Ba daa joori ba jeeli nɔɔna bam ni
26
Yawɩ-cɛɔ kʋm na kwǝri tɩn, mʋ Baŋa-Wɛ tagɩ DƖ brɩ Moyisi dɩ kaanɩm tu Arɔn bu Eleyazaarɩ DƖ wɩ: 2 «Jeeli-na Yisɩrayɛlɩ tiinə kɔgɔ kʋm maama ni. Jeeli-ba sɔ-yuu dɩ sɔ-yuu maama wʋnɩ sɩ á lwarɩ ba baara balʋ na yi bɩna fiinle ba daŋɩ yɩ ba maŋɩ sɩ ba kɩ jara tɩn ni.»a3 Yisɩrayɛlɩ tiinə bam dɛɛn ya cwi ba vwə yam Moabɩ laŋa kam tɩ-kamparɩ nɩ mʋ. Je sɩm kʋntʋ wʋ Zʋrdɛn bugə kam ni nɩ mʋ yɩ Zeriko dɩ wʋ bubɛ dɩdoŋ dɩm seeni. Moyisi dɩ Eleyazaarɩ ma sɩɩnɩ ba sɛ Wɛ ni dɩm. Ba ma ta dɩ nɔɔna bam ba wɩ: 4 «Jeeli-na baara bam sɩ á lwarɩ balʋ na yi bɩna fiinle ba daŋɩ tɩn ni.»
Yisɩrayɛlɩ tiinə balʋ dɛɛn na nuŋi Ezipi tɩʋ kʋm nɩ tɩn mʋ tɩntʋ:b
5 Ruban na yɩ Zakɔbɩ bəkər-kwɩa tɩn dwi dɩm sɔ-yuni dɛɛn yɩ:
Yenokɩ sɔ-yuu kʋm, dɩ Palu sɔ-yuu, 6 dɩ Esrɔm sɔ-yuu, dɩ Karmɩ sɔ-yuu mʋ. 7 Ruban sɔ-yuni tɩm dɛɛn jɩgɩ baara mʋrrʋ fiinna-tɩtɔ dɩ biə yarpɛ dɩ fiintɔ (43,730) mʋ. 8 Palu bu dɛɛn yɩ Eliabɩ mʋ. 9 Eliabɩ biə maa yɩ Nemuwɛlɩ, dɩ Datan, dɩ Abiram.
Datan dɩ Abiram dɛɛn yɩ nɔɔna balʋ na yɩ dɩdɛɛra ba kɔgɔ kʋm wʋnɩ yɩ ba dwəni dɩ Moyisi dɩ Arɔn dɩ Baŋa-Wɛ tɩtɩ tɩn mʋ. Ba dɛɛn tɔgɩ dɩ Kʋra mʋ ba lɔ Baŋa-Wɛ kwaga nɩ. 10 Ba na kɩ kʋntʋ tɩn, mʋ tɩga kam dɛɛn bɔkɩ bɩle, yɩ ka li-ba pa ba tɔgɩ dɩ Kʋra ba tɩ. Wʋntʋ kwaga tɔgɩna bam maama dɩ ma tɩ maŋa kalʋ nɩ min-vʋgʋ na da kʋ nuŋi kʋ zwɛ nɔɔna biə-yale dɩ fiinnu (250) kʋ gʋ tɩn. 11 Kʋra sɔ-yuu kʋm maama dɛɛn nan wʋ ti.
12 Simeyon dwi dɩm sɔ-yuni dɛɛn yɩ:
Nemuwɛlɩ sɔ-yuu kʋm, dɩ Yamini sɔ-yuu, dɩ Yakinni sɔ-yuu, 13 dɩ Zara sɔ-yuu, dɩ Sawuli sɔ-yuu mʋ. 14 Simeyon sɔ-yuni tɩm dɛɛn jɩgɩ baara mʋrrʋ fiinle-tɩle dɩ biə-yale (22,200) mʋ.
15 Gadɩ dwi dɩm sɔ-yuni dɛɛn yɩ:
Zefon sɔ-yuu kʋm, dɩ Hagi sɔ-yuu, dɩ Suni sɔ-yuu, 16 dɩ Ozini sɔ-yuu, dɩ Eri sɔ-yuu, 17 dɩ Arɔdi sɔ-yuu, dɩ Areli sɔ-yuu mʋ. 18 Gadɩ sɔ-yuni tɩm dɛɛn jɩgɩ baara mʋrrʋ fiinna dɩ biə-yanu (40,500) mʋ.
Siloe sɔ-yuu kʋm, dɩ Farɛsɩ sɔ-yuu, dɩ Zara sɔ-yuu kʋm mʋ. 21 Farɛsɩ biə dɩ ba sɔ-yuni tɩm maa yɩ: Esrɔm sɔ-yuu kʋm, dɩ Hamuli sɔ-yuu mʋ. 22 Zuda sɔ-yuni tɩm dɛɛn jɩgɩ baara mʋrrʋ fusɩrpɛ-tɩrdʋ dɩ biə-yanu (76,500) mʋ.
