Baŋa-Wɛ kwe Eli DƖ ja DƖ din wɛyuu
2
Maŋa kam dɛɛn yi sɩ Baŋa-Wɛ tɔgɩ viu baŋa DƖ kwe Eli DƖ ja DƖ vu wɛyuu. Eli dɩ Elisa dɛɛn ma zɩgɩ Giligalɩ nɩ ba maa kɛa. 2 Eli ma ta dɩ Elisa o wɩ: «Nan maŋɩ yo seeni, sɩ Baŋa-Wɛ tʋŋɩ-nɩ mʋ sɩ a vu Betɛlɩ.» Elisa ma vɩn yɩ o wɩ: «Ŋwɩa Tu Baŋa-Wɛ na sɩɩnɩ DƖ wʋra tɩn, amʋ dugi Dɩntʋ yɩrɩ ŋwaanɩ, dɩ nmʋ tɩtɩ ŋwɩa ŋwaanɩ nɩ: amʋ bá yagɩ n yɩra.» O na tagɩ kʋntʋ tɩn, ba maama ma tɔgɩ daanɩ ba vu Betɛlɩ.3 Ba na yi da tɩn, Wɛ nijoŋnə kɔgɔ kʋlʋ na zʋʋrɩ Betɛlɩ nɩ tɩn ma vu Elisa te ba bwe‑o ba wɩ: «Nmʋ ye nɩ Baŋa-Wɛ zɩm lagɩ DƖ kwe nmʋ yuutu wʋm mʋ DƖ ja DƖ viiri na?» Elisa ma ləri o wɩ: «Ɛɛn, amʋ sɩɩnɩ a ye kʋ ni nɩ. Nan yɩ pa-na sɩ dɩ́ larɩ kʋ lara.»
4 Eli laan ma ta dɩ Elisa o wɩ: «Nan maŋɩ yo seeni, sɩ Baŋa-Wɛ mʋ tʋŋɩ-nɩ sɩ a vu Zeriko.» Elisa daa ta ma ləri o wɩ: «Ŋwɩa Tu Baŋa-Wɛ na sɩɩnɩ DƖ wʋra tɩn, amʋ dugi Dɩntʋ yɩrɩ ŋwaanɩ, dɩ nmʋ tɩtɩ ŋwɩa ŋwaanɩ nɩ: amʋ bá yagɩ n yɩra.» Ba maama ma tɔgɩ daanɩ ba vu ba yi Zeriko.
5 Wɛ nijoŋnə kɔgɔ kʋlʋ na zʋʋrɩ Zeriko nɩ tɩn ma vu Elisa te ba bwe‑o ba wɩ: «Nmʋ ye nɩ Baŋa-Wɛ zɩm lagɩ DƖ kwe nmʋ yuutu wʋm mʋ DƖ ja DƖ viiri na?» Elisa ma ləri o wɩ: «Ɛɛn, amʋ sɩɩnɩ a ye kʋ ni nɩ. Nan yɩ pa-na sɩ dɩ́ larɩ kʋ lara.»
6 Eli daa ta ma ta dɩ Elisa o wɩ: «Maŋɩ yo seeni, sɩ Baŋa-Wɛ mʋ tʋŋɩ-nɩ sɩ a vu Zʋrdɛn bugə kam ni seeni.» Elisa dɩ daa ma ləri o wɩ: «Ŋwɩa Tu Baŋa-Wɛ na sɩɩnɩ DƖ wʋra tɩn, amʋ dugi Dɩntʋ yɩrɩ ŋwaanɩ, dɩ nmʋ tɩtɩ ŋwɩa ŋwaanɩ nɩ: amʋ bá yagɩ n yɩra.» Ba maama ma tɔgɩ daanɩ ba maa kɛa.
7 Bantʋ bale na ve ba zɩgɩ Zʋrdɛn bugə kam ni nɩ tɩn, mʋ Wɛ nijoŋnə kɔgɔ kʋm wʋ nɔɔna fiinnu ma tɔgɩ ba vu ba zɩgɩ dáa nɩ yɩ ba niə. 8 Eli ma lɩ o gɔrɔ o kukuli-kʋ o ma o magɩ Zʋrdɛn bugə na bam. Na bam ma pɔɔrɩ ba pəni jazɩm dɩ jagwiə pa ba bale bam tɔgɩ tɩ-kʋra baŋa nɩ ba bɛ.
9 Ba na bɛ bugə kam kʋntʋ tɩn, mʋ Eli tagɩ dɩ Elisa o wɩ: «Ta n brɩ-nɩ nmʋ na laga sɩ a kɩ woŋo kʋlʋ a pa‑m tɩn, sɩ Baŋa-Wɛ laan ba o ja-nɩ o viiri.» Elisa ma ləri o wɩ: «Amʋ tu, a lagɩ sɩ a joŋi n dam dɩlʋ n na jɩgɩ n tʋŋɩ tɩn kuni bɩle mʋ.»
10 Eli ma lǝr-o o wɩ: «Nmʋ na loori woŋo kʋlʋ tɩn tiini kʋ dana kʋ gaalɩ. Nmʋ nan na nɛ-nɩ maŋa kalʋ Baŋa-Wɛ na wʋ́ kwe-nɩ DƖ ja DƖ viiri tɩn, n jɩŋa wʋ́ zʋ n na beeri kʋlʋ tɩn. Kʋ nan na daɩ kʋntʋ, n bá na-kʋ.»
