Pɛ Davidi nabaara taanɩ
2
Yisɩrayɛlɩ dɛɛn na lʋgɩ bu-baara balʋ tɩn mʋ tɩntʋ:aRuban, dɩ Simeyon, dɩ Levi, dɩ Zuda, dɩ Yisakaarɩ, dɩ Zabulɔn, 2 dɩ Dan, dɩ Zʋzɛfʋ, dɩ Bɛnzamɛn, dɩ Nɛfitali, dɩ Gadɩ, dɩdaanɩ Asɛɛrɩ.
3 Zuda na lʋgɩ bu-baara balʋ tɩn mʋ tɩntʋ:
Ɛrɩ, dɩ Onanɩ, dɩ Siloe. O lʋgʋ bakǝri sɩntʋ sɩtɔ dɩdaanɩ Kanan tu Sʋa bukɔ wʋm mʋ. Ɛrɩ maa yɩ Zuda bu-kwɩan kam. O nan tiini o kɩ lwarɩm o cɔgɩ Baŋa-Wɛ yigə mʋ pa Wɛ gʋ-o. 4 Zuda bu-kaanɩ Tamaarɩ dɩ ma lʋ Farɛsɩ dɩ Zara o pa‑o. Kʋntʋ tɩn, Zuda dɛɛn jɩgɩ bu-baara banu mʋ.b
5 Farɛsɩ bu-baara bam mʋ tɩntʋ:
Esrɔm dɩ Hamuli.
6 Zara bu-baara bam mʋ tɩntʋ:
Zimiri, dɩ Etan, dɩ Hemanɩ, dɩ Kalɩkʋle, dɩdaanɩ Dara. Ba maama yɩ bəkəri sɩnu. 7 Karmɩ dɛɛn lʋgɩ Akanɩ. Wʋntʋ pɛ lɛɛrʋ zanzan yi Yisɩrayɛlɩ tiinə bam, dɩ o na vrɩ wǝǝnu tɩlʋ na yɩ Wɛ nyɩm tɩn o ma cɔgɩ cullu tɩm. 8 Etan dɛɛn ma lʋ Azarɩa.
9 Esrɔm na lʋgɩ bu-baara balʋ tɩn mʋ tɩntʋ:
Yerameliti, dɩ Ram, dɩ Kelubayi. 10 Ram ma lʋ Amɩnadabɩ. Amɩnadabɩ dɩ ma lʋ Naasɔn. Wʋntʋ dɛɛn yɩ Zuda dwi tiinə bam dɩdɛɛrʋ mʋ. 11 Naasɔn ma lʋ Salɩmɔn.c Salɩmɔn ma lʋ Bʋazɩ. 12 Bʋazɩ dɩ dɛɛn ma lʋ Obɛdɩ, yɩ Obɛdɩ lʋ Zese.d
13 Bu-baara barpɛ balʋ Zese dɛɛn na lʋgɩ tɩn mʋ tɩntʋ:
Eliabɩ mʋ yɩ o bu-kwɩan kam. Balʋ na saŋɩ tɩn maa yɩ Abinadabɩ, dɩ Simeya, 14 dɩ Netaneli, dɩ Radayi, 15 dɩ Ozem, dɩ Davidi. 16 Zese dɛɛn lʋgɩ bukwa bale, ba yɩra na yɩ Zeruya, dɩ Abigayɛlɩ. Zeruya ma lʋ bəkəri sɩtɔ: Abisayi, dɩ Zoabɩ, dɩ Azayɛlɩ.e 17 Abigayɛlɩ dɩ ma lʋ Amasa. Amasa ko dɛɛn yɩ Ismayɛlɩ dwi tu Yetɛrɩ.f
18 Esrɔm bu Kalɛbɩ ma di Azuba o ma kɩ o kaanɩ. Wʋntʋ yɩrɩ dɩdoŋ maa yɩ Yeriyɔtɩ. Ba dɛɛn ma lʋ biə bantʋ:
Yesɛrɩ, dɩ Sobabɩ, dɩ Ardon. 19 Azuba na tɩgɩ tɩn, mʋ Kalɛbɩ di Efrata. Ba ma lʋ Huuri. 20 Huuri dɩ dɛɛn ma lʋ Yuri, yɩ Yuri lʋ Bezalɩlɩ.