23 Yisakaarɩ dwi dɩm sɔ-yuni dɛɛn yɩ:
Tola sɔ-yuu kʋm, dɩ Pua sɔ-yuu, 24 dɩ Yɔbɩ sɔ-yuu, dɩ Simirɔnɩ sɔ-yuu mʋ. 25 Yisakaarɩ sɔ-yuni tɩm dɛɛn jɩgɩ baara mʋrrʋ fusɩrdʋ-tɩna dɩ biə-yatɔ (64,300) mʋ.
26 Zabulɔn dwi dɩm sɔ-yuni dɛɛn yɩ:
Serɛdɩ sɔ-yuu kʋm, dɩ Elɔnɩ sɔ-yuu, dɩ Yaleheli sɔ-yuu mʋ. 27 Zabulɔn sɔ-yuni tɩm dɛɛn jɩgɩ baara mʋrrʋ fusɩrdʋ dɩ biə-yanu (60,500) mʋ.
28 Zʋzɛfʋ dɛɛn jɩgɩ biə bale mʋ: Manasɩ, dɩ Efrayim.
29 Manasɩ dwi dɩm sɔ-yuni dɛɛn yɩ:
Makira sɔ-yuu kʋm, dɩ Galadɩ sɔ-yuu mʋ. Makira maa yɩ Galadɩ ko. Galadɩ biə dɩ ba sɔ-yuni tɩm maa yɩ: 30 Yezɛrɩ sɔ-yuu kʋm, dɩ Heleke sɔ-yuu, 31 dɩ Asireli sɔ-yuu, dɩ Sishɛm sɔ-yuu, 32 dɩ Semida sɔ-yuu, Hefɛrɩ sɔ-yuu kʋm mʋ. 33 Hefɛrɩ bu Zelofadɩ dɛɛn nan ba jɩgɩ bəkərə. O bɩsankam sɩm yɩra maa yɩ Maala, dɩ Nowe, dɩ Hogɩla, dɩ Milka, dɩdaanɩ Tirisa. 34 Manasɩ sɔ-yuni tɩm dɛɛn jɩgɩ baara mʋrrʋ fiinnu-tɩle dɩ biə yarpɛ (52,700) mʋ.
35 Efrayim dwi dɩm sɔ-yuni dɛɛn yɩ:
Sutela sɔ-yuu kʋm, dɩ Bekɛrɩ sɔ-yuu, dɩ Tahan sɔ-yuu mʋ. 36 Sutela bu maa yɩ Eran dɩ o digə kam. 37 Efrayim sɔ-yuni tɩm dɛɛn jɩgɩ baara mʋrrʋ fiintɔ-tɩle dɩ biə-yanu (32,500) mʋ.
Manasɩ dɩ Efrayim dwiə yam kʋntʋ dɩ ba sɔ-yuni tɩm mʋ nuŋi Zʋzɛfʋ yɩra nɩ.
38 Bɛnzamɛn dwi dɩm sɔ-yuni dɛɛn yɩ:
Bela sɔ-yuu kʋm, dɩ Asabeli sɔ-yuu, dɩ Ayiram sɔ-yuu, 39 dɩ Sufam sɔ-yuu, dɩ Hufam sɔ-yuu mʋ. 40 Bela biə dɩ ba sɔ-yuni maa yɩ: Aradɩ sɔ-yuu, dɩ Naaman sɔ-yuu mʋ. 41 Bɛnzamɛn sɔ-yuni tɩm dɛɛn jɩgɩ baara mʋrrʋ fiinna-tɩnu dɩ biə-yardʋ (45,600) mʋ.
42 Dan dwi dɩm sɔ-yuu dɛɛn yɩ:
Suham sɔ-yuu kʋm mʋ. 43 Dan kwaga kam maama nuŋi Suham sɔ-yuu kʋm wʋnɩ mʋ. Kʋ dɛɛn nan jɩgɩ baara mʋrrʋ fusɩrpɛ-tɩna dɩ biə-yana (64,400) mʋ.
44 Asɛɛrɩ dwi dɩm sɔ-yuni dɛɛn yɩ:
Imina sɔ-yuu kʋm, dɩ Isivi sɔ-yuu, dɩ Beria sɔ-yuu mʋ. 45 Beria biə dɩ ba sɔ-yuni maa yɩ: Hebɛrɩ sɔ-yuu, dɩ Malkiɛlɩ sɔ-yuu mʋ. 46 Asɛɛrɩ dɛɛn jɩgɩ bukɔ mʋ, o yɩrɩ na yɩ Sera. 47 Asɛɛrɩ sɔ-yuni tɩm dɛɛn jɩgɩ baara mʋrrʋ fiinnu-tɩtɔ dɩ biə-yana (53,400) mʋ.
48 Nɛfitali dwi dɩm sɔ-yuni dɛɛn yɩ:
Yahazeli sɔ-yuu, dɩ Guni sɔ-yuu, 49 dɩ Jezera sɔ-yuu, dɩ Silem sɔ-yuu mʋ. 50 Nɛfitali sɔ-yuni tɩm dɛɛn jɩgɩ baara mʋrrʋ fiinna-tɩnu dɩ biə-yana (45,400) mʋ.
