Yəhusuwa 15

Haɗika za həga vlaŋ lu ta mndəra la Yahuda

1 Wya kwakwar ya vlaŋ lu ta mndəra la Yahuda ta uʼa taŋ ta uʼa taŋ nda ma vza vindima: Sliʼafta ni ta mukuma Idum, nda ya ta mtaka Tsiŋ təv kɗavakta sud. 2 Mukuma ni nda ma sud ya guli ná, sliʼaf daga ma kɗavakta drəfa Slughul nda təv sud. 3 Ka lab tsa mukuma ya nda təv sud ka lab nda ma zlərɗa Rdaha, nda mtaka Tsiŋ, ka lab nda ma suda Kadesbarnegha, ka laf nda ma Hetsruŋ dikw da Addar, ka mbəɗadaptá vgha nda təv Karka. 4 Ka kəɗ tsa mukuma ya ta labi nda ma Atsmuŋ, ka labi da guya vgha nda wa lika Masar, ka lagha da drəf Dagala. Tsaya kuraghuta mukuma mndəra la Yahuda nda təv sud.

5 Nda təv safa fitik ná, drəfa Slughul mukuma ni dikw da vli ya ta valu Yardeŋ da tsa drəf ya. Nda ma nur ya, ma va tsa vli ya sliʼafta mukuma ni guli. 6 Tahula tsa, ka laf tsi nda ma Betʼhugla, ka laghu nda ma nura Betʼaraba, ka laghwa ni nda ta pala Buhaŋ, zwaŋa Rubeŋ. 7 Ka lafa tsi nda ma Dəvir ndusa nda didiŋa Akur, ka mbəɗavata nda ma nur təv Gilgal mbəŋ nda zlərɗa Adummim ma suda lika. Ka lab tsi nda təv dzuɓayha Ghensemes, ka laghwi da guya vgha nda Iŋʼrugel. 8 Ka laf tsa mukuma ya nda ma didiŋa Benhinum, nda ta vata vli təv suda kuɗuŋura Yəbus. Ma tsa vli ya Ursalima. Ka ŋladafta nda ta bɗəma ghwá nda təv dɗakwa fitik ta nzatá lu ta kɗavakta didiŋa Hinum nda ya nda ma nur ta nzatá lu ma didiŋa la Rafa. 9 Daga ta bɗəma tsa ghwá ya kuragata lu ta tsa mukuma ya dikw da dzuɓayha Neftuwah, ka lab tsi nda ma luwaha ndusa nda ghwá Ifruŋ. Ka lab nda ma Baghala ta hgə lu ka Kiryatyəgharim ya. 10 Ka mbəɗatá tsa mukuma ya ta vgha nda ma Baghala təv dɗakwa fitik ta nzatá lu ta ghwá Seghir. Ka lab tsi nda ta vata ghwá Yəʼarim nda ma nur, tsaya Kesaluŋ. Ka valadatá tsi nda ma Betʼsemes, ka labi nda ma Timna. 11 Ka lab tsi nda ma nura luwa Ghekruŋ, ka mbəɗadaptá vgha təv Sikkaruŋ, ka laghu nda mista ghwá Baghala, ka ɓhadaghata da Yavnəʼel, ka lagha da drəf Dagala. 12 Nda təv dɗakwa fitik ya guli ná, tsa drəf ya ta nzakway ka mukuma. Tsaya kuraghuta mukuma vlaŋ lu ta mndəra la Yahuda ta uʼa taŋ ta uʼa taŋ.

13 Ka vlaŋtá lu ta Kalep zwaŋa Yəfune ta ŋa ni ma kwakwar ma takataka la Yahuda, manda ya mnanaf Yawe ta Yəhusuwa. Ka vlaŋta lu ta Kiriyatʼarba ta hgə lu gitana ka Hevruŋ ya. Arba ná, dzidza Ghanak ya. 14 Ka ghəzlaftá Kalep hada ta zwana Ghanak hkən: Tsaya i Tsetsay, nda Ahimaŋ, nda Talmay. 15 Ka sliʼaftá tsi ma Hevruŋ ka laghwi liŋtá guk nda vulu ta la Dəvir, luwa ta hgə lu ghalya ka Kiriyatʼsefer. 16 Ka Kalep mantsa: « Dzaʼa vlaŋ vla yu ta makwa ɗa Aksa ka marakw, ta mndu ya dzaʼa guyata nda Kiriyatʼsefer ka klaghutá tsa luwa ya, » kaʼa. 17 Ka zatá Utniʼel zwaŋa Kənaz zwaŋama ni ma Kalep. Ka klaftá Kalep ta tsa makwa ni Aksa ya ka vlaŋta ka marakw. 18 Manda lagha Aksa da Utniʼel, kaʼa nda tsi mantsa: « Ɗawa ta vwah da da ɗa, » kaʼa. Tahula tsa ka saha tsi ta kəɗiha ni. Ka Kalep nda tsi mantsa: « Nahgani ya ta kum ka na? » kaʼa nda tsi. 19 Ka Aksa mantsa: « Zɗəɗiŋ zɗa ta huɗi. Ya wya vliha vla ka ta vwah ma Negev ya, vliha vla ta dzuɓayha guli, » kaʼa. Ka vlaŋtá tsi ta dzuɓayha nda gaftək nda ya ndakalandala.

