<<    <     Nəhemiya     7     >    >> 
Vlay Nəhemiya ta hiɗaku ŋa ngha luwa
7
1 Manda kɗata batá tsa matsak ya, ka pghuŋtá yu ta parawalha. Pghamha yu guli ta gwal dzaʼa ngha wa tgha, nda gwal fa laha, nda la Levi. 2 Ka klaftá yu ta Hana ni zwaŋama ɗa ŋa nzanaghatá Ursalima, nda Hananya ka mali ta ghəŋa həga huzlu, kabga vərɗa mndu ya, ta zləŋay ta Lazglafta ka malaghutá ndəghata sanlaha. 3 Ka yu nda həŋ mantsa: « Yaha lu gunaŋtá wa tghaha Ursalima ka ta saf a fitik. Ga haghu ya, makəɗ gwal ta nghay laghu ya ná, ŋa hafta taŋ ka ŋerzlafta nda slrata kfur. Ka mbaɗa gwal ma Ursalima ta vgha ka ngha luwa, ta nzatá sanlaha ma sana vliha, ta nzata sanlaha ta wa tghaha taŋ, » ka yu. 4 Bidid glakwa tsa luwa ya, ama slaghwa a mnduha mida wa. Ta babəglaf a lu ta həgaha karaku wa.
Hga la Yahuda si kasagha lu ta varakta
5 Ka vlihatá Lazglafta ɗa ta ndanapta tskanatá gwal dagala dagala, nda la mali, nda hamata mnduha ŋa vindaftá hga taŋ ga həga ga həga. Ka slaftá yu ta ɗelewera vindatá hga gwal ta varagaghata taŋtaŋ, ka slanaghatá yu ta vindata ni manda yaya:
6 Wya la Yahuda ya si kasagha Nevuhadnetsar, mghama Babila, ta varagaghuta da luwa Ursalima ta haɗika Yahuda. Ka varaghatá inda taŋ da luwa taŋ. 7 Gwal ta varagaghuta mista i Zərubabel, nda Yəhusuwa, nda Nəhemiya, nda Ghazarya, nda Raʼamiya, nda Nahamani, nda Murduhay, nda Bilsaŋ, nda Mispar, nda Bigvay, nda Nəhum, nda Baʼana.
Wya hga la Israʼila nda mbsaka taŋ:
8 Mataba la Parus ná, dəmbuʼ his nda dərmək nda ndəfáŋ mbsak his mida zgwana.
9 Mataba la Səfatya ná, hkən dərmək nda ndəfáŋ mbsak his mida zgwana.
10 Mataba la Arah ná, mkuʼ dərmək nda hutaf mbsak his mida zgwana.
11 Mataba la Pahatmuwav ta yagapta ma mndəra i Yəhusuwa nda Yuwap ná, dəmbuʼ his nda tghas dərmək nda ghwaŋpəɗ tghas zgwana.
