Levi dwi dɩm
6
Levi biə bam mʋ tɩntʋ:Gɛrsɔnɩ, dɩ Keyatɩ, dɩ Merari.
2 Keyatɩ biə bam mʋ tɩntʋ:
Amiram, dɩ Yiseyarɩ, dɩ Ebrɔn, dɩ Uziyɛlɩ.
3 Amiram biə bam dɛɛn mʋ yɩ:
Arɔn, dɩ Moyisi, dɩ Miriyam.
Arɔn dɩ biə bam mʋ tɩntʋ:
Nadabɩ, dɩ Abiyu, dɩ Eleyazaarɩ, dɩ Itamarɩ.
4 Eleyazaarɩ dɛɛn mʋ lʋgɩ Fineasɩ. Fineasɩ ma lʋ Abisua. 5 Abisua dɩ ma lʋ Buki, yɩ Buki lʋ Utsi. 6 Utsi dɛɛn ma lʋ Zerasia. Zerasia dɩ ma lʋ Merayɔtɩ. 7 Merayɔtɩ ma lʋ Amari, yɩ Amari lʋ Asituba. 8 Asituba dɛɛn ma lʋ Sadoki, yɩ Sadoki dɩ lʋ Ahimaazi. 9 Ahimaazi ma lʋ Azarɩa. Azarɩa dɩ ma lʋ Yohanan. 10 Yohanan dɛɛn ma lʋ Azarɩa wʋlʋ na yɩ Wɛ kaanɩm tu yɩ o tʋŋɩ Wɛ-digə kalʋ Solɔmɔn na lɔgɩ Zeruzalɛm nɩ tɩn tɩtʋŋa. 11 Azarɩa ma lʋ Amari. Amari ma lʋ Asituba. 12 Asituba dɩ dɛɛn ma lʋ Sadoki, yɩ Sadoki lʋ Salum. 13 Salum ma lʋ Hilkiya. Hilkiya dɩ ma lʋ Azarɩa. 14 Azarɩa ma lʋ Seraya. Seraya ma lʋ Yosadakɩ. 15 Maŋa kalʋ Baŋa-Wɛ dɛɛn na pɛ Pɛ Nebukadnɛtsarɩ ja Zuda tiinə bam dɩ Zeruzalɛm tiinə bam o ja o viiri tɩn mʋ o jaanɩ Yosadakɩ o wǝli da.
16 Levi biə bam mʋ tɩntʋ:a
Gɛrsɔnɩ, dɩ Keyatɩ, dɩ Merari.
17 Gɛrsɔnɩ biə bam yɩra mʋ tɩntʋ:
Libini dɩdaanɩ Simeyi.
18 Keyatɩ biə bam mʋ tɩntʋ:
Amiram, dɩ Yiseyarɩ, dɩ Ebrɔn, dɩ Uziyɛlɩ.
19 Merari biə bam mʋ tɩntʋ:
Masili dɩ Musi.
Levi sɔ-yuni tɩm nabaara bam mʋ tɩntʋ.
20 Gɛrsɔnɩ dwi dɩm na yɩ te tɩn mʋ tɩntʋ:
Libini, dɩ o bu Yahatɩ, dɩ wʋntʋ bu Zima, 21 dɩ wʋntʋ bu Yoa, dɩ wʋntʋ bu Ido, dɩ wʋntʋ bu Zara, dɩ wʋntʋ bu Yɩterayi.
22 Keyatɩ dwi dɩm mʋ tɩntʋ:
Amɩnadabɩ, dɩ o bu Kʋra, dɩ wʋntʋ bu Asiri, 23 dɩ wʋntʋ bu Elikana, dɩ wʋntʋ bu Ebiazafɩ, dɩ wʋntʋ bu Asiri 24 dɩ wʋntʋ bu Tahatɩ, dɩ wʋntʋ bu Yureli, dɩ wʋntʋ bu Yozɩasɩ, dɩ wʋntʋ bu Sawuli.
25 Elikana dwi dɩm mʋ tɩntʋ:
Amasayi, dɩ Ayimoti, 26 dɩ wʋntʋ bu Elikana, dɩ wʋntʋ bu Zofayi, dɩ wʋntʋ bu Nahatɩ, 27 dɩ wʋntʋ bu Eliabɩ, dɩ wʋntʋ bu Zeroham, dɩ wʋntʋ bu Elikana, [dɩ wʋntʋ dɩ bu Samowɛlɩ].
28 Samowɛlɩ biə bam mʋ tɩntʋ:
O bu-kwɩan Zowɛlɩ, dɩ wʋntʋ nyaanɩ Abɩa.