21 Kʋ maama kwaga nɩ yɩ Esrɔm jɩgɩ bɩna fusɩrdʋ tɩn, o ma di Galadɩ ko Makira bukɔ. Ba ma lʋ Segubi. 22 Segubi dɩ ma lʋ Yayiri. Wʋntʋ dɛɛn te tɩɩnɩ fiinle-dɩtɔ Galadɩ laŋa kam nɩ mʋ. 23 Gesuri dɩ Aram dwi tiinə nan vrɩ Yayiri tɩɩnɩ dɩm o jɩŋa nɩ, kʋ wǝli dɩ Kenatɩ, dɩ tɩ-balwa fusɩrdʋ na bwələ da tɩn mʋ. Nɔɔna bam kʋntʋ maama dɛɛn yɩ Galadɩ ko Makira biə mʋ.
24 Esrɔm dɛɛn na tɩgɩ tɩn, o bu Kalɛbɩ ma di o kaanɩ Efrata. Wʋntʋ ma lʋ Asuuri o pa‑o. Asuuri dɛɛn mʋ puli Tekoa tɩʋ kuri.g
25 Esrɔm bu-kwɩan Yerameliti bu-baara bam mʋ tɩntʋ:
Ram yɩ o bu-kwɩan kam mʋ. Balʋ na saŋɩ tɩn maa yɩ Buna, dɩ Orɛnɩ, dɩ Ozem, dɩ Ahiya. 26 Yerameliti dɩ dɛɛn di kaanɩ wʋdoŋ, o yɩrɩ mʋ Atara. Wʋntʋ ma lʋ Onam o pa‑o.
27 Yerameliti bu-kwɩan Ram bu-baara bam mʋ tɩntʋ:
Maazi, dɩ Yamini, dɩ Ekɛrɩ. 28 Onam bu-baara dɩ dɛɛn maa yɩ Samayi, dɩ Yada. Samayi ma lʋ Nadabɩ, dɩ Abisuri. 29 Abisuri kaanɩ yɩrɩ mʋ Abihali. Wʋntʋ ma lʋ Aaban dɩ Molidi o pa‑o. 30 Nadabɩ biə dɛɛn yɩ Selɛdɩ dɩ Apayim. Selɛdɩ maa wʋ lʋgɩ biə. 31 Apayim dɛɛn lʋgɩ Yiseyi. Yiseyi dɩ ma lʋ Sesan, yɩ Sesan lʋ Alayi. 32 Samayi nyaanɩ Yada biə mʋ tɩntʋ: Yetɛrɩ, dɩ Zonatan. Yetɛrɩ maa wʋ lʋgɩ biə. 33 Zonatan dɛɛn lʋgɩ Peleti dɩ Zaza.
Nɔɔna bam kʋntʋ maama dɛɛn yɩ Yerameliti biə mʋ.
34 Sesan dɛɛn wʋ lʋgɩ bu-baara, sɩ bukwa yɩranɩ mʋ o lʋga. Sesan nan jɩgɩ gambaa wʋlʋ yɩrɩ na yɩ Yara yɩ o yɩ Ezipi tu. 35 Sesan ma kwe o bukɔ o pa Yara sɩ o di o ma kɩ o kaanɩ.
Wʋntʋ ma lʋ Atayi o pa‑o. 36 Atayi ma lʋ Natan, yɩ Natan lʋ Zabadɩ. 37 Zabadɩ dɩ dɛɛn ma lʋ Efalalɩ, yɩ Efalalɩ lʋ Obɛdɩ. 38 Obɛdɩ dɩ ma lʋ Zehu, yɩ Zehu lʋ Azarɩa. 39 Azarɩa ma lʋ Helezɩ, yɩ Helezɩ lʋ Eleyasa. 40 Eleyasa ma lʋ Sisimayi, yɩ Sisimayi lʋ Salum. 41 Salum dɛɛn ma lʋ Yekamia, yɩ Yekamia lʋ Elisama.