12 Mataba la Ilam ná, dəmbuʼ nda his dərmək nda hutaf mbsak fwaɗ mida zgwana.
13 Mataba la Zattu ná, tghas dərmək nda fwaɗ mbsak hutaf mida zgwana.
14 Mataba la Zakkay ná, ndəfáŋ dərmək nda mkuʼ mbsak zgwana.
15 Mataba la Binnuwi ná, mkuʼ dərmək nda fwaɗ mbsak tghas mida zgwana
16 Mataba la Bebay ná, mkuʼ dərmək nda hisambsak tghas mida zgwana.
17 Mataba la Azgad ná, dəmbuʼ his nda hkən dərmək nda hisambsak his mida zgwana.
18 Mataba la Adunikam ná, mkuʼ dərmək nda mkuʼ mbsak ndəfáŋ mida zgwana.
19 Mataba la Bigvay ná, dəmbuʼ his nda mkuʼ mbsak ndəfáŋ mida zgwana.
20 Mataba la Ghadiŋ ná, mkuʼ dərmək nda hutaf mbsak hutaf mida zgwana.
21 Mataba la Ater ta yagapta nda ma mndəra Yəhizkiya ná, təmbay mbsak tghas mida zgwana.
22 Mataba la Hasum ná, hkən dərmək nda hisambsak tghas mida zgwana.
23 Mataba la Betsay ná, hkən dərmək nda hisambsak fwaɗ mida zgwana.
24 Mataba la Harif ná, dərmək nda ghwaŋpəɗ his zgwana.
25 Mataba la Givghuŋ ná, təmbay mbsak hutaf mida zgwana.
26 Mataba la Betlehem nda la Netufa ná, dərmək nda tghas mbsak tghas mida zgwana.
27 Mataba la Anatut ná, dərmək nda hisambsak tghas mida, zgwana.
28 Mataba la Betʼazmavet ná, fwaɗ mbsak his mida zgwana.
29 Mataba la Kiryatyəgharim, nda la Kəfira, nda la Bəʼeru ná, ndəfáŋ dərmək nda fwaɗ mbsak hkən mida zgwana.
30 Mataba la Rama, nda la Gevagh ná, mkuʼ dərmək nda hisambsak ndeŋ mida zgwana.
31 Mataba la Mikmas ná, dərmək nda hisambsak his mida zgwana.
32 Mataba la Betel, nda la Ghay ná, dərmək nda hisambsak hkən mida zgwana.
33 Mataba la Nevu ná, hutaf mbsak his mida zgwana.
34 Mataba la sana Ilam ná, dəmbuʼ nda his dərmək nda hutaf mbsak fwaɗ mida zgwana.
35 Mataba la Harim ná, hkən dərmək nda hisambsak zgwana.
36 Mataba la Yeriku ná, hkən dərmək nda fwaɗ mbsak hutaf mida zgwana.
37 Mataba la Lud, nda la Hadid, nda la Unu ná, ndəfáŋ dərmək nda hisambsak ndeŋ mida zgwana.
38 Mataba la Sənaʼa ná, dəmbuʼ hkən nda təmbay dərmək nda hkən mbsak zgwana.
39 Gwal ta dra skwi ŋa Lazglafta na:
Mataba la Yədaya zivira Yəhusuwa ná, təmbay dərmək nda ndəfáŋ mbsak hkən mida zgwana.
40 Mataba la Immer ná, dəmbuʼ nda hutaf mbsak his mida zgwana.
41 Mataba la Pashur ná, dəmbuʼ nda his dərmək nda fwaɗ mbsak ndəfáŋ mida zgwana.
42 Mataba la Harim ná, dəmbuʼ nda ghwaŋpəɗ ndəfáŋ zgwana.
43 La Levi na:
Mataba la Yəhusuwa, nda Kadmiyel ta sabi ma mndəra la Hudva ná, ndəfáŋ mbsak fwaɗ mida zgwana.
44 Gwal ta fa laha ma həga Lazglafta na:
Mataba la Asaf ná, dərmək nda fwaɗ mbsak tghas mida zgwana.
45 Gwal ta ngha wa tgha na:
Mataba la Sallum, nda la Ater, nda la Talmuŋ, nda la Akkuv, nda la Hatita, nda la Subay ná, dərmək nda hkən mbsak tghas mida zgwana.
46 Kwalvaha həga Lazglafta na: Mataba la Tsiha, nda la Hasufa, nda la Tabaghut, 47 nda la Kerus, nda la Siʼa, nda la Paduŋ, 48 nda la Ləbana, nda la Hagaba, nda la Salmay, 49 nda la Hanaŋ, nda la Giddel, nda la Gahar, 50 nda la Rəʼaya, nda la Rətsiŋ, nda la Nəkuda, 51 nda la Gazzam, nda la Uzza, nda la Paseyah, 52 nda la Besay, nda la Meʼunim, nda la Nəfusim, 53 nda la Bakbuk, nda la Hakufa, nda la Harhur, 54 nda la Batslit, nda la Məhida, nda la Harsa, 55 nda la Barkus, nda la Sisra, nda la Temah, 56 nda la Netsiyah, nda la Hatifa.