11 Eli dɩ Elisa na tɔgɩ daanɩ ba veǝ yɩ ba lara kʋntʋ tɩn, mʋ təriko na jɩgɩ min-vʋgʋ tɩn dɩ kʋ siseŋ-nɔɔna dɩ na jɩgɩ mim tɩn da kʋ zaŋɩ ba baŋa nɩ kulululu tɩ pwɛ-ba daanɩ. Eli ma da dɩ viu o kɛ Wɛyuu. 12 Elisa na nɛ kʋntʋ tɩn, mʋ o kaasɩ o wɩ: «Amʋ ko! Amʋ ko! Yisɩrayɛlɩ jar-kərə tərikooru tɩm dɩ tɩ sise diinə bam laan wʋ́ kɩ tɛ mʋ?» O daa maa wʋ nɛ Eli yɩra.
Eli na kɛ kʋntʋ tɩn, Elisa wʋ ma cɔgɩ yɩ o ja o tɩtɩ gɔrɔ o kaagɩ bɩle. 13 O ma kwe Eli gɔrɔ kʋlʋ ya na tʋ tɩga nɩ tɩn o joori o vu o zɩgɩ Zʋrdɛn bugə kam ni nɩ. 14 O ma kwe Eli gɔrɔ kʋm o magɩ na bam baŋa yɩ o wɩ: «Baŋa-Wɛ dɩm na yɩ Eli Wɛ tɩn nan bɛ?» O na magɩ na bam kʋntʋ tɩn, ba ma pɔɔrɩ bɩle ba daarɩ tɩ-kʋra. O laan ma tɔgɩ da o bɛ Zʋrdɛn bugə kam.
15 Wɛ nijoŋnə kɔgɔ kʋlʋ dɛɛn na nuŋi Zeriko tɩn ma tʋlɩ ba na Elisa na kɩ kʋlʋ tɩn, yɩ ba wɩ: «Elisa mʋ ləri Eli yuu nɩ o jɩgɩ o dam dɩm.» Ba ma fʋfɔ ba yi o te yɩ ba tiiri o yigə nɩ ba zul‑o. 16 Ba maa wɩ: «Nii mʋ. Dɩ́ jɩgɩ nɔn-babɛ fiinnu mʋ dɩ́ tee nɩ. Dɩbam tu, nan pa dɩ́ tʋŋɩ-ba sɩ ba vu ba beeri nmʋ yuutu wʋm je. Dɛdoŋ Baŋa-Wɛ Joro ga jaan‑o kʋ vu kʋ yagɩ piu kʋdoŋ yuu nɩ mʋ, naa gugoro kʋdoŋ wʋnɩ.» Elisa ma lǝri-ba o wɩ: «Ayei! Yɩ zaŋɩ-na á tʋŋɩ-ba.»
17 Ba ma tiini ba koor‑o pa Elisa ga ba ŋwa. O ma ta dɩ ba o wɩ: «Nan tʋŋɩ-na-ba sɩ ba vu.» Ba ma sɩɩnɩ ba tʋŋɩ nɔɔna fiinnu yɩ ba vu ba kwe da yatɔ ba beeri je maama yɩ ba wʋ nɛ Eli. 18 Elisa dɛɛn maŋɩ Zeriko tɩʋ wʋnɩ mʋ. Ba na joori ba ba o te tɩn, o ma ta dɩ ba o wɩ: «A ya maŋɩ a wʋ tagɩ a brɩ abam nɩ: á yɩ ve na?»
Elisa na kɩ wo-kɩnkagɩla yalʋ tɩn
19 Zeriko tɩʋ nɔn-biə badonnǝ dɛɛn ma vu Elisa te ba ta dɩd-o ba wɩ: «Dɩbam tu, nii dɩ́ tɩʋ kʋm zɩga na tiini kʋ lana te. Kʋ nan na yɩ te tɩn, na bam mʋ ba lana. Tɩga kam dɩ maa ba kɩ wʋdiiru lanyɩranɩ.»
20 Elisa ma ta o wɩ: «Kwe-na yɛ á kɩ zʋn-dʋŋa wʋnɩ á ja á ba á pa-nɩ.» Ba na kɩ kʋntʋ tɩn, 21 o ma kwe yɛ dɩm o vu o lo tɩʋ kʋm buli-yi dɩm nɩ yɩ o wɩ: «Baŋa-Wɛ na tagɩ kʋlʋ tɩn mʋ tɩntʋ: Amʋ kwɛ na bantʋ pa ba ji na-ŋʋna. Wʋlʋ na nyɔgɩ-ba, kʋ tu bá tɩ. Tɩga kam dɩ nan bá ji kafɛ.» 22 Kʋntʋ na kɩ tɩn, na bam ma lɛɛrɩ ba ji na-ŋʋna sɩ kʋ ba kʋ yi zɩm, nɩnɛɛnɩ Elisa na tagɩ te tɩn.
23 Elisa dɛɛn ma zɩgɩ Zeriko nɩ o maa ve Betɛlɩ. O na wʋ cwǝŋǝ nɩ kʋntʋ tɩn, mʋ bu-dʋnnʋ tɩdonnǝ nuŋi tɩʋ kʋm wʋnɩ ba ba ba jɩg-o ba mwana yɩ ba bag‑o ba wɩ: «Yu-kaporo tu, ta n kɛa! Lagɩ je!» 24 Elisa ma pipiri o nii ba seeni yɩ o daarɩ o sɔɔlɩ lwarɩm o yagɩ ba yuu nɩ Baŋa-Wɛ yɩrɩ ŋwaanɩ. O na yɔɔrɩ o ta kʋntʋ tɩn, mʋ ga-varaa bale nuŋi gaa kʋm wʋnɩ ba ja bu-dʋnnʋ tɩm fiinna-bale ba tʋrɩ yɩra-yɩra. 25 Elisa ma zɩgɩ jǝgǝ kam kʋntʋ nɩ o vu Karmɛlɩ piu kʋm seeni. Kʋ kwaga nɩ o ma joori Samari.