Lʋgʋ baŋa tɩɩnɩ dɩm taanɩ
10
Na-fara kam na kɩ kʋ kɛ tɩn kwaga nɩ mʋ Nowe bu-baara bam Sem, dɩ Samɩ, dɩdaanɩ Zafɛtɩ dɛɛn lʋgɩ biə. Bantʋ dwiə yam taanɩ mʋ tɩntʋ.Zafɛtɩ dwi dɩm
2 Zafɛtɩ bu-baara bam mʋ tɩntʋ: Gomɛrɩ, dɩ Magɔgɩ, dɩ Madayi, dɩ Yavan, dɩ Tubalɩ, dɩ Mesɛkɩ, dɩdaanɩ Tirasi. 3 Gomɛrɩ biə bam mʋ tɩntʋ: Asekenazi, dɩ Rifatɩ, dɩdaanɩ Togarɩma. 4 Yavan biə bam mʋ tɩntʋ: Elisa dɩ Tarsisi tiinə bam, dɩdaanɩ Kitimi tiinə bam, dɩ Dodanimi tiinə bam.a 5 Dwiə yalʋ maama na zʋʋrɩ nanɩɩrʋ tɩm ni nɩ tɩn nuŋi bantʋ yɩra nɩ mʋ.
Zafɛtɩ bu-baara bam mʋ kʋntʋ, nɔɔnʋ maama dɩ o tɩʋ, dɩ o taanɩ, dɩdaanɩ o dwi.
Samɩ dwi dɩm
6 Samɩ bu-baara bam mʋ tɩntʋ: Kusi, dɩ Mizraimb, dɩ Puti, dɩdaanɩ Kanan. 7 Kusi dɩ biə dɛɛn maa yɩ Seba, dɩ Avila, dɩ Sabita, dɩ Rayema, dɩ Sabɛtɩka. Rayema dɩ biə dɛɛn maa yɩ Saba dɩ Dedan. 8 Kusi bu wʋdoŋ dɛɛn yɩ Nɩmrɔdɩ. Nɩmrɔdɩ ma da yigə o ji babɩa lʋgʋ kʋm nɩ. 9 Wɛ dɛɛn ma pa o yɩ tɔɔrʋ babɩa, yɩ nɔɔna dɛɛn ma o yɩrɩ ba tɛ ba wɩ: «Nmʋ nyɩ nɩnɛɛnɩ Nɩmrɔdɩ, wʋlʋ wʋm dɛɛn na yɩ babɩa Baŋa-Wɛ yigə nɩ tɩn mʋ.» 10 Tɩɩnɩ dɩdonnǝ mʋ o dɛɛn di paarɩ dɩ baŋa nɩ. Dɩ maa yɩ: Babɛlɩ, dɩ Erɛkɩ, dɩ Kalne, dɩdaanɩ Akadɩ. Tɩɩnɩ dɩm kʋntʋ dɛɛn wʋ Sinearɩc laŋa kam nɩ mʋ. 11 O laan ma zaŋɩ dáanɩ o vu Asiiri je sɩm. O na yi da tɩn, o dɛɛn lɔgɩ tɩɩnɩ dɩdonnǝ mʋ. Dɩntʋ maa yɩ: Ninivi dɩ Reobɔtɩ, dɩ Kala, 12 dɩdaanɩ Resɛnɩ. Resɛnɩ ya wʋ Ninivi dɩ Kala tɩtarɩ nɩ mʋ. Kala dɛɛn mʋ yɩ je sɩm kʋntʋ tʋ-fɔrɔ.
13 Mizraim biə bam mʋ tɩntʋ: Luudi tiinə bam, dɩ Anamɩ tiinə bam, dɩ Leabi tiinə bam, dɩ Naftuyi tiinə bam, 14 dɩ Patrɔsɩ tiinə bam, dɩ Kasluyi tiinə bam, dɩdaanɩ Kaftɔrɩ tiinə bam. Filisi tiinə bam dɛɛn nuŋi Kasluyi dwi dɩm nɩ mʋ.
