Nuŋim Tɔnɔ
Nuŋim Tɔnɔ kʋm tɛ Wɛ na tɔgɩ Moyisi baŋa DƖ joŋi DƖ nɔɔna bam Ezipi gabɛɛm dɩm wʋnɩ DƖ yagɩ te tɩn mʋ. Wɛ dɛɛn tɔgɩ puŋu na jaanɩ mim yɩ kʋ laan ba di kʋ zwɛa tɩn baŋa nɩ mʋ DƖ lɩ DƖ tɩtɩ DƖ brɩ Moyisi, yɩ DƖ daarɩ DƖ pa‑o ni sɩ o tɔgɩ Yisɩrayɛlɩ tiinə bam yigə o ja-ba o nuŋi Ezipi tɩʋ kʋm nɩ (Pʋpwara 3). Wɛ ma tiŋi cwǝŋǝ Nanɩ-sʋŋʋ kʋm wʋnɩ sɩ DƖ nɔɔna bam wanɩ ba nɔnɩ tɩ-kʋra baŋa nɩ ba bɛ. Ba na yi Sinayi piu kʋm tɩn mʋ Wɛ tɔgɩ Moyisi baŋa DƖ pa DƖ nɔɔna bam DƖ ni-kaana yam. Kʋ daɩ Wɛ niə fugə kam yɩranɩ mʋ Wɛ dɛɛn kwe DƖ pa-ba. DƖ ta pɛ-ba niə sɩ ba lwarɩ ba na wʋ́ taa tui DƖ yigə te ba zuli‑DƖ tɩn. DƖ ma brɩ Moyisi sɩ o lwarɩ o na wʋ́ kɩ te o pu vwe, sɩ dɩ taa waɩ dɩ gɔɩ yɩ ba joori ba cwi-dɩ mɛ dɩ mɛ maama ba na wʋ́ vu sɩ ba yǝni ba jeeri Wɛ da tɩn.