Vrafta ta zlahu
Vrafta ta zlahu
Lami dida
Nana defteri na ta gwagwanatá gwaɗaha Musa ŋa la Israʼila ta haɗika Muwav, ma fata taŋ ta ghuɓa taŋ ma kɗavakta mbaɗa taŋ ma mtak. Ta magay vakwa ni ta fwaɗ mbsak ta hla həŋ. Ndanana, ndusa həŋ ka lami da haɗika Kanʼana ŋa zay taŋ ta həga.
Wya skwiha nda vivinda ma na defteri na:
1. Hahavanakta Musa ta la Israʼila ta skwiha ta maguta ma vakuha fwaɗ mbsak. Mnanaha guli ta həŋ ya ka Lazglafta hla həŋ ma mtak, ŋa snata taŋ ta zlaha Lazglafta, ka ŋanata.
2. Vrəglafta Musa ta zlahuha Lazglafta ghwaŋ. Ka sganaghata tsi ta mbraku ta ghəŋa taŋtaŋa zlahu. Ka vlaŋta tsi ta mbraku ta mnduha ŋa tsəlɓay taŋ ta tsəlɓu ŋa Lazglafta kweŋkweŋ. Ka vrəglafta tsi ta sanlaha ma zlahuha ya ŋa magay la Israʼila ta haɗik ya tanaf Yawe ta imi ta sləməŋ ta dzidzíha taŋ.
3. Havanakta Musa ta dzratá wa Lazglafta ta həŋ, ka tɗanaŋta ta sləməŋ ta həŋ ŋa fata taŋ ta ghəŋa taŋ ka maga skwi taɓta dzratá wi.
4. Tahula gwaɗaha Musa ŋa la Israʼila, ka pghafta tsi ta həŋ nda fa laha rfu, kabga zɗanaŋta Lazglafta ta huɗi ta həŋ. Tahula tsa, ka tfanaghata tsi ta wi ta həŋ. Ka vlaŋtá tsi ta kla kəma ta Yəhusuwa. Ka ŋladafta Musa ta ghwá ka nghadaptá tsi ka haɗik ya tanaf Yawe ta imi ta sləməŋ ta dzidzíha taŋ. Hada mtutá tsi ta haɗika Muwav, ma kɗavakta mbaɗa la Israʼila ma mtak. Ma tsa fitik ya, taghwaŋ a həŋ ka lami da haɗik ya tanaf Yawe ta imi ta sləməŋ ta dzidzíha taŋ ŋa zay taŋ ta həga wa. Mala klatá ghəŋa nana defteri na ná, Lazglafta ta kataftá mnduha ni zbap tsi, ka tfanaghatá wi, kabga ɗvu ɗva ta həŋ. Klatá ghəŋa na ayaha na ná, tsaya gwaɗa ya mna Yesu kazlay na: « Ɗvu ɗva ta Yawe, Lazglafta gha ma hya hya ŋuɗufa gha, nda inda hafa gha, nda inda mbrakwa gha, » kəʼa ya.
Dagata skwiha mida
Taŋtaŋa gwaɗa Musa 1:1–4:49
Mahisa gwaɗa Musa 5:1–26:19
a. Zlahuha ghwaŋ 5:1–10:22
b. Zlahuha, nda gwaɗaha, nda skwiha ŋa magay 11:1–26:19
Skwiha ŋa magay kada dzaʼa da Kanʼana 27:1–28:68
Dzrəglaftá wi 28:69–30:20
Kɗavakta gwaɗa Musa 31:1–33:29
Mtakwa Musa 34:1-12