51 Yisɩrayɛlɩ tiinə balʋ maama ba dɛɛn na jeeli tɩn yɩ baara mʋrrʋ biə-yardʋ dɩdʋa dɩdaanɩ biə-yarpɛ dɩ fiintɔ (601,730) mʋ.
52 Baŋa-Wɛ laan ma ta dɩ Moyisi DƖ wɩ: 53 «Abam na tu sɩ á pɔɔrɩ tɩga kam á pa Yisɩrayɛlɩ tiinə bam, sɩ á taa ye ba yɩra yam na daga te tɩn ni nɩ. 54 Yisɩrayɛlɩ tiinə bam sɔ-yuu maama wʋ́ joŋi tɩga kam pʋpwara sɩ kʋ maŋɩ dɩ ba sɔ-yuu kʋm nɔɔna na maɩ te tɩn mʋ. Á maŋɩ sɩ á jeeli ba yɩra yalʋ á na pʋpʋnɩ á tiŋi tɩn ni mʋ. 55 Kʋ nan maŋɩ sɩ á ta jɔrɔ mʋ á ma á pɔɔrɩ tɩga kam á pa-ba. Ba maama wʋ́ joŋi ba tɩga sɩ kʋ maŋɩ dɩ ba yɩra yam ni na maɩ te tɩn mʋ. 56 Á wʋ́ ta jɔrɔ mʋ sɩ sɔ-yuu maama joŋi ba nyɩm, nɩ ba na maŋɩ ba yɩ kɔ-kamunu naa kɔ-balaŋa mʋ dɩ.»
57 Kʋ ta na yɩ Levi dwi tiinə bam, bantʋ sɔ-yuni tɩm dɛɛn yɩ:
Gɛrsɔnɩ sɔ-yuu kʋm, dɩ Keyatɩ sɔ-yuu, dɩ Merari sɔ-yuu mʋ. 58 Bantʋ biə dɩ ba sɔ-yuni maa yɩ: Libini sɔ-yuu kʋm, dɩ Ebrɔn sɔ-yuu, dɩ Masili sɔ-yuu, dɩ Musi sɔ-yuu, dɩ Kʋra sɔ-yuu mʋ.
Keyatɩ bu dɛɛn maa yɩ Amiram. 59 Wʋntʋ dɛɛn di Levi bukɔ, Yokebɛdɩ o ma kɩ o kaanɩ. Ba dɛɛn ya lʋg-o Ezipi wʋnɩ mʋ. Yokebɛdɩ dɩ Amiram dɛɛn nan lʋgɩ bəkəri sɩle mʋ, Arɔn dɩ Moyisi. Bantʋ dɩ ba nakɔ Miriyam.c
60 Arɔn dɛɛn jɩgɩ biə bana mʋ: Nadabɩ, dɩ Abiyu, dɩ Eleyazaarɩ, dɩ Itamarɩ. 61 Nadabɩ dɩ Abiyu dɛɛn tɩgɩ mʋ, ba na kwe min-yɔɔ ba zwɛ sɩ ba ma zuli Baŋa-Wɛ, yɩ DƖ wʋ pɛ cwǝŋǝ sɩ ba zwɛ mim dɩm kʋntʋ doŋ tɩn ŋwaanɩ.
62 Ba na jeeli Levi dwi dɩm tɩn, ba baara balʋ na yi cana tɩn maa yɩ mʋrrʋ fiinle-tɩtɔ (23,000). Ba nan wʋ jeeli-ba ba wǝli Yisɩrayɛlɩ dwi tiinə badonnǝ bam wʋnɩ. Bɛŋwaanɩ, ba dɛɛn ba maŋɩ sɩ ba tɔgɩ ba joŋi ba pʋpwara tɩga cɛɛm baŋa nɩ.
63 Yisɩrayɛlɩ tiinə bam na zʋʋrɩ Moabɩ laŋa kam tɩ-kamparɩ nɩ yɩ Moyisi dɩ Eleyazaarɩ jeeli ba ni tɩn mʋ ba dɛɛn pʋpʋnɩ baara bam yɩra kʋntʋ doŋ. Ba maa wʋ Zʋrdɛn bugə kam ni nɩ yɩ Zeriko dɩ wʋ bubɛ dɩdoŋ dɩm seeni. 64 Kʋ na yɩ balʋ Moyisi dɩ Arɔn ya na jeeli Sinayi kagʋa kam nɩ tɩn, ba wʋlʋwʋlʋ dɛɛn daa tǝrǝ sɩ ba daa jeel‑o. 65 Bɛŋwaanɩ, Baŋa-Wɛ maŋɩ DƖ ta bantʋ taanɩ DƖ wɩ: «Ba maŋɩ sɩ ba tɩ kagʋa kam wʋnɩ mʋ.» Balʋ yɩranɩ na daarɩ ba wʋnɩ tɩn mʋ yɩ Yefune bu Kalɛbɩ, dɩ Nun bu Zozwe.d