42 Yerameliti nyaanɩ Kalɛbɩ bu-baara bam mʋ tɩntʋ:
Mesa yɩ o bu-kwɩan mʋ, yɩ wʋntʋ lʋ Zifi. Kalɛbɩ ta ma lʋ Maresa, yɩ wʋntʋ lʋ Ebrɔn.
43 Ebrɔn bu-baara bam mʋ tɩntʋ:
Kʋra, dɩ Tapua, dɩ Rekem, dɩ Sema. 44 Sema dɛɛn ma lʋ Raham, yɩ wʋntʋ lʋ Yorakeyam. Rekem dɩ ma lʋ Samayi. 45 Samayi bu dɛɛn maa yɩ Maon. Maon ma lʋ Bɛt-Zura.
46 Kalɛbɩ ka-balaŋa Efa dɛɛn lʋgɩ Haran, dɩ Moza, dɩ Gazezi o pa‑o.
Haran dɩ ma lʋ bəkərə o yɩrɩ na yɩ Gazezi tɩn.
47 Yadayi biə mʋ tɩntʋ:
Regemi, dɩ Zʋatam, dɩ Gesan, dɩ Peleti, dɩ Efa, dɩ Saafɩ.
48 Kalɛbɩ ka-balaŋa Maaka dɛɛn ma lʋ Sebɛrɩ dɩ Tirana o pa‑o.
49 Maaka daa ta ma lʋ Saafɩ wʋlʋ dɩ na lʋgɩ Madamana tɩn, dɩdaanɩ Seva wʋlʋ na lʋgɩ Makɩbɩna dɩ Gibea tɩn. Kalɛbɩ dɛɛn jɩgɩ bukɔ, o yɩrɩ mʋ Akisa.
50 Nɔɔna bam kʋntʋ maama dɛɛn yɩ Kalɛbɩ biə mʋ.
Efrata bu-kwɩan Huuri bu-baara bam mʋ tɩntʋ:
Sobalɩ wʋlʋ na puli Kiriaf-Jeerim kuri tɩn, 51 dɩ Salɩma wʋlʋ na puli Betelɩhɛm kuri tɩn, dɩ Harɛfɩ wʋlʋ na puli Bɛtɩ-Gadɛrɩ kuri tɩn.
52 Sobalɩ ma lʋ Harowɛ. O dɛɛn jigi Manahatɩ tiinə bam cicoro nabaarʋ mʋ, 53 kʋ ta wǝli dɩ sɔ-yuni tɩlʋ na zʋʋrɩ Kiriaf-Jeerim seeni tɩn nabaarʋ. Bantʋ maa yɩ Yetɛrɩ tiinə, dɩ Puti tiinə, dɩ Sumatɩ tiinə, dɩ Misarayi tiinə bam. Zoratɩ tiinə bam dɩ Esatola tiinə bam dɩ nuŋi bantʋ dwi dɩm wʋnɩ.
54 Salɩma dwi dɩm dɛɛn yɩ Betelɩhɛm tiinə, dɩ Netofa tiinə, dɩ Aterotɩ-Bɛt-Yoabɩ tiinə, dɩ Manahatɩ tiinə bam cicoro, dɩdaanɩ Zori tiinə bam. 55 Salɩma ta ma ji sɔ-yuni tɩlʋ na zʋʋrɩ Yabɛsɩ nɩ yɩ ba yɩ twan-pʋpʋnna tɩn nabaarʋ. Bantʋ maa yɩ Tiratɩ tiinə, dɩ Simeyatɩ tiinə, dɩ Sukatɩ tiinə bam. Sɔ-yuni tɩm kʋntʋ dɛɛn yɩ Kɛnɩ tu Hammatɩ dwi tiinə mʋ. Hammatɩ maa yɩ Rekabi sɔ-yuu kʋm dɩ nabaarʋ.