57 La kwalvaha Salumuŋ na: Mataba la Sutay, nda la Hassuferet, nda la Pərida, 58 nda la Yaʼala, nda la Darkuŋ, nda la Giddel, 59 nda la Səfatya, nda la Hattil, nda la Pukerethatsbayim, nda la Amuŋ.
60 Mataba kwalvaha həga Lazglafta, nda la kwalvaha Salumuŋ, hkən dərmək nda təmbay mbsak his mida gwagwata zgwana.
61 Wya hga gwal ta varagafta ma Telmelah, nda ya ma Telharsa, nda ya ma Kərubadduŋ, nda ya ma Immer. Laviŋ a həŋ ta maraŋta dar ka sab ma zivira la Israʼila dzidzíha taŋ tsi, ka ki tsi wa: 62 Hahəŋ la Dəlaya, nda la Tubiyya, nda la Nəkuda ná, mkuʼ dərmək nda fwaɗ mbsak his mida zgwana. 63 Mamu sanlaha ma gwal ta dra skwi ŋa Lazglafta guli: Mataba la Hubaya, nda la Hakkuts, nda la Barzillay. Mantsa ya ta hga lu ta tsa mndu ya, kabga vəl klafta ni ta sana makwa mataba kwagha sana mndu ta hgə lu ka Barzillay ma Gilghat. 64 Ka zbə həŋ ta vli vindam lu ta hga mndəra taŋ, ama slanagha a həŋ wa. Tsaya tama, ka klaftá lu ta hahəŋ ka mnduha ta tsaɗ lu, ka pyaftá lu ta həŋ ka maga slna dra skwi ŋa Lazglafta. 65 Ka pyaftá guvna tsa haɗik ya ta həŋ ka za skwi ya fana lu paɗak ta Lazglafta, ha ta sagha mnda dra skwi ŋa Lazglafta tsatsaŋta nda Urim nda ya nda Tumim karaku.
66 Gwagwata inda tsa gwal ta varakta ya ná, dəmbuʼ fwaɗ mbsak his mida nda hkən dərmək nda mkuʼ mbsak həŋ, 67 mbəɗaf a lu ta kwalvaha nda kurɗuha taŋ, dəmbuʼ ndəfáŋ nda hkən dərmək nda hkən mbsak ndəfáŋ mida wu. Mamu gwal fa laha zgwana nda miʼaha guli, his dərmək nda fwaɗ mbsak hutaf mida. 68 Ŋalibwaha taŋ ná, fwaɗ dərmək nda hkən mbsak hutaf mida həŋ. Kəɗihha taŋ ná, dəmbuʼ mkuʼ nda ndəfáŋ dərmək nda hisambsak həŋ. 69 Vala vala ndəghata zəʼala həgaha ta skwiha ŋa maga slna. Ka vlatá guvna ŋa da dzuguva ɗifa skwi ta sulay ka dasu dəmbuʼ, nda leghwaha ka kfur hutaf mbsak, nda lgutha hutaf dərmək nda hkən mbsak ŋa gwal dra skwi ŋa Lazglafta. 70 Ka valatá sanlaha ma zəʼala həgaha ta sulay ka dasu dəmbuʼ hisambsak, nda kiluʼa tsedi dəmbuʼ nda dərmək ŋa da dzuguva ɗifa skwi ŋa maga slna. 71 Ka valatá pɗakwa mnduha ta sulay ka dasu dəmbuʼ hisambsak, nda tsedi ka kiluʼ dəmbuʼ, nda lgut ŋa gwal ta dra skwi ŋa Lazglafta, mkuʼ mbsak ndəfáŋ mida. 72 Ka nzatá gwal ta dra skwi ŋa Lazglafta, nda la Levi, nda gwal ta ngha wa tgha, nda gwal fa laha, nda hamata mnduha, nda kwalvaha həga Lazglafta, nda pɗakwa inda la Israʼila ma luwaha taŋ.
Ta sagha mandəfáŋa tili ma vaku ná, nda nza nzakwa inda la Israʼila ma luwaha taŋ.