Pulim Tɔnɔ
Moyisi Twannʋ tɩnu tɩm
Ba jɩgɩ Wɛ Tɔnɔ kʋm pulim twannʋ tɩnu tɩm ba bǝi nɩ Moyisi Twannʋ mʋ. Kʋntʋ nan ba brɩ nɩ Moyisi tɩtɩ mʋ pʋpʋnɩ tɩ maama, sɩ kʋ brɩ nɩ wʋntʋ mʋ yɩ wʋlʋ na joŋi Wɛ niə yam Wɛ tee nɩ tɩn. Moyisi dɛɛn mʋ puli sɩ o taa zɩgɩ Wɛ dɩ o nɔɔna bam tɩtarɩ laŋa nɩ sɩ o brɩ-ba ba na wʋ́ kɩ te ba pwǝli Wɛ wʋ tɩn.
Pulim Tɔnɔ kʋm sənə
Pulim Tɔnɔ kʋm brɩ wǝǝnu maama kuri na puli te tɩn mʋ. Kʋ tɛ Baŋa-Wɛ na kɩ te DƖ naanɩ tɩga kam baŋa dɩ wɛyuu, dɩ wǝǝnu tɩlʋ maama na ŋwɩ tɩn, kʋ wǝli dɩ nabiinǝ dɩ mʋ. Kʋ ta tɛ nabiinǝ na tusi te pa yaara dɩ cɔgɩm ba lʋgʋ baŋa tɩn, dɩdaanɩ Wɛ na jaanɩ wʋbʋŋa sɩ DƖ kɩ te dɩ nabiinǝ ba lwarɩm ŋwaanɩ tɩn mʋ. Pɔɔrɩm 1-11 brɩ dɩbam Adam dɩ Awa, dɩ ba kwaga kam taanɩ mʋ, kʋ wǝli dɩ Nowe dɩ dʋ-fara kalʋ na li tɩga kam maama tɩn taanɩ, dɩ Babɛlɩ di-dɩdɔrɔ kʋm taanɩ. Pɔɔrɩm 12-50 dɩ maa ta Wɛ na goni ni sɩ DƖ kɩ Abraham dɩ o kwaga kam yu-yoŋo te, dɩ o na tʋŋɩ te Yisɩrayɛlɩ tiinə nabaara bam ŋwɩa wʋnɩ tɩn. Bantʋ maa yɩ Yizakɩ, dɩ Zakɔbɩ, dɩ Zʋzɛfʋ mʋ. Tɔnɔ kʋm maa paɩ dɩ́ lwarɩ nɩ, Wɛ yǝni DƖ nii DƖ nɔɔna baŋa nɩ mʋ, dɩ kʋ na maŋɩ kʋ camma kʋ pa-ba te dɩ.