20 Tsaha ya kwakwarha ya daganap mndəra la Yahuda ta uʼa taŋ ta uʼa taŋ, ka skwa za həga taŋ. 21 Wya luwaha ya ma Negev ma kɗavakta kwakwara mndəra la Yahuda, ta mukuma nda Idum: Tsaha ya Kavtseʼel, nda Ider, nda Yagur, 22 nda Kina, nda Dimuna, nda Adaʼada, 23 nda Kedes, nda Hatsur, nda Yitnaŋ, 24 nda Zif, nda Telem, nda Beʼalut, 25 nda Hatsurhadata, nda Kiriyutʼhetsruŋ ta hgə lu ka Hatsur ya, 26 nda Amam, nda Səma, nda Mulada, 27 nda Hatsargadda, nda Hesmuŋ, nda Betʼpelet, 28 nda Hatsarsuʼal, nda Bəʼerseva, nda Bizyutiya, 29 nda Baghala, nda Iyim, nda Ghetsem, 30 nda Iltulat, nda Kəsil, nda Hurma, 31 nda Tsiklag, nda Madmanna, nda Saŋsanna, 32 nda Levaʼut, nda Silhim, nda Ghayiŋ, nda Rimmuŋ. Gwagwata tsa luwaha ya ná, hisambsak təmbay mida həŋ, nda zwana luwaha taŋ tani.

33 Wya kwakwarha nda ma kuɗuŋurha: Tsaha ya Istaʼul, nda Tsurgha, nda Asna, 34 nda Zanuwah, nda Iŋʼgannim, nda Tappuwah, nda Inam, 35 nda Yarmut, nda Ghadulam, nda Suku, nda Ghazeka, 36 nda Saʼarayim, nda Aditayim, nda Gədera, nda Gəderutayim: Luwaha ghwaŋpəɗ fwaɗ nda zwana luwaha taŋ tani.

37 Nda Tsənaŋ, nda Hadasa, nda Migdalgad, 38 nda Dilʼaŋ, nda Mitspe, nda Yukteʼel, 39 nda Lahis, nda Butskat, nda Igluŋ, 40 nda Kabbuŋ, nda Lahmas, nda Kitlis, 41 nda Gəderut, nda Betʼdaguŋ, nda Naʼama, nda Makkeda. Luwaha ghwaŋpəɗ mkuʼ nda zwana luwaha taŋ tani.

42 Nda Livna, nda Gheter, nda Asaŋ, 43 nda Yifta, nda Asna, nda Netsiv, 44 nda Kəghila, nda Ahziv, nda Maresa: Luwaha təmbay nda zwana luwaha taŋ tani.

45 Nda Ghekruŋ, nda vliha ya ma dzva ni, nda zwana luwaha ni tani. 46 Sliʼafta ma Ghekruŋ nda təv drəf, nda inda luwaha ndusa nda Asdut, nda zwana luwaha taŋ tani.

47 Mamu Asdut guli, nda vliha ma dzva ni, nda zwana luwaha taŋ tani. Nda Ghaza nda vliha ma dzva ni, nda zwana luwaha taŋ tani, ha da lika Masar, nda wa drəf Dagala tani.

48 Luwaha ya ta ghwáha guli ná, tsaya: Samir, nda Yattir, nda Suku, 49 nda Danna, nda Kiriyatʼsanna ta hgə lu ka Dəvir ya, 50 nda Anav, nda Istemu, nda Anim, 51 nda Guseŋ, nda Huluŋ, nda Gilu: Tsaya luwaha ghwaŋpəɗ ndeŋ nda zwana luwaha taŋ tani.

52 Nda Arav, nda Duma, nda Isghaŋ, 53 nda Yanum, nda Betʼtappuwah, nda Afeka, 54 nda Humta, nda Kiriyatʼarba, ta hgə lu ka Hevruŋ ya, nda Tsihur: Luwaha təmbay, nda zwana luwaha taŋ tani.

55 Nda Maghuŋ, nda Karmel, nda Zif, nda Yutta. 56 Nda Yizraʼel, nda Yukdəʼam, nda Zanuwah, 57 nda Kayinu, nda Givgha, nda Timna: Luwaha ghwaŋ, nda zwana luwaha taŋ tani.

58 Nda Halhul, nda Betʼtsur, nda Gədur, 59 nda Maʼarat, nda Betʼanut, nda Iltekuŋ: Luwaha mkuʼ, nda zwana luwaha taŋ tani.

60 Mamu Kiriyatbaʼal guli ta hgə lu ka Kiryatyəgharim, nda Raba: Luwaha his, nda zwana luwaha taŋ tani.

61 Luwaha ya nda ma mtak guli ná, wya həŋ: Betʼaraba, nda Midiŋ, nda Səhaha, 62 nda Nivsaŋ, nda luwa Slughul, nda Gheŋgedi: Luwaha mkuʼ, nda zwana luwaha taŋ tani.

63 Ama la Yəbus ma Ursalima ya ná, trap tra la Yahuda ta ghəzlaftá həŋ. Ha gita ta kawadaga tsa la Yəbus ya nda mnduha la Yahuda ma tsa vli ya.