29 Merari dwi dɩm mʋ tɩntʋ:
Masili, dɩ wʋntʋ bu Libini, dɩ wʋntʋ dɩ bu Simeyi, dɩ wʋntʋ bu Yuza, 30 dɩ wʋntʋ bu Simeya, dɩ wʋntʋ bu Hagiya, dɩdaanɩ wʋntʋ bu Asaya.
Wɛ-digə lən-leenə bam
31 Ba dɛɛn na jaanɩ Baŋa-Wɛ ni-gonim daka kam ba ja ba zʋ ba zɩgɩ DƖ wara je sɩm nɩ tɩn, nɔɔna balʋ Davidi na kuri sɩ ba taa nii lən-leenə tɩtʋŋa yam baŋa nɩ tɩn mʋ tɩntʋ.b 32 Bantʋ dɛɛn mʋ leeni le ba zuli Wɛ DƖ Wɛ jero-vwe dɩm nɩ yɩ Solɔmɔn laan ba o lɔ Baŋa-Wɛ digə kam Zeruzalɛm nɩ tɩn. Ba dɛɛn tʋŋɩ ba tɔgɩ cullu tɩlʋ maama ba na tiŋi ba pa-ba tɩn mʋ. 33 Lən-leenə bam dɩ ba biə bam yɩra mʋ tɩntʋ:
Balʋ na nuŋi Keyatɩ dwi dɩm wʋnɩ tɩn mʋ tɩntʋ:
Lən-leenu Hemanɩ.c
Wʋntʋ dɛɛn yɩ Zowɛlɩ bu. Zowɛlɩ maa yɩ Samowɛlɩ bu. 34 Samowɛlɩ maa yɩ Elikana bu. Elikana maa yɩ Zeroham bu. Zeroham maa yɩ Eliɛlɩ bu. Eliɛlɩ maa yɩ Tʋa bu. 35 Tʋa maa yɩ Zufa bu. Zufa maa yɩ Elikana bu. Elikana maa yɩ Mahatɩ bu. Mahatɩ maa yɩ Amasayi bu. 36 Amasayi maa yɩ Elikana bu. Elikana maa yɩ Zowɛlɩ bu. Zowɛlɩ maa yɩ Azarɩa bu. Azarɩa maa yɩ Sofoni bu. 37 Sofoni maa yɩ Tahatɩ bu. Tahatɩ maa yɩ Asiri bu. Asiri maa yɩ Ebiazafɩ bu. Ebiazafɩ maa yɩ Kʋra bu. 38 Kʋra maa yɩ Yiseyarɩ bu. Yiseyarɩ maa yɩ Keyatɩ bu. Keyatɩ maa yɩ Levi bu. Levi maa yɩ Yisɩrayɛlɩ bu.
39 Gɛrsɔnɩ dwi tu Azafɩ dɛɛn yɩ Hemanɩ kwaga saŋɩnʋ wʋm mʋ.d
Azafɩ yɩ Berekiya bu mʋ. Berekiya dɩ maa yɩ Simeya bu. 40 Simeya maa yɩ Misɛɛlɩ bu. Misɛɛlɩ maa yɩ Baaseya bu. Baaseya maa yɩ Malkiya bu. 41 Malkiya maa yɩ Etini bu. Etini maa yɩ Zara bu. Zara maa yɩ Adaya bu. 42 Adaya maa yɩ Etan bu. Etan maa yɩ Zima bu. Zima maa yɩ Simeyi bu. 43 Simeyi maa yɩ Yahatɩ bu. Yahatɩ maa yɩ Gɛrsɔnɩ bu. Gɛrsɔnɩ maa yɩ Levi bu.
44 Merari dwi tu Etan dɩ dɛɛn saŋɩ Azafɩ kwaga nɩ o wǝli Hemanɩ.
Etan yɩ Kisi bu mʋ. Kisi maa yɩ Abidi bu. Abidi maa yɩ Maluki bu. 45 Maluki maa yɩ Hasabia bu. Hasabia maa yɩ Amasia bu. Amasia maa yɩ Hilkiya bu. 46 Hilkiya maa yɩ Amezi bu. Amezi maa yɩ Bani bu. Bani maa yɩ Semɛrɩ bu. 47 Semɛrɩ maa yɩ Masili bu. Masili maa yɩ Musi bu. Musi maa yɩ Merari bu. Merari maa yɩ Levi bu.
