kʋ ta ma zɩgɩ Sishɛm dɩ kʋ nawuurə yam nɩ kʋ tʋlɩ kʋ yi Aya dɩ kʋ nawuurə yam. 29 Tɩɩnɩ dɩlʋ na wʋ Manasɩ laŋa kam sisəm dɩm nɩ tɩn maa yɩ Bɛtɩ-San, dɩ Taanakɩ, dɩ Megido, dɩ Dora, kʋ wǝli dɩ dɩ nawuurə yam maama. Tɩɩnɩ dɩm kʋntʋ wʋnɩ mʋ Yisɩrayɛlɩ bu Zʋzɛfʋ dwi dɩm dɛɛn zʋʋra.
Asɛɛrɩ dwi dɩm
30 Asɛɛrɩ biə bam mʋ tɩntʋ:
Imina, dɩ Isiva, dɩ Isivi, dɩ Beria. Bantʋ nakɔ yɩrɩ mʋ Sera.
31 Beria biə bam maa yɩ:
Hebɛrɩ, dɩ Malkiɛlɩ. Malkiɛlɩ bu maa yɩ Berezati.
32 Hebɛrɩ dɛɛn lʋgɩ Yafelɩte, dɩ Somerɩ, dɩ Hotam mʋ. O ta ma lʋ bɩsankana, o yɩrɩ mʋ Sua.
33 Yafelɩte biə maa yɩ Pasakɩ, dɩ Bimalɩ, dɩ Asevatɩ.
34 Somerɩ biə maa yɩ Ahi, dɩ Roga, dɩ Huba, dɩ Aram.
35 Yafelɩte nyaanɩ Hotam dɩ biə maa yɩ Zofa, dɩ Imina, dɩ Selesi, dɩ Amalɩ.
36 Zofa biə bam mʋ yɩ Sua, dɩ Haneferɩ, dɩ Suwalɩ, dɩ Beri, dɩ Yimira, 37 dɩ Bezerɩ, dɩ Hodi, dɩ Shama, dɩ Silisa, dɩ Yitran, dɩ Beerǝ.
38 Yetɛrɩ biə bam maa yɩ Yefune, dɩ Pisipa, dɩ Ara.
39 Yulla biə bam dɩ maa yɩ Ara, dɩ Haniyɛlɩ, dɩ Rizia.
40 Nɔɔna bantʋ maama dɛɛn yɩ Asɛɛrɩ dwi dɩm mʋ. Ba maa yɩ ba sɔ-yuni tɩm nakwa. Ba dɛɛn yɩ nɔn-babɛ na ye najara kǝm lanyɩranɩ tɩn, yɩ ba tiini ba jɩgɩ yɩrɩ. Asɛɛrɩ dwi dɩm nɔɔna balʋ na yi najara kǝm tɩn dɛɛn yɩ baara mʋrrʋ fiinle-tɩrdʋ (26,000) mʋ.