Esayu dwi dɩm taanɩ
36
Esayu dwi dɩm mʋ tɩntʋ. Wʋntʋ yɩrɩ dɩdoŋ maa yɩ Edɔm.2 Esayu dɛɛn di Kaanan tiinə bukwa bam wʋnɩ mʋ o ma o kɩ o kaana. Ba dɩdʋa dɛɛn yɩ Hɛtɩ tu Elɔnɩ bukɔ mʋ, o yɩrɩ mʋ Ada. Bale tu wʋm maa yɩ Ana bukɔ Oholibama. Ana dɛɛn yɩ Hevi tu Zibeɔn bu mʋ. 3 O dɛɛn ta di Ismayɛlɩ bukɔ Basmatɩ o wǝli da. Wʋntʋ maa yɩ Nebayɔtɩ nakɔ.
4 Ada dɛɛn lʋgɩ Elifazɩ mʋ. Basmatɩ ma lʋ Rewuɛlɩ. 5 Oholibama dɩ dɛɛn ma lʋ Yewuki, dɩ Yahelam, dɩdaanɩ Kʋra. Esayu kaana bam dɛɛn lʋgɩ biə bam kʋntʋ maama maŋa kalʋ o ta na wʋ Kaanan tɩʋ kʋm nɩ tɩn mʋ.
6-7 Esayu dɩ Zakɔbɩ vara bam dɛɛn tiini ba gaalɩ mʋ yɩ ba jɩjɩgɩrʋ daga zanzan. Tɩga kam ba na zʋʋrɩ mɛ tɩn daa ba daga sɩ ka yi ba maama. Esayu ma zaŋɩ o ja o kaana bam dɩdaanɩ o biə bam maama, kʋ wǝli dɩ o sɔŋɔ nɔɔna bam maama. O ta ma kalɩ o vara bam maama yɩ o kwalɩmɩ jɩjɩgɩrʋ tɩlʋ maama o dɛɛn na nɛ Kaanan nɩ tɩn. O ma ja tɩ maama o vu o lagɩ je yigə yigə sɩ o dɩ Zakɔbɩ daa yɩ taa wʋ jǝgǝ dɩdʋa nɩ. 8 Kʋntʋ tɩn, Esayu dɛɛn ve o zʋʋrɩ Seyiri pweeru laŋa kam nɩ.
9 Esayu dwi dɩm taanɩ mʋ tɩntʋ. Wʋntʋ dɛɛn mʋ yɩ Edɔm dwi dɩm maama nabaarʋ. Bantʋ mʋ wʋ Seyiri pweeru laŋa kam nɩ.
10 Esayu bu-baara bam yɩra mʋ tɩntʋ:
O kaanɩ Ada dɛɛn lʋgɩ Elifazɩ. Kʋ daarɩ o kaanɩ Basmatɩ dɩ dɛɛn ma lʋ Rewuɛlɩ.
11 Elifazɩ bu-baara bam mʋ tɩntʋ: Teman, dɩ Omarɩ, dɩ Zefo, dɩ ɡatam, dɩdaanɩ Kenazɩ. 12 Esayu bu Elifazɩ dɩ dɛɛn ya jɩgɩ ka-biə wʋdoŋ o yɩrɩ na yɩ Timna tɩn. Wʋntʋ dɛɛn ma lʋ Amalɛkɩ o pa Elifazɩ. Biə bam kʋntʋ maama dɛɛn yɩ Esayu kaanɩ Ada naarʋ mʋ.
13 Rewuɛlɩ bu-baara bam mʋ tɩntʋ: Nahatɩ, dɩ Zera, dɩ Shama, dɩdaanɩ Miza. Biə bam kʋntʋ maama mʋ dɛɛn yɩ Esayu kaanɩ Basmatɩ naarʋ tɩn.
14 Kʋ daarɩ bu-baara balʋ Ana bukɔ Oholibama dɛɛn na lʋgɩ o pa Esayu tɩn mʋ tɩntʋ: Yewuki, dɩ Yahelam, dɩ Kʋra. Kaanɩ wʋm ko-nakwɩ yɩrɩ dɛɛn mʋ yɩ Zibeɔn.
15 Balʋ na yɩ nakwa yɩ ba nuŋi Esayu dwi dɩm nɩ tɩn mʋ tɩntʋ:
O bu-kwɩan Elifazɩ mʋ yɩ dwiə yantʋ nabaarʋ: Teman, dɩ Omarɩ, dɩ Zefo, dɩ Kenazɩ, 16 dɩ Kʋra, dɩ Gatam dɩdaanɩ Amalɛkɩ. Bantʋ maama yɩ Elifazɩ biə mʋ, yɩ ba kwǝri ba yɩ Ada naarʋ.
17 Esayu bu Rewuɛlɩ dɩ maa yɩ dwiə yantʋ nabaarʋ:
Nahatɩ, dɩ Zara, Shama dɩdaanɩ Miza. Bantʋ maama dɛɛn yɩ Rewuɛlɩ biə mʋ yɩ ba yɩ Esayu kaanɩ Basmatɩ naarʋ.
18 Esayu biə balʋ Ana bukɔ Oholibama na lʋgɩ o pa‑o tɩn mʋ bantʋ:
Yewuki, dɩ Yahelam dɩdaanɩ Kʋra. Dwiə yam kʋntʋ maama mʋ nuŋi Esayu kaanɩ Ohilibama nɩ tɩn.