48 Levi dwi tiinə badonnǝ bam dɛɛn maa te tɩtʋŋa yalʋ na daarɩ Wɛ jero-vwe dɩm nɩ tɩn. 49 Kʋ nan yɩ Arɔn dɩ o dwi dɩm dɛɛn mʋ tʋŋɩ Wɛ kaanɩm tɩtʋŋa yam. Bantʋ yǝni ba kwe pɛɛra ba ma ba kaanɩ Wɛ zwɛɛm kaanɩm bimbim dɩm baŋa nɩ, yɩ ba daarɩ ba zwɛ wǝǝnu tɩlʋ lwǝm na ywǝmmǝ tɩn bimbim dɩm baŋa nɩ. Ba ta kɩ cullu tɩlʋ maama na maŋɩ sɩ ba kɩ Wɛ-di-laa cɩga cɩga kam wʋnɩ tɩn sɩ ba saarɩ Yisɩrayɛlɩ tiinə bam lwarɩm tɩn. Kʋntʋ tɩn, ba dɛɛn tʋŋɩ ba tɔgɩ Wɛ tɩntʋŋnʋ Moyisi na pɛ ni sɩ ba taa kɩ te maama tɩn mʋ.
50 Arɔn dwi dɩm na yɩ te tɩn mʋ tɩntʋ:
Eleyazaarɩ, dɩ wʋntʋ bu Fineasɩ, dɩ wʋntʋ bu Abisua, 51 dɩ wʋntʋ bu Buki, dɩ wʋntʋ bu Utsi, dɩ wʋntʋ bu Zerasia, 52 dɩ wʋntʋ bu Merayɔtɩ, dɩ wʋntʋ bu Amari, dɩ wʋntʋ bu Asituba, 53 dɩ wʋntʋ bu Sadoki, dɩ wʋntʋ bu Ahimaazi.
54 Arɔn dwi dɩm dɛɛn nuŋi Levi bu Keyatɩ sɔ-yuu kʋm nɩ mʋ. Ba na tagɩ jɔrɔ sɩ ba pɔɔrɩ tɩga kam ba pa Levi dwi tiinə tɩn, bantʋ mʋ di yigə. Tɩga kalʋ ba na joŋi sɩ ba taa zʋʋrɩ da tɩn mʋ tɩntʋ:e
55 Ba dɛɛn pɛ-ba Zuda tɩʋ Ebrɔn dɩ pwəli sɩlʋ na na gilimi da tɩn mʋ. 56 Kʋ nan na yɩ tɩʋ kʋm karɩ sɩm dɩ kʋ nawuurə yam, ba kwe tɩntʋ ba pa Yefune bu Kalɛbɩ mʋ. 57 Ebrɔn dɛɛn yɩ tɩʋ kʋlʋ ba na tiŋi ka-duri-ka-zʋ-ka-səgi ŋwaanɩ tɩn mʋ. Ba dɛɛn kwe tɩɩnɩ dɩntʋ dɩ pwəli sɩlʋ na gilimi-dɩ tɩn ba pa Arɔn dwi dɩm mʋ sɩ ba taa te:
Ebrɔn, dɩ Libina, dɩ Yatira, dɩ Esɩtemoa, 58 dɩ Hilen, dɩ Debiri, 59 dɩ Asan, [dɩ Yuta], kʋ wǝli dɩ Bɛtɩ-Sɩmesa. 60 Ba ta ma kwe tɩɩnɩ dɩntʋ na wʋ Bɛnzamɛn dwi dɩm laŋa nɩ tɩn dɩdaanɩ poli sɩlʋ na gilimi-dɩ tɩn ba pa-ba: [Gabawɔn], dɩ Geba, dɩ Alemɛtɩ, dɩ Anatɔtɩ. Tɩɩnɩ dɩm maama dɛɛn yɩ tɩɩnɩ fugə-dɩtɔ mʋ ba kwe ba pa Arɔn dwi dɩm.
61 Kʋ na yɩ Keyatɩ dwi tiinə balʋ maa na daarɩ tɩn, ba dɛɛn kwe tɩɩnɩ fugə na wʋ Manasɩ dwi cicoro kʋm laŋa nɩ tɩn mʋ ba pa-ba.
62 Kʋ ta na yɩ Gɛrsɔnɩ dwi dɩm sɔ-yuu maama, ba dɛɛn kwe tɩɩnɩ fugə-dɩtɔ mʋ na wʋ Yisakaarɩ dwi dɩm laŋa nɩ, dɩ Asɛɛrɩ dwi dɩm laŋa nɩ, dɩ Nɛfitali dwi dɩm laŋa nɩ, kʋ wǝli dɩ Basan je sɩm na wʋ Manasɩ dwi dɩm laŋa nɩ tɩn mʋ ba pa-ba.
