Zata Murduhay ta ghwa
10
1 Ka fatá mgham Ahasverus ta pla dzəmna ka mbraku mbraku ta inda haɗikha ta gə tsi ta mgham ta ghəŋa ni, kulam nda gwal diʼiŋ ta haɗikha ma takataka drəf tani. 2 Inda tsa slna mandərmimi, nda mbraku mbraku mgham ya ná, vindam vinda lu ma ɗelewer ta rusa skwi ta ghəŋa mghamha Mediya nda Persiya. Ta rusay tsa ɗelewer ya guli, ya ká mgham Ahasverus vlaŋtá sgit Murduhay ka ŋəlanafta. 3 Mantsa nzakwa ni, nuna Murduhay mnda la Yahuda ka mndu ta mbruta ma tsa ga mgham ya mista mgham Ahasverus. Da zwana ma ni la Yahuda ná, nda nza ka mndu dagala, ɗvu ɗva həŋ katakata demdem. Zbaŋ zba ta magana zɗaku ŋa mnduha ni, tsatsi guli ta gwaɗa ma vla taŋ.