19 Bantʋ maama dɛɛn mʋ yɩ Esayu dwi nabaara bam.
20-21 Balʋ na maŋɩ ba wʋra je sɩm kʋntʋ nɩ yɩ Esayu dwi dɩm laan ba dɩ zʋʋrɩ da tɩn mʋ tɩntʋ:
Hori tu Seyiri dwi dɩm nabaara mʋ yɩ Lotan, dɩ Sobalɩ, dɩ Zibeɔn, dɩ Ana, dɩ Disɔn, dɩ Etisɛrɩ dɩdaanɩ Disan.
22 Lotan dwi dɩm nabaara mʋ tɩntʋ: Hori dɩdaanɩ Hemam. Timna dɩ dɛɛn maa yɩ Lotan nakɔ.
23 Sobalɩ dwi dɩm nabaara mʋ tɩntʋ: Alɩvan, dɩ Manahatɩ, dɩ Ebalɩ, dɩ Sefo, dɩdaanɩ Onam.
24 Zibeɔn dwi dɩm nabaara mʋ tɩntʋ: Aya dɩdaanɩ Ana. Ana wʋntʋ wʋm dɛɛn mʋ wʋ kagʋa kam nɩ o tɔgɩ o ko bɩnɛ yɩ o beeri beeri o vu o na buli-yi dɩlʋ na na lʋmma tɩn.
25-26 Ana dɩ dwi dɩm nabaara mʋ tɩntʋ: Disɔn dɩdaanɩ o biə Hemdan, dɩ Esban, dɩ Yitran dɩdaanɩ Keran. Ana dɩ maa jɩgɩ bukɔ, o yɩrɩ mʋ Oholibama.
27 Etisɛrɩ dɩ dwi dɩm nabaara mʋ tɩntʋ: Bilihan, dɩ Zavan dɩdaanɩ Akan.
28 Disan dɩ dwi dɩm nabaara mʋ tɩntʋ: Utsi dɩdaanɩ Aran.
29 Bantʋ maama dɛɛn mʋ yɩ Hori dwi dɩm nabaara bam: Lotan, dɩ Sobalɩ, dɩ Zibeɔn, dɩ Ana, 30 dɩ Disɔn, dɩ Etisɛrɩ, dɩdaanɩ Disan. Bantʋ dɛɛn maa zʋʋrɩ Seyiri tɩʋ kʋm nɩ, ba dɩ ba sɔ-yuni tɩm maama.
Edɔm tiinə pwa bam taanɩ
31 Pwa bantʋ dɛɛn mʋ maŋɩ ba di Edɔm tɩʋ paarɩ yɩ Yisɩrayɛlɩ tiinə ya ta ba jɩgɩ pɛ o taa nii ba baŋa nɩ: 32 Bewɔrɩ bu Bela dɛɛn maa yɩ Edɔm tiinə pɛ. O tɩʋ kʋm yɩrɩ dɛɛn mʋ yɩ Dinaba. 33 Bela na tɩgɩ tɩn, mʋ Zara bu Yobabɩ na nuŋi Botisera tɩn ləni o yuu nɩ o ji pɛ. 34 Yobabɩ dɩ na tɩgɩ tɩn mʋ, Wusam na nuŋi Teman tiinə bam tɩʋ kʋm tɩn ləni o yuu nɩ o ji pɛ. 35 Wusam dɩ maa na tɩgɩ tɩn, Bedadɩ bu Adadɩ mʋ ləni o yuu nɩ o ji pɛ. Wʋntʋ dɛɛn kɩ tigurə dɩ Madɩan tiinə bam o wanɩ-ba Moabɩ tɩʋ kʋm nɩ. O tɩʋ kʋm yɩrɩ dɛɛn mʋ yɩ Aviti. 36 Adadɩ maa na tɩgɩ tɩn, mʋ Samɩla ləni o yuu nɩ o ji pɛ. Wʋntʋ dɛɛn nuŋi Masɩreka nɩ mʋ. 37 Samɩla na tɩgɩ tɩn mʋ, Sawuli ləni o yuu nɩ o ji pɛ. Wʋntʋ dɛɛn nuŋi Rehobɔtɩ tɩʋ kʋlʋ na wʋ Efratɩ nɩnɩʋ kʋm ni nɩ tɩn mʋ. 38 Sawuli dɩ na tɩgɩ tɩn, mʋ Akbɔrɩ bu Baalɩ-Hanan ləni o yuu nɩ o ji pɛ. 39 Baalɩ-Hanan dɛɛn na tɩgɩ tɩn, mʋ Adadɩ ləni o yuu nɩ o ji pɛ. Wʋntʋ tɩʋ kʋm yɩrɩ dɛɛn mʋ yɩ Pawu. O kaanɩ dɩ yɩrɩ dɛɛn mʋ yɩ Mehetabehɛlɩ. Mehetabehɛlɩ ko mʋ dɛɛn yɩ Matredɩ yɩ o ko-nakwɩ yɩrɩ dɛɛn yɩ Mezahabɩ.
40 Esayu dwi dɩm tiinə bam pwa bam dɩ dɛɛn na yɩ balʋ tɩm mʋ tɩntʋ, pɛ maama dɩ o jəŋə jɩ, dɩ o yɩrɩ. Kʋ yɩ,
Timna, dɩ Alva, dɩ Yeteti, 41 dɩ Oholibama, dɩ Ela, dɩ Pinɔn, 42 dɩ Kenazɩ, dɩ Teman, dɩ Mibsitarɩ, 43 dɩ Magdiɛlɩ dɩdaanɩ Yiram.
Edɔm dwi dɩm yɩra mʋ kʋntʋ, dɩ je sɩlʋ maama ba na jǝni tɩn yɩra yam. Esayu dɛɛn mʋ yɩ Edɔm tiinə nabaarʋ.