63 Merari dwi dɩm sɔ-yuu maama dɩ ma joŋi tɩɩnɩ fugə-dɩle na wʋ Ruban dwi dɩm laŋa nɩ, dɩ Gadɩ dwi dɩm laŋa nɩ, dɩ Zabulɔn dwi dɩm laŋa nɩ tɩn.
64 Yisɩrayɛlɩ tiinə bam dɛɛn kɩ kʋntʋ mʋ ba kwe tɩɩnɩ dɩm kʋntʋ kʋ wǝli dɩ pwəli sɩlʋ na gilimi-dɩ tɩn ba pa Levi dwi tiinə bam sɩ ba taa zʋʋrɩ dɩ wʋnɩ. 65 Kʋ ta na yɩ tɩɩnɩ dɩlʋ na wʋ Zuda dwi dɩm laŋa nɩ, dɩ Simeyon dwi dɩm laŋa nɩ, dɩ Bɛnzamɛn dwi dɩm laŋa nɩ, yɩ dɩ yɩra maŋɩ ya pʋpʋnɩ tɩn, ba dɛɛn tagɩ jɔrɔ mʋ ba kuri dɩntʋ ba wǝli da.
66 Keyatɩ dwi dɩm sɔ-yuni tɩdonnǝ dɩ dɛɛn ma joŋi tɩɩnɩ dɩlʋ na wʋ Efrayim dwi dɩm laŋa kam nɩ tɩn. 67 Efrayim pweeru laŋa kam nɩ ba kwe Sishɛm dɩ poli sɩlʋ na gilimi-kʋ tɩn mʋ ba pa-ba. Tɩʋ kʋm kʋntʋ ba dɛɛn tiŋi ka-duri-ka-zʋ-ka-səgi ŋwaanɩ mʋ. Ba ta ma kwe Gezɛrɩ, 68 dɩ Yokimeyam, dɩ Bɛte-Horon, 69 dɩ Ayalɔn, dɩ Gatɩ-Rimɔn ba wǝli da. 70 Keyatɩ dwi sɔ-yuni tɩlʋ na daarɩ tɩn, ba ma kwe tɩɩnɩ dɩntʋ na wʋ Manasɩ dwi cicoro kʋm laŋa nɩ tɩn ba pa-ba: Anɛrɩ, dɩ Bileyam dɩdaanɩ dɩ pwəli sɩm maama.
71 Gɛrsɔnɩ dwi tiinə bam dɛɛn joŋi tɩɩnɩ dɩntʋ mʋ sɩ ba taa zʋʋrɩ dɩ wʋnɩ.
Manasɩ dwi dɩm laŋa nɩ mʋ ba kwe tɩɩnɩ dɩntʋ ba pa-ba:
Golan na wʋ Basan nɩ tɩn, kʋ wǝli dɩ Asetaro, dɩ sɩ pwəli sɩm maama.
72 Kʋ na yɩ Yisakaarɩ dwi dɩm laŋa nɩ, ba joŋi tɩɩnɩ dɩntʋ mʋ:
74 Kʋ maa na yɩ Asɛɛrɩ dwi dɩm laŋa nɩ, ba joŋi tɩɩnɩ dɩntʋ mʋ:
76 Nɛfitali dwi dɩm laŋa nɩ mʋ ba joŋi tɩɩnɩ dɩntʋ:
Kedɛsɩ na wʋ Galile nɩ tɩn, dɩ Hamon, dɩ Kiryatayim dɩ dɩ pwəli sɩm.
77 Kʋ na yɩ Levi dwi tiinə balʋ na daarɩ tɩn, Merari dwi dɩm dɛɛn joŋi tɩɩnɩ dɩntʋ mʋ sɩ ba taa zʋʋrɩ dɩ wʋnɩ.
Zabulɔn dwi dɩm laŋa nɩ mʋ ba joŋi tɩɩnɩ dɩntʋ:
[Yokenɩam, dɩ Karata,] dɩ Rimɔn, dɩ Tabɔɔrɩ, dɩ dɩ pwəli sɩm maama.
78 Kʋ maa na yɩ Ruban dwi dɩm laŋa kam na zɩgɩ Zʋrdɛn bugə kam wa-puli seeni yɩ ka jeeri Zeriko tɩʋ tɩn, ba dɛɛn joŋi tɩɩnɩ dɩntʋ mʋ laŋa kam kʋntʋ nɩ:
80 Kʋ maa na yɩ Gadɩ dwi dɩm dɩ laŋa kam nɩ, ba joŋi tɩɩnɩ dɩntʋ mʋ: