1Kɩbarɩ tɔnɔ 3

Pɛ Davidi dwi dɩm

Davidi bu-baara balʋ o na lʋgɩ Ebrɔn nɩ tɩn mʋ tɩntʋ:

Zizreyɛlɩ tu Ahinoam dɛɛn mʋ lʋgɩ o bu-kwɩan Aminɔnɩ. Karmɛlɩ tu Abigayɛlɩ ma lʋ bu wʋlʋ na saŋɩ tɩn. Wʋntʋ yɩrɩ maa yɩ Daniyɛlɩ. 2 Batɔ tu wʋm yɩrɩ mʋ Absalɔn. O nu dɛɛn yɩ Gesuri tɩʋ pɛ Taliməyi bukɔ Maaka mʋ. Bana tu wʋm maa yɩ Adoniya, o nu na yɩ Hagiti. 3 Banu tu wʋm maa yɩ Sefatɩa, o nu na yɩ Abitali. Bardʋ tu wʋm dɩ dɛɛn yɩ Yitrɩyam, yɩ Davidi kaanɩ Egɩla mʋ lʋg-o.

4 Kʋntʋ tɩn ba lʋgɩ bu-baara bardʋ mʋ ba pa Davidi Ebrɔn nɩ. Davidi dɛɛn kɩ bɩna yarpɛ dɩ canɩ sɩrdʋ mʋ o di paarɩ Ebrɔn nɩ. O laan ma di paarɩ bɩna fiintɔ-yatɔ Zeruzalɛm nɩ o wǝli da.

5 Biə balʋ Davidi na lʋgɩ Zeruzalɛm nɩ tɩn yɩra mʋ tɩntʋ:

Simeya, dɩ Sobabɩ, dɩ Natan, dɩ Solɔmɔn. O kaanɩ Bat-Seba na yɩ Amiyɛlɩ bukɔ tɩn mʋ lʋgɩ biə bana bam kʋntʋ o pa‑o.

6 Davidi ta ma lʋ biə-nʋgʋ o wǝli da. Ba yɩra mʋ tɩntʋ:

Yɩbarɩ, dɩ Elisama, dɩ Elifelɛtɩ, 7 dɩ Noga, dɩ Nefɛgɩ, dɩ Yafɩa, 8 dɩ Elisama, dɩ Ɛlyada, dɩ Elifelɛtɩ.

9 Bantʋ maama dɛɛn yɩ Davidi biə, kʋ ta wǝli dɩ biə balʋ o ka-bi sɩm na lʋgɩ ba pa‑o tɩn. Ba dɛɛn maa jɩgɩ ba nakɔ, o yɩrɩ na yɩ Tamaarɩ.

10 Solɔmɔn dwi dɩm na yɩ te tɩn mʋ tɩntʋ:

Robʋam, dɩ o bu Abɩa, dɩ wʋntʋ dɩ bu Asa, dɩ wʋntʋ bu Zʋzafatɩ, 11 dɩ wʋntʋ bu Yoram, dɩ wʋntʋ bu Ahazɩa, dɩ wʋntʋ bu Zoasɩ, 12 dɩ wʋntʋ bu Amasia, dɩ wʋntʋ bu Azarɩa, dɩ wʋntʋ bu Zʋatam, 13 dɩ wʋntʋ bu Ahazɩ, dɩ wʋntʋ bu Ezekɩasɩ, dɩ wʋntʋ bu Manasɩ, 14 dɩ wʋntʋ bu Amɔn, dɩ wʋntʋ bu Zʋzɩasɩ.

15 Zʋzɩasɩ na lʋgɩ biə balʋ tɩn mʋ tɩntʋ:

Yohanan dɛɛn yɩ o bu-kwɩan kam. Bale tu wʋm maa yɩ Yeoyakim. Batɔ tu wʋm maa yɩ Sedesɩasɩ. Bana tu wʋm dɩ maa yɩ Salum. 16 Yeoyakim biə dɛɛn yɩ Yehoyakini dɩ Sedesɩasɩ.

17 Ba dɛɛn jaanɩ Yehoyakini ba vu Babilɔnɩ. Wʋntʋ biə bam mʋ tɩntʋ:

Salatɩyɛlɩ, 18 dɩ Malikiram, dɩ Pedaya, dɩ Senasarɩ, dɩ Yekamia, dɩ Hosama, dɩ Nedabɩa.

19 Pedaya dɩ biə mʋ tɩntʋ:

Zorobabɛlɩ, dɩ Simeyi. Zorobabɛlɩ biə maa yɩ Mesulam, dɩ Hanania. Bantʋ nakɔ yɩrɩ mʋ Selomiti. 20 Zorobabɛlɩ daa ta lʋgɩ biə banu o wǝli da. Bantʋ maa yɩ Hasuba, dɩ Oheli, dɩ Berekiya, dɩ Hasadɩa, dɩ Yusabi-Hesedi.

21 Hanania dwi dɩm mʋ tɩntʋ:

Pelatɩa, dɩ Ezayi, dɩ Ezayi bu Refaya, dɩ wʋntʋ dɩ bu Aranan, dɩ wʋntʋ bu Abdɩasɩ, dɩ wʋntʋ bu Sekanɩa. 22 Sekanɩa bu maa yɩ Semaya. Semaya dɩ dɛɛn lʋgɩ biə bardʋ. Bantʋ yɩ Atusi, dɩ Igalɩ, dɩ Bari, dɩ Neari, dɩ Safatɩ. 23 Neari dɛɛn jɩgɩ biə batɔ. Bantʋ yɩ Eliu-Enayi, dɩ Ezekɩasɩ, dɩ Azerikam. 24 Eliu-Enayi dɩ dɛɛn lʋgɩ biə barpɛ. Bantʋ maa yɩ Hodavia, dɩ Eliyasibi, dɩ Pelaya, dɩ Akuba, dɩ Yohanan, dɩ Delaya, dɩ Anani.