15 Kanan biə bam mʋ tɩntʋ: Sidɔn mʋ dɛɛn yɩ o bu-kwɩa. O daarɩ o lʋ Hɛtɩ. 16 Yebusi tiinə bam dɩ ma wəli da, dɩ Amɔɔrɩ tiinə bam, dɩ Girgasɩ tiinə bam, 17 dɩ Hevi tiinə bam, dɩ Ariki tiinə bam, dɩ Sini tiinə bam, 18 dɩ Arvadi tiinə bam, dɩ Semiarɩ tiinə bam, dɩdaanɩ Yematɩ tiinə bam.
Kʋ na kɩ fɩɩn kʋ wǝli da tɩn Kanan tiinə bam ma jagɩ je maama. 19 Ba laŋa kam laan zɩgɩ Sidɔn nɩ ka tʋlɩ ka yi Gerarɩ, ka vu ka yi Gaza, yɩ ka tʋlɩ ka yi Sodɔm, dɩ Gomɔrɩ, dɩ Adema, dɩdaanɩ Seboyim, ka laan vu kʋntʋ taa ka yi Lesa.
20 Samɩ bu-baara bam mʋ kʋntʋ, nɔɔnʋ maama dɩ o dwi, dɩ o taanɩ, dɩ o tɩʋ dɩdaanɩ o dɩ laŋa.
Semi dwi dɩm
21 Semi dɩ dɛɛn ma lʋ bu-baara. Wʋntʋ zɩmbaarʋ mʋ yɩ Zafɛtɩ. Semi dɛɛn yɩ Yebɛrɩ dwi dɩm nabaarʋ mʋ. 22 Semi biə bam mʋ tɩntʋ: Elam, dɩ Asuuri, dɩ Arapazadɩ, dɩ Luudi, dɩdaanɩ Aram. 23 Aram biə bam mʋ tɩntʋ: Utsi, dɩ Uli, dɩ Getɛrɩ, dɩdaanɩ Masi. 24 Arapazadɩ dɛɛn yɩ Selakɩ ko mʋ, Selakɩ maa yɩ Yebɛrɩ ko. 25 Yebɛrɩ dɛɛn lʋgɩ biə bale mʋ: Ba dɩdʋa yɩrɩ mʋ yɩ Pelɛgɩ (kʋ lagɩ kʋ ta nɩ Cɛɛm), bɛŋwaanɩ, ba na lʋg-o maŋa kalʋ nɩ tɩn mʋ dwiə yam dɛɛn pɔɔrɩ pɔɔrɩ tɩga baŋa nɩ pa dwi maama wʋra dɩ laŋa nɩ.d O nyaanɩ wʋm yɩrɩ dɛɛn maa yɩ Zokitan. 26 Zokitan dɛɛn maa lʋ Almodadɩ, dɩ Selɛfʋ, dɩ Yatsarmavɛtɩ, dɩ Zerakɩ, 27 dɩ Yadoramɩ, dɩ Uzalɩ, dɩ Dikila, 28 dɩ Obalɩ, dɩ Abimayɛlɩ, dɩ Seba, 29 dɩ Ofiiri, dɩ Yavila, dɩdaanɩ Yobabɩ. Bantʋ maama mʋ dɛɛn yɩ Zokitan biə bam. 30 Ba laŋa kam dɛɛn zɩgɩ Mesa je sɩm nɩ mʋ ka tʋlɩ kʋntʋ ka yi Sefarɩ seeni. Pweeru laŋa kam na wʋ wa-puli je sɩm nɩ tɩn mʋ kʋntʋ.
31 Semi bu-baara bam mʋ kʋntʋ, nɔɔnʋ maama dɩ o dwi mʋ, dɩ o taanɩ, dɩ o tɩʋ, dɩdaanɩ o tɩtɩ laŋa.
32 Dwiə yalʋ maama na nuŋi Nowe biə bam yɩra nɩ tɩn, dɩ ba na pɔɔrɩ dwi dɩ dwi te tɩn mʋ kʋntʋ. Na-fara kam kwaga nɩ Nowe dwi dɩm dɛɛn laan ma puli ba jagɩ ba su lʋgʋ baŋa tɩɩnɩ dɩm maama.