Mbsak
Lami dida
Ɗelewera Mbsak ná, ta rusay ta nzakwa la Israʼila. Tsa rusa ya ná, zlraf zlra daga ma fitika zlaŋta taŋ ta ghwá Sinay, ka magatá həŋ ta vakuha fwaɗ mbsak ta ra vli ha ka lagha taŋ kuraghuta haɗik ya tanaf Yawe ta imi ta sləməŋ ta həŋ ŋa vlaŋtá həŋ. Mutsaf mutsa lu ta hga na ɗelewer na ma fitika mbəɗay Musa ta mbsaka la Israʼila mista ghwá Sinay ma kɗaku həŋ ka sliʼafta hada. Ma kɗaku lu ka mbəɗa həŋ ka mahis, ɓhadagha ɓha la Israʼila da Kadesbarnegha təv sud ta kuraghwa Kanʼana, ama laviŋ a həŋ ta lami da tsa haɗik ya tanaf lu ta imi ta sləməŋ ta həŋ nda təv tsaya wu, kabga haɗ zɗaku da həŋ wa.
Tahula zata taŋ ta vakuha nda təv tsaya, ka laghu həŋ nda təv safa fitik ta nzatá lu ta wa zala Yardeŋ. Hada daganafta lu ta həŋ ta kwakwar ŋa mayaka taŋ, ka payavatá həŋ ŋa tsughwaɗa zala Yardeŋ ŋa dzaʼa da Kanʼana.
Ɗelewera Mbsak ná, nda nza ka tsghatá lwa gwal ta gi sliʼafta ŋuɗufa taŋ, nda gwal hlu zləŋ ta həŋ ma gruŋta ghuya ɗaŋwa ta həŋ. Tsghatá lwa gwal ta sliʼanaftá hwazlaɓaku nda ruruŋwaku nda i Yawe nda Musa, mndu ya fa Yawe ŋa hla həŋ. Tsghatá lwi ya ŋa zɗakwa Yawe ŋa mnduha ni, nda suʼa skwi ma nghapta ka mnduha ni nduk nda mahtəhta taŋ nda kwala taŋ kul sna gwaɗa. Tsghatá lwa zɗakwa Musa ya ŋa Yawe nda mnduha ni, dər má ma sana vli, maraŋ mara ta kwal kul ksa ŋuɗuf.
Dagata skwiha mida
Paya vgha la Israʼila ŋa sliʼafta mista ghwá Sinay 1:1–9:23
a. Taŋtaŋa mbəɗaftá mbsak 1:1–4:49
b. Zlahuha nda tva skwiha ŋa magay kavghakavgha 5:1–8:26
ɓ. Skala Pak ka mahis 9:1-14
Daga mista ghwá Sinay ka lagha da Muwav 10:1–21:35
Skwiha ta maguta ma Muwav 22:1–32:42
Dzatá ghəŋa gwaɗa ta sliʼafta ma Masar ka ɓhadaghata da Muwav 33:1-49
Zlahu kada tsughwaɗa zala Yardeŋ 33:50–36:13