Pwa Dayigǝ Tɔnɔ
Pwa Dayigǝ Tɔnɔ kʋm tɛ Yisɩrayɛlɩ tɩʋ pwa badonnǝ taanɩ mʋ kʋ brɩ dɩbam. Pɛ Davidi tʋʋnɩ kwaga nɩ, o bu Solɔmɔn mʋ jigi pɛ. Solɔmɔn dɛɛn yɩ yi-pʋrɩ-nyɩm yɩ o ta yɩ nadum lanyɩranɩ. Wɛ ma ta dɩd-o DƖ wɩ: o lɔ digə Zeruzalɛm nɩ sɩ kantʋ ləri jero-tantɩ-vwe dɩm yuu nɩ sɩ nɔɔna taa zuli‑DƖ da. Pɛ Solɔmɔn tʋʋnɩ kwaga nɩ, Yisɩrayɛlɩ dwiə fugə-yale yam pwɛ mʋ ya ji pʋpwarɩ sɩle. Ba dɛɛn maa jɩgɩ dwiə yalʋ na wʋ jazɩm baŋa seeni tɩn ba bǝi nɩ Yisɩrayɛlɩ tɩʋ, naa Samari tɩʋ, naa Efrayim dwi dɩm. Kʋ daarɩ, dwiə yale mʋ wʋ kuri dɩm seeni. Yantʋ mʋ yɩ Zuda dɩ Bɛnzamɛn dwiə yam. Ba dɛɛn maa jɩgɩ dwiə yantʋ ba bǝi nɩ Zuda tɩʋ kʋm. Paarɩ cwe sɩle sɩm kʋntʋ dɛɛn nɛ pwa zanzan, yɩ ba ta zʋ cam zanzan wʋnɩ. Wɛ dɛɛn ma yǝni DƖ tʋŋɩ DƖ nijoŋnə sɩ bantʋ taa ve pwa bam dɩ ba nɔɔna bam tee nɩ ba ŋɔɔnɩ dɩ ba sɩ ba tɔgɩ cɩga. Eli dɛɛn mʋ yɩ nijoŋnǝ bam kʋntʋ dɩdʋa.