Danyel
Danyel
Lami dida
Nana deftera Danyel na ná, ta gwaɗay ta gwaɗa ta ghəŋa skwi ta maguta nda la Yahuda hlagha lu, ta fitika gay sana mgham kul nzakway ka la Yahuda ta mgham ta ghəŋa taŋ. Ama vər vəra skwiha ya mnaŋ lu ta gwaɗa ta ghəŋa ni ma na defteri na ná, skwiha ta maguta nda həŋ ta haɗika Babila ya. La Babila ná, la Kaldiya ta hga lu ta həŋ ma tsa fitik ya.
Na mndu ta vindaftá na defteri na ná, nda skwiha ta maguta, nda ya nda skwiha manda suni, maga tsi ta slna ŋa vlaŋtá mbraku ta mnduha ni ta tsa fitik ni ya. Maga maga mantsa ya, ŋa fata mnduha ta ŋuɗufa taŋ kazlay na dzaʼa raghwana raghwa Lazglafta ta tsa ghwaɗaka mgham ta ga mgham ta ghəŋa taŋ ya kəʼa, nda ya ká Lazglafta guli dzaʼa vlaŋtá ga mgham ta mnduha ni.
His zlərma skwi ma na ɗelewer na
1. Rusa ta ghəŋa Danyel nda sanlaha ma graha ni ta haɗika ga vuʼa, mista ga mghama Babila. Ka zatá i Danyel nda graha ni ta ghwa ta ghəŋa ghumaha taŋ.
2. Suniha ta fanaghatá Danyel ya maraŋ lu ká lu garaftá hga ga mghamha, nda zlambakwa taŋ tani.
Skwi ta mutsaku ma na defteri na ná, dər ta wati fitik tsi ná, mamu Lazglafta nda mbraku ta ghəŋa ga mghamha, nda ya ta ghəŋa nzakwa mnduha ta ghəŋa haɗik. Ta raghwana raghwa ta ga mghamha ya ta dza kəma nda tsi, ka fatá ga mghama ni, ya dzaʼa gwanatá mndəra mnduha demdem.
Dagata skwiha mida
I Danyel nda graha ni 1:1–6:29
Suniha ta fanaghatá Danyel 7:1–12:13
a. Nimtakha fwaɗ 7:1-28
b. Maŋazak nda dugzum 8:1-27
ɓ. Duʼa Danyel, nda klatá ghəŋa lumaha ndəfáŋ mbsak 9:1-27
d. Vuluha ha kɗavata fitik 10:1–12:13